लूका 22:51 - कोन्छ्‌योककी सुङ

⁵¹ यिने येशूकी “वोसी, तुक माकी!” सुङ्‍नी ती लावा तीकी नम्ज्‍योकला रेक्‍नी टेक च्‍यिसुङ।

लूका 22:51 Iomraidhean Croise

लूका 22:50

तोजो पेला तिवी पर नेमा मिरा च्‍यिककी खुर्पा थेन्‍नी तेरी सिनाङ कोङ्‍यार छ्‍येकी लावा यीकी यावी थाकाकी नम्ज्‍योक ति टेप च्‍येसुङ।

लूका 22:52

तमा खोला जिम्‍बुपला वावु कोङ्‍यार छ्‍येतिवा ताङ ल्‍हङाङकी मक्‍मी छ्‍येतिवा ताङ यहूदी गोमा कितुप मी छ्‍येतिवाला खोकी दुक सुङ्‍सुङ, “ख्‍यिराङ च्‍यिला खुर्पा ताङ लकाम खुर्नी ङला जिम्‍बुपला वावु? काङ ङ च्‍याक्‍पा यिन रो?

यूहन्‍ना 17:12

ङ तिवी मुला वोता सेक याङ पपी ङला नङ्‍गुप ङार वोतुप मिङला तिवाला ङे र्‍होक्‍नी ज्‍याकिन। तुक क्‍यानी तिवी पर्ला ङ्‍येलाला डो गोवु तीला मिसिन यम्‍बा सु साङ ङ्‍येलाला माख्‍येल वे। ती ति कोन्‍छ्‍योककी सुङला टिवु ति तेरी छेवुला यिन।

लोमा छ्‍येतिवी लाका 16:28

पावलकी ती थोङ्‍नी कशेन थोर ग्‍यप्‍नी, “ओ अच्‍यु, तुक माकी! ङ्‍यिराङ तेरी देराङ वे!” सिनी सिक्‍यासुङ।

रोमी 12:21

दुक्‍टाकी ख्‍योरो खला ग्‍येल माज्‍यी, यिने ख्‍यिराङ लाका ल्‍यामु क्‍यानी दुक्‍टाकी खला ग्‍येला की।

२ कोरिन्थी 10:1

ङ ख्‍यिरा चिप्‍ला वोतुप पेला ज्‍यिवा क्‍यानी ताम्‍ङे कि मुथुपी, यिने थाक्‍रिङ्‍बु वोतुप पेला ति ख्‍यिरा थोक्‍ला ङाडेङ क्‍यानी ताम्‍ङे किवी सिनी ख्‍यिरा ङला सिवी। ङ पावल ति ख्रीष्‍टकी दोके कुसु ज्‍यम्‍बु ताङ च्‍यम्‍बा क्‍यानी ख्‍यिराङला ठाकुरे सिरिन।