लूका 2:4 - कोन्छ्‌योककी सुङ

⁴ तमा योसेफ साङ गालील लुङ्‍बाकी नासरत नेसुर यहूदियाकी बेथलेहेम सिरुप ग्‍येल्‍वु दाऊद क्‍येवु ग्‍येसाला गाल, च्‍यिलासिसिन ती ति दाऊदकी गिपा नेमा क्‍येवु मी यिनोक।

लूका 2:4 Iomraidhean Croise

मत्ती 1:20

तुका नासाम तोङ्‍यिन वोतुप पेला योसेफकी मिलामला देवाच्‍येनकी लेन क्‍योलुप थु यी थोङ्‍सुङ। तमा तीकी योसेफला दुक सिक्‍यासुङ, “ओ, दाऊदकी गिपा योसेफ, ख्‍युरुङ मरियम ताङ मुला जेन्‍दी कितुपला ज्‍यिवा माकी। च्‍यिलासिसिन तीकी खोकला वोतुप आङा ति कोन्‍छ्‍योककी थु चाङ्‍मा नेमा च्‍युङ्‍गुप यिन।

मत्ती 2:23

तेसुर तिवा नासरत सिरुप ग्‍येसाला गल्‍नी ते देसुङ। तुक क्‍यानी कोन्‍छ्‍योककी लुङ्‍तेम्‍बा नेसुर “खोला नासरतकी मी सिवी।” सिनी सुङ्‍गुप सुङ ति छेसुङ।

लूका 2:3

मी तेरी खोप्‍रे मिङ थो ग्‍यकुपला दाक दाक्‍पी पगावाकी युल याङ्‍ना ग्‍येसाला गाल।

लूका 2:5

तीकी खोरो जेन्‍दी कितुपला लङ्‍गुप पुम मरियम ताङ मुला मिङ थो ग्‍यकुपला गल्‍नोक। तोजो पेला मरियम ति जु चेन्‍दी नोक।

लूका 4:16

तमा येशू खुरुङ र्‍होलुप नासरतला फेप्‍नी नरी दोके क्‍यानी ङासोप ङ्‍यिमाला यहूदी छ्‍योखाङला फेप्‍सुङ। तमा खो कोन्‍छ्‍योककी सुङ लोपुपला खोक लानी

यूहन्‍ना 1:46

तमा ती थोनी नथानेलकी फिलिपला “नासरत नेसुर काङ ल्‍यामु वुङ थुप्‍किवी रो?” सिनी सिक्‍यासुङ। यिने फिलिपकी “वानी ल्हो ताङ।” सिनी सिक्‍यासुङ।

यूहन्‍ना 7:42

कोन्‍छ्‍योककी सुङला ख्रीष्‍ट याङ ग्‍येल्‍वु दाऊदकी गिपा नेसुर गितो, तमा दाऊदकी युल बेथलेहेमला क्‍येकितो सिनी सुङ्‍गुप मिन रो?” सिनी सिक्‍यासुङ।