लूका 2:34 - कोन्छ्‌योककी सुङ

³⁴ शिमियोनकी तिवाला मोलाम बिन्‍नी आङी आमा मरियमला सिक्‍यासुङ, “ल्‍होसा, दी आङा ति इस्राएलकी मीतिवा बङीला ललाइला ति थर ज्‍यितुपकी थोक्‍ला ताङ ललाइला ति ना तोङ ज्‍यितुपकी थोक्‍ला कोन्‍छ्‍योककी पेतुप यिन। दी ति कोन्‍छ्‍योककी छ्‍या तेन्‍दुप त यिन, मी बङीकी तीकी तेन्‍दोकला लानी खोरो सेमगी नासाम छ्‍या देन्गिवी।

लूका 2:34 Iomraidhean Croise

मत्ती 11:19

ङ मी पुज्‍युङ वानी साप ताङ थुङ्‍गुप ति मीतिवी ल्‍हानी ‘ती ति सज्‍युरे ताङ छ्‍याङ्‍गेले यिन, तमा से दुतुप ताङ दिक्‍छेनतिवी दाल्‍जा यिन।’ सिनी सिवी। यिने कोन्‍छ्‍योककी रिक्‍पा ति ती रिक्‍पा वोतुप मीकी क्‍यावु लाका नेसुर राङ हाक्‍कोकिवी।”

मत्ती 12:46

येशूकी मी माङ्‍छ्‍योकला येन्‍देन नङ्‍यिन वोतुप पेला खोकी आमा ताङ नुपतिवा खो ताङ मुला ताम्‍ङे कितुप नोनी पाङ्‍ला लानी देनोक।

मत्ती 21:44

तमा फेन मोथोवु सिनी क्‍युरुप ती दे खला लुम्‍बुपतिवा ति ठमा ठुमा डितो, तमा सी खला ती दो ति लुम्‍गिवे, ती दे वोक्‍ला लेपुप ति थल्‍दुकला डिवी।”

मत्ती 27:63

“पिलातस ला, ती जिनोक जोप मी तीकी सेन्‍बु वोतुप पेला ङ्‍यिमा सुमकी तिङ्‍ला खोरुङ शेप ने येलुङ सेन्‍बु लङ्‍यिन सिनी सिक्‍यावु ति ङ्‍यिराङला टासा वे।

लूका 2:35

तमा ख्‍योरो सेम ति टि थ्‍वोनी सुरुप दोके छासे सेम्‍दुक लङ्‍गितो।”

यूहन्‍ना 3:20

दुक्‍टा कितुप तेरी मीतिवा वोसिरला गा मिकिवी, तमा वोसिरकी चाला मेङ्‍गिवी। च्‍यिलासिसिन तिवा खोरो क्‍यावु दुक्‍टा ति मीतिवी थोङ्‍गिवी सिनी ज्‍यिवा किवी।

यूहन्‍ना 5:18

ती ताम्‍ङे थोनी यहूदीतिवी येशूला मङ सेतुप नो क्‍यासुङ, च्‍यिलासिसिन खोकी ङासोप ङ्‍यिमा मेतेन्‍दुप तिराङ मिन, खुरुङ ति कोन्‍छ्‍योक ताङ च्‍यिक्‍पा राङ जोनी कोन्‍छ्‍योकला ति खोरे पपा यिन सिनी सुङ्‍नोक।

लोमा छ्‍येतिवी लाका 13:45

मी माङ्‍छ्‍योक वुङ्‍गुप थोङ्‍नी यहूदीतिवा ठतोक लानी पावलकी मीतिवाला लापुप ताम्‍ङे ति टेङ्‍बु मिन सिनी पावलकी तेन्‍दोकला लासुङ।

लोमा छ्‍येतिवी लाका 17:6

यिने पावल ताङ सिलासला माङ्‍येसिमा यासोन ताङ यम्‍बा तेपा कितुप मीतिवा ललाइला जिम्‍नी ग्‍येसाकी छ्‍येतिवी चिप्‍ला टि गाल। तमा वोरु देनिन सिरा “दी जम्‍बुलिङला ठका ठुका जोप मीतिवा दे साङ वानोक।

लोमा छ्‍येतिवी लाका 24:5

च्‍यिलासिसिन ङ्‍यिरा ल्‍हासिन दी मी तीकी कनी साङ मीतिवाला छासे दुक्‍पा तेरुप ताङ लुङ्‍बा तेरीकी यहूदीतिवी पर्ला हराङ हुरुङ जोप ताङ नासरी छ्‍योककी गोमा कितुप मी छ्‍ये यिन्‍दुप थोङ्‍सुङ।

लोमा छ्‍येतिवी लाका 28:22

यिने अच्‍युकी नासाम ति काङ नोक सिनी अच्‍युकी ख नेमा राङ ङ्‍येन्‍दुप ङ्‍यिरा नो वे। च्‍यिलासिसिन कनी साङ मीतिवा अच्‍युकी छोक्‍पाकी कोर्ला ताम्‍ङे मेलोवा तिराङ किवी सिरुप ति ङ्‍यिराङला छ्‍या वे।”

लोमा छ्‍येतिवी लाका 4:26

चोवो कोन्‍छ्‍योक ताङ खोकी पेन नङ्‍गुप ख्रीष्‍टकी तेन्‍दोकला ग्‍येल्‍वुतिवा ताङ ओङ्‍ज्‍येन कितुपतिवा जोम्‍नी लासुङ।’

लोमा छ्‍येतिवी लाका 6:7

तुक राङ क्‍यानी कोन्‍छ्‍योककी सुङ ति फेल गल्‍नी यरूशलेमला साङ कोन्‍छ्‍योकला तेपा कितुपतिवा बङी गाल। तमा यहूदी ल्‍हङाङकी कोङ्‍यारतिवी नाङ ने बङीकी तिवी क्‍यावु तेपा ति सेमला लासुङ।

रोमी 9:32

च्‍यिला माथुप्‍नोक सिसिन, तिवी खोकी थोङ्‍दाङला टेङ्‍बु च्‍युङ्‍गुप ति लाका ल्‍यामु क्‍यानी ङ्‍येकिते नो क्‍यानी कोन्‍छ्‍योकला ति तेपा कितुप नो माक्‍या। तुक क्‍यानी तिवा दोला नर्तुक ग्‍यप्‍नी तला ग्‍यप्‍नी वे।

१ कोरिन्‍थी 1:23

यिन्‍सिनाङ ङ्‍यिराङ ति ग्‍यङ्‍शिङला कल्‍नी टुङ्‍गुप येशू ख्रीष्‍टकी कोर्ला सुङ ख्‍याप्‍टाक किवी। ती सुङ ङ्‍येन्‍दुप पेला यहूदीतिवी दी ताम्‍ङे ति कोन्‍छ्‍योकला मारे तोङ्‍गुप यिन सिनी सिवी, ग्रीकतिवी दी ताम्‍ङे ति फेन मोथोवु यिन सिनी सिवी।

हिब्रू 7:1

ती मल्‍कीसेदेक ति शालेमकी ग्‍येल्‍वु ताङ चोछ्‍येवु कोन्‍छ्‍योककी कोङ्‍यार यिनोक। अब्राहामकी ग्‍येल्‍वुतिवी मुला मक ग्‍यप्‍नी तिवी खला ग्‍येल्‍नी लोङ वुङ्‍गुप पेला तीकी अब्राहामला ठेनी मोलाम बिन्‍दुप यिन।

हिब्रू 7:7

मोलाम थोपुप ति सिनाङ मोलाम तेरुप ति छ्‍ये यिन सिरुप ति तेरीला छ्‍या वे।

१ पत्रुस 4:14

दोजो ख्रीष्‍टला तेपा क्‍यावु तप्‍की मीतिवी ख्‍यिराङला ङ्‍यिङ्‍मर क्‍यासिन ख्‍यिराङला मोलाम थोपुप यिनो, च्‍यिलासिसिन कोन्‍छ्‍योककी मोवा वोतुप थु चाङ्‍मा ति ख्‍यिरा मुला ज्‍यु वे।