लूका 21:8 - कोन्छ्‌योककी सुङ

⁸ येशूकी तिवाला सुङ्‍सुङ, “च्‍याङ्‍से देता, मीतिवी ख्‍यिराङला मुलुशी। मी बङीकी ङे मिङला वानी, ‘ङ ख्रीष्‍ट यिन।’, ‘तुजे चाला राङ लेम वे।’ सिनी सिवितो। यिने ख्‍यिराङ तिवी तिङ्‍ला तिङ माङ्‍योक।

लूका 21:8 Iomraidhean Croise

मत्ती 24:11

तमा लुङ्‍तेम्‍बा मेटेङ्‍बुतिवा बङी वानी मीतिवा बङीला लुकितो।

मत्ती 3:2

“ख्‍यिराङ दिक्‍पा ने सेम ग्‍युर, च्‍यिलासिसिन कोन्‍छ्‍योककी ग्‍येल्‍खाप चिप्‍ला राङ वा वे।”

मत्ती 4:17

ती पेला नेज्‍युनी येशूकी “ख्‍यिराङ दिक्‍पा ने सेम ग्‍युर! च्‍यिलासिसिन देवाच्‍येनकी ग्‍येल्‍खाप चिप्‍ला राङ वा वे।” सिनी मीतिवाला सुङ ख्‍याप्‍टाक कितुप गो चुसुङ।

लूका 17:23

मीतिवी ख्‍यिराङला ‘ल्‍होसा, खो याङ ते वे।’ याङ्‍ना ‘खो याङ दे वे।’ सिवी। यिने ख्‍यिराङ तिवी तिङ्‍ला माडो।

लूका 21:7

तमा लोमातिवी येशूला टिसुङ, “गेकेन, दी ताम्‍ङेतिवा ति नम च्‍युङ्‍गिवी? तिवा च्‍युङ्‍गुप छलुप पेला चुका त गिवी?”

लूका 21:9

मक ग्‍यकुप ताङ हराङ हुरुङ कितुप ताम्‍ङे थोवु पेला ख्‍यिराङ ज्‍यिवा माकी। दी ताम्‍ङेतिवा गोमाला च्‍युङ राङ गोकिवी, यिने जम्‍बुलिङ शार्क्येक ना डोप ति मेङ्‍गिवी।”

यूहन्‍ना 5:43

ङे पपी मिङला ङ दी जम्‍बुलिङला वायी, यिने ख्‍यिरा ङला सेमला माला। यिने दोजो मी ललाइ खोरो ओङ्‍ज्‍येनला वासुङ सिसिन ख्‍यिरा तीला सेमला लङ्‍गिवी।

यूहन्‍ना 8:24

तुक क्‍यानी ख्‍यिराङ ति ख्‍यिरा क्‍यावु दिक्‍पाला राङ शिवितो सिनी ङे ख्‍यिराङला सिक्‍यावु यिन। दोजो ख्‍यिरा ‘ङ सु यिन, ती राङ यिन।’ सिरुप तीला तेपा माक्‍यासिन ख्‍यिराङ ख्‍यिरा दिक्‍पाला राङ शिवितो।”

यूहन्‍ना 8:28

ती तप्‍की येशूकी तिवाला सुङ्‍सुङ, “ख्‍यिरा ङ मी पुज्‍युङला येर देकुप पेला ‘ङ सु यिन, ती राङ यिन’ सिरुप ताङ ङरा राङ काङ माक्‍यावा क्‍यानी पपी ङला काङ सुङ्वे, ती दोके ङे तेरी सिक्‍यावु यिन सिरुप ति ख्‍यिरा हाक्‍कोकितो।

१ कोरिन्‍थी 6:9

दुक्‍टा कितुप मीतिवा कोन्‍छ्‍योककी ग्‍येल्‍खापला लेप मुथुपी सिरुप ति ख्‍यिराङला छ्‍या मे? ल्‍यामु क्‍यानी हाक्‍कोवा की। छ्‍येवु छ्‍येमु कितुपतिवा, कुला छ्‍यो तोङ्‍गुपतिवा, शम्‍डेन कितुपतिवा, ख्‍योक्‍पेजा ख्‍योक्‍पेजी पर्ला राङ शम्‍डेन कितुपतिवा,

एफिसी 5:6

सी साङ ख्‍यिराङला ताम्‍ङे मेशोलोक लाप्‍नी जिनोक मोजोशी, च्‍यिलासिसिन ती ताम्‍ङेकी जोसालेन्‍सिन कोन्‍छ्‌योककी सुङ मेङ्‍येन्‍दुपतिवी खला खोकी पर्च्या फोकिवी।

२ थेसलोनिकी 2:3

सी साङ ख्‍यिराङला काङगी थोक्‍ला साङ जिनोक जोनी मुलुशी। च्‍यिलासिसिन गोमाला कोन्‍छ्‍योककी तेन्‍दोकला लङ्‍गुप मी दिक्‍छेनतिवा बङी वुङ्‍गुप ताङ ना तोङ गोवु दुक्‍टाकी गिपा माथेन्‍दा सेक्‍ला ती तुजे ति मेवी।

२ तिमोथी 3:13

मी दुक्‍टातिवा ताङ मीला केन्‍दुप मीतिवा मीला केन्‍नी राङ मङ मङ दुक्‍टा डिवी। तमा मी यम्‍बी साङ तिवाला तुकै राङ किवी।

१ यूहन्‍ना 4:1

ङे ङ्‍यिङ्‍ज्‍येवुतिवा, थु चाङ्‍मा नेमा वावु ताम्‍ङे क्‍यासिन ख्‍यिराङ तिवा तेरीला तेपा माकी, यिने ती ति कोन्‍छ्‍योक नेमा वावु थु चाङ्‍मा यिनोक मिनोक सिनी हाक्‍कोवा की। च्‍यिलासिसिन लुङ्‍तेम्‍बा मेटेङ्‍बुतिवा बङी दी जम्‍बुलिङला थेन वोतो।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।

ज्‍यल्‍का 1:3

मीतिवाला दी थेपकी नाङ्‍ला वोतुप कोन्‍छ्‍योककी लुङ्‍तेम्‍बाकी सुङतिवा रानी तेरुप मी ताङ दी सुङतिवा ङ्‍येन्‍दुप मीतिवा ताङ ती सुङला सिक्‍यावु दोके क्‍यानी मिजी क्‍योङ्‍गुप मीतिवाला मोलाम थोपुप यिनो। च्‍यिलासिसिन दी थेप नाङ्‍ला वोतुप ताम्‍ङेकी तुजे ति ङमु राङ छेकिवी।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।