लूका 2:9 - कोन्छ्‌योककी सुङ

⁹ ती पेला देवाच्‍येनकी लेन क्‍योलुप थु च्‍यिक तिवी चाला छ्‍यार्सुङ। तमा चोवो कोन्‍छ्‍योककी मोवाकी वोसिर तिवी गारी गुरीला ग्‍यप्‍सुङ। ती थोङ्‍नी तिवा छासे ज्‍यिवा क्‍यासुङ।

लूका 2:9 Iomraidhean Croise

मत्ती 1:20

तुका नासाम तोङ्‍यिन वोतुप पेला योसेफकी मिलामला देवाच्‍येनकी लेन क्‍योलुप थु यी थोङ्‍सुङ। तमा तीकी योसेफला दुक सिक्‍यासुङ, “ओ, दाऊदकी गिपा योसेफ, ख्‍युरुङ मरियम ताङ मुला जेन्‍दी कितुपला ज्‍यिवा माकी। च्‍यिलासिसिन तीकी खोकला वोतुप आङा ति कोन्‍छ्‍योककी थु चाङ्‍मा नेमा च्‍युङ्‍गुप यिन।

लूका 1:28

ती देवाच्‍येनकी लेन क्‍योलुप थु ति मरियमकी चाला गल्‍नी, “ख्‍युरुङला लोदिमु वुङ्‍शिता। कोन्‍छ्‍योककी ख्‍युरुङला छासे कटिन नङ वे। कोन्‍छ्‍योक ख्‍योरो मुला ज्‍यु वे।” सिनी सिक्‍यासुङ।

लूका 2:8

तमा ती नुपला बेथलेहेम युलकी फेचेक चिप्‍ला दिङ्‍मा यीला गोठालातिवा खोप्‍रे लुकतिवा ल्‍हानी देनोक।

लूका 24:4

तमा तिवा काङ कितुप काङ कितुप गल्‍नी वोतुप पेला शार्क्येक वो ग्‍यपुप मज्‍या कोन्‍दुप ख्‍योक्‍पेजा मिरा ङ्‍यी तिवी चिप्‍ला लानी देनोक।

यूहन्‍ना 12:41

कोन्‍छ्‍योककी लुङ्तेम्‍बा यशैयाकी येशूला मोवा ङ्‍येकिवी सिरुप ति गोमाला के थोङ्‍गुप तप्‍की खोकी कोर्ला दी ताम्‍ङे टिवु यिन।

लोमा छ्‍येतिवी लाका 12:7

ती पेला राङ शार्क्येक देवाच्‍येनकी लेन क्‍योलुप थु यी वानी चोन्‍खाङ नाङ्‍ला वो ग्‍यप्‍सुङ। ती देवाच्‍येनकी लेन क्‍योलुप थु तीकी पत्रुसकी याशिङ्‍बी वोक्‍ला पोप्‍नी “ङमु खोक लो!” सिनी लाङ्‍सुङ। ती ज्‍युक्‍ला पत्रुसकी लाक्‍पाला ग्‍यपुप च्‍याटोकतिवा ति टोल्‍सुङ।

लोमा छ्‍येतिवी लाका 27:23

च्‍यिलासिसिन दाङ नुपला ङे सोवा देकुप कोन्‍छ्‍योककी लेन क्‍योलुप थु यी ङे चाला लानी ङला

लोमा छ्‍येतिवी लाका 5:19

यिने नुपला कोन्‍छ्‍योककी लेन क्‍योलुप थु यी वानी चोन्‍खाङकी गो ति पेसिमा तिवाला पाङ्‍ला टि वानी सिक्‍यासुङ,

२ कोरिन्थी 3:18

तमा दाक्‍पु तेरीकी गुकुर पेतुप ङुतुङला चोवो कोन्‍छ्‍योककी वोसिर ति ठछ्‍येली थोङ्‍गिवी। खो नेसुर वुङ्‍गुप वोसिरकी दाक्‍पुला खो दोके जोनी मङ मङ वोसिर ग्‍यकुप जो नङ्‍गिवी। ती तेरी चोवो कोन्‍छ्‍योककी थु चाङ्‍माकी क्‍यावु यिन।

२ कोरिन्थी 4:6

“नक्‍तोमीला ठछ्‍येली डोशी।” सिनी सुङ्‍गुप कोन्‍छ्‍योककी दाक्‍पी सेमला खोकी वोसिर ति ग्‍यक च्‍यिन वे। तमा ती वोसिरकी दाक्‍पुला येशू ख्रीष्‍टकी शालला वोतुप कोन्‍छ्‍योककी मोवा हाक्‍को ज्‍यिकिवी।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

हिब्रू 12:21

ते वोतुप थोङ्‍छ्‍योल ति छासे ज्‍यिवा लङ्‍गुप नोक। तुक क्‍यानी मोशाकी साङ “ङ ज्‍यिवा लानी र्‍हुकिन वे” सिनी सिक्‍या वे।

ज्‍यल्‍का 18:1

ती ज्‍युक्‍ला येलुङ देवाच्‍येन नेमा कोन्‍छ्‍योककी लेन क्‍योलुप थु यम्‍बा च्‍यिक वुङ्‍यिन वोतुप ति ङे थोङ्‍सुङ। ती ति छासे ओङ्‍ज्‍येन ग्‍येर्पु वोतुप नोक। ती नेसुर वुङ्‍गुप वोसिरकी जम्‍बुलिङ तेरी ठछ्‍येली गाल्‍सुङ।

ज्‍यल्‍का 20:11

येलुङ ग्‍येल्‍ठिक कर्मु ग्‍येर्पु यी ताङ तीकी खला ज्‍युवु तीला ङे थोङ्‍सुङ। तमा खोकी दोङ नेमा स ताङ नाम ति तोर्नी गल्‍नी चेयी साङ लुनी वोतुप ति माथोङ।