लूका 2:7 - कोन्छ्‌योककी सुङ

⁷ तमा तीकी खोरो पुज्‍युङ छ्‍ये ति क्‍येसुङ, ती आङा तीला छातेनला टिल्‍नी किम्‍बुर यीकी नाङ्‍ला ङ्‍याल्‍सुङ, च्‍यिलासिसिन तिवाला ते डोखाङला देतुप दासा कनी साङ माङ्‍ये।

लूका 2:7 Iomraidhean Croise

मत्ती 1:25

यिने मरियमला पुज्‍युङ माक्‍येवा सेक योसेफ तीकी मुला ङ्‍यिमालोक, तमा पुज्‍युङ क्‍येसिमा योसेफकी ती पुज्‍युङकी मिङ ति येशू सिनी तासुङ।

मत्ती 13:55

काङ दी मी याङ शिङ्‍जोकी पुज्‍युङ मिन? दीकी आमा याङ मरियम मिन? दीकी नुपतिवा याकूब ताङ योसेफ ताङ सिमोन ताङ यहूदा मिन रो?

मत्ती 8:20

ती थोसिमा येशूकी तीला “च्‍यिप्‍च्‍याङतिवी ति देतुप फुक वे, नामगी च्‍यच्‍युमतिवी ति देतुप छाङ वे। यिने ङ मी पुज्‍युङला याङ कनी साङ देसा मिन्‍दुक।” सिनी सुङ्‍सुङ।

लूका 10:34

तमा ती मी तीकी चाला गल्‍नी तीकी मतिवाला नुम ताङ गुन्‍डुम छ्‍याङ कुन बिन्‍नी मारा टिल बिन्‍सुङ। ती ज्‍युक्‍ला तीकी तीला खोरो पुङ्‍गोकला कल्‍नी डोखाङ यीला क्‍यल्‍नी तीला ल्‍हटे क्‍यासुङ।

लूका 2:6

तिवा ते बेथलेहेमला वोतुप पेला मरियमकी जु ठिलुप पेला लेप्‍सुङ।

लूका 2:8

तमा ती नुपला बेथलेहेम युलकी फेचेक चिप्‍ला दिङ्‍मा यीला गोठालातिवा खोप्‍रे लुकतिवा ल्‍हानी देनोक।

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

गलाती 4:4

यिने तुजे छेसिमा कोन्‍छ्‍योककी खोरे सेवुला दी जम्‍बुलिङला तङ्‍नी पुम्‍पेजा यीकी खोक नेमा मोशाकी ठिमकी ओङला क्‍येसुङ।