लूका 21:12 - कोन्छ्‌योककी सुङ

¹² यिने दी तेरी ताम्‍ङेतिवा च्‍युङ्‍गुप सिनाङ गोमाला मीतिवी ख्‍यिराङला जिम्‍गितो, छेटाङ तेर्कितो, तमा ख्‍यिराङला यहूदी छ्‍योखाङ ताङ चोन्‍खाङला चेक तेकितो। तमा ख्‍यिरा ङला तेपा क्‍यावु तप्‍की तिवी ख्‍यिराङला ग्‍येल्‍वुतिवा ताङ रोमी ग्‍येला कितुप मी छ्‍येतिवी चिप्‍ला क्‍योल्‍गितो।

लूका 21:12 Iomraidhean Croise

मत्ती 22:6

तमा यम्‍बातिवी तीकी लावातिवाला जिम्‍नी किताङ मेलोवा क्‍यानी सेसुङ।

मत्ती 24:8

यिने दिवा ति दुक्‍पाकी थल्‍मा तिराङ यिन।

लूका 21:11

तमा सयी ग्‍येर्पु ग्‍येर्पु ग्‍यकुप ताङ दासा दासाला ङ्‍यिमा मर्वु शरुप ताङ फेलुप नेजु मेलोक्‍पातिवा गिवितो। तमा नाम नेमा ज्‍यिवा लङ्‍गुप ताम्‍ङेतिवा ताङ हलेवु त ग्‍येर्पुतिवा छ्‍या देन्‍गितो।

यूहन्‍ना 15:20

‘चुका लावा साङ तीकी ज्‍यिन्‍दाक सिनाङ छ्‍ये मेवी।’ सिनी गोमाला ङे ख्‍यिराङला सिक्‍यावु ति ख्‍यिरा टेन्‍सो की। तिवी ङला छेटाङ बिन्‍सुङ सिसिन ख्‍यिराङला साङ छेटाङ तेर्किवी, यिने तिवी ङे सुङला ङ्‍येन्‍सुङ सिसिन ख्‍यिरा सिक्‍यावु ताम्‍ङेला साङ ङ्‍येन्‍गिवी।

यूहन्‍ना 15:21

तमा ख्‍यिराङ ङे तिङ्‍ला तिङ्‍योकुप तप्‍की तिवी ख्‍यिराङला तुका छेटाङ तेर्किवी। ती ति ङला तोङ्‍गुप तीला तिवी ङो माशेवु तप्‍की यिन।

लोमा छ्‍येतिवी लाका 22:30

ती सला तीला यहूदीतिवी पावलला काङगी तेन्‍दोकला क्‍येन बिन्‍दुप यिनाङ सिनी हाक्‍कोवुला मक्‍मी तोङ्‍डा च्‍यिककी खकी छ्‍ये तीकी पावलला टावु नेसुर पि ताङ्‍सुङ। तमा तेरी कोङ्‍यार छ्‍येतिवा ताङ यहूदी छ्‍योकी ठिम्‍खाङकी तेरी मीतिवाला जोम सिनी क बिन्‍नी पावलला मर टि वानी तिवी दोङ्‍ला लाङ्‍सुङ।

लोमा छ्‍येतिवी लाका 5:40

तीकी सिक्‍यावु ताम्‍ङे ति छ्‍योखाङकी मीतिवी सेमला गाल। तमा तिवी लोमा छ्‍येतिवाला नाङ्‍ला कताङ्‍नी दुसिमा तफेन्‍ला येशूकी मिङला ख्‍याप्‍टाक माकी सिनी पिताङ ताङ्‍सुङ।

लोमा छ्‍येतिवी लाका 8:3

यिने शाऊलकी ते वोतुप चर्चतिवा ना तोङ्‍गुप छाल्‍सुङ। तमा खाङ्‍बा खाङ्‍बाला शुनी तेपा कितुप ख्‍योक्‍पेजा ताङ पुम्‍पेजातिवा तेरीला टिनी वुङ्‍यिन ताङ चोन्‍खाङला उपिन क्‍यासुङ।

लोमा छ्‍येतिवी लाका 9:4

तमा वो ग्‍यप्‍लुङ्‍मे शाऊल ति तला लोक ग्‍यप्‍सुङ। ती पेला तीकी दुक सिरुप वोरु यी थोसुङ, “शाऊल, शाऊल, ख्‍युरुङ ङला च्‍यिला छेटाङ तेर्किवी?”

१ पत्रुस 2:13

ख्‍यिराङ तेपा कितुप मी यिन्‍दुप तप्‍की चोछ्‍येवु ग्‍येल्‍वु यिन्‍शी, ग्‍येल्‍वी ओङला देनी लुङ्‍बाला ग्‍येला कितुप मी छ्‍येतिवा यिन्‍शी, चोवो कोन्‍छ्‍योककी थोक्‍ला जम्‍बुलिङला वोतुप तेरी ओङ्‍ज्‍येन कितुपतिवी ओङला दे।

ज्‍यल्‍का 2:10

ख्‍युरुङला ख्‍येल वुङ्‍गुप छेटाङकी थोक्‍ला ज्‍यिवा माकी। ल्‍होसा, शैतानकी खोक्‍पा ल्‍हापला ख्‍यिरा पर्ला ललाइ ललाइला चोन्‍खाङला ख्‍येल ज्‍यितुप छल वोतो। यिन्‍सिनाङ ख्‍युरुङला ती छेटाङ ति ङ्‍यिमा च्‍यिथम्‍बा सेक तिराङ ख्‍येल्‍गितो। ख्‍युरुङ शिता सेक ङला तेपा रम्‍बु क्‍यानी दे, तमा ङ ख्‍युरुङला नाम्‍साङ मिशिवु मिजीकी छ्‍यक्‍तक तेरिनो।