लूका 20:16 - कोन्छ्‌योककी सुङ

¹⁶ ती ति वानी पिज्‍यिङ्‍बातिवाला सेकिवी, तमा गुन्‍डुम शिङ ति यम्‍बा पिज्‍यिङ्‍बातिवाला राङ तोङ्‍गिवी।” ती थोनी मीतिवी सिक्‍यासुङ, “दुकै याङ नाम्‍साङ मेङ्‍शी।”

लूका 20:16 Iomraidhean Croise

मत्ती 21:34

गुन्‍डुम छोनी रुकुप पेला तीकी खोरुङला थोपुप गुन्‍डुम लङ्‍गुपला खोरो लावातिवाला पिज्‍यिङ्‍बातिवी ते ताङ्‍सुङ।

मत्ती 21:41

तमा तिवी सिक्‍यासुङ, “तीकी ती पिज्‍यिङ्‍बा दुक्‍टातिवाला कशेन ठिम तङ्‍नी सेनी ती गुन्‍डुम शिङ ति गुन्‍डुम रुकुप पेला ज्‍यिन्‍दाकला थोपुप ति ज्‍यिन्‍दाकला राङ तेतुप यम्‍बा पिज्‍यिङ्‍बातिवाला तोङ्‍गिवी।”

मत्ती 22:7

तुक क्‍यासिमा ग्‍येल्‍वु ति ङ्‍यिर्मु लानी मक्‍मीतिवा ताङ्‍नी खोरो लावातिवाला सेतुप मीतिवा से च्‍यिसुङ, तमा तिवी ग्‍येसा तीला मे ग्‍यक च्‍यिसुङ।

मर्कूस 12:9

त ती गुन्‍डुम शिङगी ज्‍यिन्‍दाक तीकी काङ किताङ? ती ज्‍यिन्‍दाक वानी ती पिज्‍यिङ्‍बातिवाला सेकिवी, तमा गुन्‍डुम शिङ ति यम्‍बा पिज्‍यिङ्‍बातिवाला तोङ्‍गिवी।

लूका 19:27

त ङला ग्‍येल्‍वु च्‍युङ्‍गुप नो मिकिवु ङे डतिवाला दे टि वानी ङे चिप्‍ला राङ से।’”

लूका 20:15

तमा तिवी तीला गुन्‍डुम शिङगी पाङ्‍ला तेन ताङ्‍नी सेसुङ। त गुन्‍डुम शिङ ज्‍यिन्‍दाक तीकी तिवाला काङ किताङ?

लोमा छ्‍येतिवी लाका 13:46

यिने पावल ताङ बारनाबासकी ङाडेङ क्‍यानी सिक्‍यासुङ, “कोन्‍छ्‍योककी सुङ ति थल्‍माला ख्‍यिराङ यहूदीतिवाला राङ ख्‍याप्‍टाक कि गोवु ति यिन्‍जा। यिने ख्‍यिरा दी सुङला माङ्‍येन्‍नी नाम्‍साङ मिशिवु मिजी ङ्‍ये छ्‍योवु मेतुप तप्‍की ङ्‍यिराङ यहूदी मिन्‍दुप मिरिक यम्‍बाकी मीतिवी ते डिवी।

रोमी 11:1

तुक क्‍यानी ङ ख्‍यिराङला टेयिन, “काङ कोन्‍छ्‍योककी खोरो पेतुप मीतिवाला क्‍युर्नी ज्‍याक्‍सुङ रो?” मिन, वुतुङ के खोकी तिवाला नाम्‍साङ क्‍युर्नी माज्‍याक। ङ साङ अब्राहामकी गिपा यिन, तमा बेन्‍यामीन मिछाङकी मी यिन।

रोमी 11:11

तुक क्‍यानी ङ येलुङ ख्‍यिराङला टेयिन, काङ इस्राएलकी मीतिवा दोला नर्तुक ग्‍यप्‍नी तला ग्‍यप्‍सिमा लङ मुथुपी रो? वुतुङ के तुकै मिन। इस्राएलकी मीतिवी येशूला तेपा माक्‍यानी लाका दुक्‍टा क्‍यासिमा यहूदी मिन्‍दुप मिरिक यम्‍बाकी मीतिवी तेपा क्‍यावु तप्‍की तिवा दिक्‍पा ने थर्नी वे। ती थोङ्‍नी इस्राएलकी मीतिवा ठतोक लानी खोला तेपा किशी सिरुप ति कोन्‍छ्‍योककी नोवा यिन।

रोमी 3:31

तुकै यिन्‍सिन काङ दाक्‍पु येशूला तेपा क्‍यासिमा मोशाकी ठिम ति क्‍युर्नी ज्‍योकुप यिन रो? मिन, ती ठिमला मङ रम्‍बु जोनी ज्‍यकुप यिन।

रोमी 3:4

तुकै मिन, च्‍यिलासिसिन कोन्‍छ्‍योक ति छासे टेङ्‍बु वोतुप कोन्‍छ्‍योक यिन, यिने मी ति जिनोक जोप यिन। तुक क्‍यानी कोन्‍छ्‍योककी सुङला “चोवोकी सुङ्‍गुप ताम्‍ङेला मी तेरीकी ती सुङ ति टेङ्‍बु वे सिनी सिवी। ठिम कितुप पेला साङ चोवोकी राङ ग्‍येल थुप्‍किवी।” सिनी टि वे।

रोमी 3:6

ती ताम्‍ङे ति तुकै मिन, कोन्‍छ्‍योक ति मेटेङ्‍बु वोतुप यिन्‍सिन चुक क्‍यानी जम्‍बुलिङला ठिम क्‍या नङ्‍गिवी रो?

रोमी 6:15

तुकै यिन्‍सिन काङ कि गोकिवी? त दाक्‍पु ठिमकी ओङला मेनी कटिनकी ओङला वे। तुक क्‍यानी येलुङ दिक्‍पा राङ कितुप्‍जा? तुकै ति मिन।

रोमी 6:2

तुकै मिन, काङ दिक्‍पी जोसालेन्‍सिन दाक्‍पु शिसुङ, यिने च्‍यिला येलुङ दिक्‍पा क्‍या क्‍यावा राङ देकिवी?

रोमी 7:13

काङ तुकै यिन्‍सिन ती ल्‍यामु वोतुप तीकी ङला सेतुप यिन रो? तुकै मिन। दिक्‍पा काङ यिन सिरुप ति छ्‍या देन्‍दुपला दिक्‍पाकी ल्‍यामु वोतुप ठिम थ्‍वोनी ङला सेतुप यिन। तुक क्‍यानी ठिमकी क नेसुर दिक्‍पा ति मङ मेलोवा वोतुप च्‍युङ्‍सुङ।

रोमी 7:7

त ङ्‍यिराङ काङ सिरुप? काङ ठिम ति दिक्‍पा यिन रो? तुकै मिन। दोजो मोशाकी ठिम मेतुप यिन्‍सिन दिक्‍पा काङ यिन सिरुप ति ङला हाक्‍मोकोवी। ठिमकी थेप नाङ्‍ला ख्‍युरुङ देर्पा माकी सिनी सिमाक्‍यावु यिन्‍सिन देर्पा काङ यिन सिरुप ति ङला हाक्‍मोकोवुजा।

रोमी 9:14

त दाक्‍पु तीकी कोर्ला काङ सिरुप? काङ कोन्‍छ्‍योक ति मीला ख्‍ये बेतुप कोन्‍छ्‍योक यिन रो? तुकै मिन।

१ कोरिन्‍थी 6:15

ख्‍यिरा जु ति चोवो येशू ख्रीष्‍टकी येन्‍लक यिन सिरुप ति ख्‍यिराङला छ्‍या मे? काङ ङ ति खोकी जु ति छ्‍येमुतिवी मुला शम्‍डेन कितुप जोप्‍जा? मिन, तुकै नाम्‍साङ कितुप मेङ्‍गिवी।

गलाती 2:17

दाक्‍पु ख्रीष्‍टला तेपा क्‍यानी टेङ्‍बु च्‍युङ्‍गुप छोलुप पेला मोशाकी ठिम मातेन्‍सुङ सिसिन दिक्‍पा कितुप मीतिवा यिन। काङ ती दिक्‍पा ति येशू ख्रीष्‍टकी जो नङ्‍गुप यिन रो? मिन!

गलाती 3:21

तुकै यिन्‍सिन काङ मोशाकी ठिम ति कोन्‍छ्‍योककी थाक्‍छ्‍येन नङ्‍गुप ताम्‍ङेला मिडिकिवी? तुकै मिन। मोशाकी ठिमकी दाक्‍पुला मिजी सम्‍बा तेर थुपुप यिन्‍सिन दाक्‍पु ति मोशाकी ठिमला देनी राङ टेङ्‍बु च्‍युङ थुपुप ति यिन्‍जा।

गलाती 6:14

यिने दाक्‍पी चोवो येशू ख्रीष्‍टकी ग्‍यङ्‍शिङकी कोर्ला मिसिन ङ यम्‍बा काङला साङ तेके मिकी। ख्रीष्‍ट नेसुर जम्‍बुलिङ ति ङे थोक्‍ला ताङ ङ ति जम्‍बुलिङकी थोक्‍ला ग्‍यङ्‍शिङला कलुप यिन।