लूका 2:14 - कोन्छ्‌योककी सुङ

¹⁴ “तेरी सिनाङ येर देवाच्‍येनला कोन्‍छ्‍योकला मोवा वुङ्‍शी, जम्‍बुलिङला कोन्‍छ्‍योककी सु सुला गा क्‍या वे, तिवाला लोदिमु वुङ्‍शी।”

लूका 2:14 Iomraidhean Croise

मत्ती 21:9

ते मी माङ्‍छ्‍योक ललाइ ति खोकी गोमाला, ललाइ ति खोकी तिङ्‍ला तिङ्‍योकिन सिरा “दाऊदकी सेवुला होसन्‍ना!” “चोवोकी मिङला फेपुप तीला मोलाम वोतुप यिनो!” “चोछ्‍येवु कोन्‍छ्‍योकला होसन्‍ना!” सियी कशेन वोरु तेन्‍सुङ।

लूका 1:79

नक्‍तोमी ताङ शेपकी र्‍हिपला देतुपतिवाला ठछ्‍येली तेर च्‍यिसुङ, तमा ती ठछ्‍येलीकी ङ्‍यिराङला लोदिमु वोतुप लाम नेवा टिकिवी।”

लूका 19:38

“चोवोकी मिङला फेपुप ग्‍येल्‍वु ति छासे मोलाम थोपुप यिनो! देवाच्‍येनला लोदिमु वुङ्‍शी! तेरी सिनाङ चोछ्‍येवु कोन्‍छ्‍योकला मोवा वुङ्‍शी!”

लूका 2:13

ती पेला शार्क्येक ती देवाच्‍येनकी लेन क्‍योलुप थु मुला यम्‍बा देवाच्‍येनकी लेन क्‍योलुप थुतिवा बङी छ्‍यार्नी कोन्‍छ्‍योकला सोवा देकिन सिक्‍यासुङ,

लूका 2:15

तमा देवाच्‍येनकी लेन क्‍योलुप थुतिवा तिवा नेसुर क्‍येनी येर देवाच्‍येनला गल्‍सिमा गोठालातिवी च्‍यिककी च्‍यिकला सिक्‍यासुङ, “शोक, दाक्‍पु बेथलेहेमला डोप। ते गल्‍नी चोवो कोन्‍छ्‍योककी दाक्‍पुला सुङ्‍गुप ताम्‍ङे च्‍युङ्‍गुप ति ल्‍हाप।”

लूका 3:22

ती पेला कोन्‍छ्‍योककी थु चाङ्‍मा ति गम्‍देर दोके क्‍यानी खोकी खला पाप्‍सुङ। तमा देवाच्‍येन नेमा “ख्‍युरुङ ङे ङ्‍यिङ्‍ज्‍येवु पुज्‍युङ यिन, ख्‍योरो मुला ङ छासे गा ला वे।” सिरुप वोरु यी वासुङ।

यूहन्‍ना 14:27

ङ ख्‍यिराङला लोदिमु बिन्‍नी डोयी, ङ ङरा लोदिमु ति ख्‍यिराङला तेरिन। ङे ख्‍यिराङला तेरुप लोदिमु ति जम्‍बुलिङकी तेरुप लोदिमु दोके मिन। तुक क्‍यानी ख्‍यिराङ सेम्‍दुक माकी, ज्‍यिवा साङ माकी।

यूहन्‍ना 17:4

पपी ङला कि च्‍यितुप लाका ति ङे तेरी सिन्‍दा क्‍यानी पपा छासे मोवा वोतुप ति दी जम्‍बुलिङकी मीतिवाला छ्‍या तेनिन।

यूहन्‍ना 3:16

कोन्‍छ्‍योककी जम्‍बुलिङकी मीतिवाला दुका ङ्‍यिङ्‍ज्‍ये क्‍या नाङ्‍नी खोकी च्‍यिक राङ वोतुप सेवु ति जम्‍बुलिङला ताङ्‍सुङ। ती ति सी खोला तेपा किवे, तिवा ङ्‍येलाला मोडोशी, यिने नाम्‍साङ मिशिवु मिजी थोप्‍शी सिनी यिन।

लोमा छ्‍येतिवी लाका 10:36

इस्राएलकी मीतिवी थोक्‍ला कोन्‍छ्‍योककी नङ्‍गुप सुङ ति ख्‍यिराङला साङ छ्‍या वे। ती सुङ ति येशू ख्रीष्‍ट नेमा सुङ्‍गुप कोन्‍छ्‍योक ताङ मीतिवी पर्ला वोतुप लोदिमुकी लेन ल्‍यामु यिन। तमा येशू ति तेरीकी चोवो यिन।

रोमी 5:1

तुक क्‍यानी त याङ दाक्‍पु चोवो येशू ख्रीष्‍टला तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप तप्‍की येशू ख्रीष्‍ट नेसुर कोन्‍छ्‍योककी मुला तम्‍जी ल्‍यामु च्‍युङ वे।

एफिसी 1:6

तुक क्‍यानी खोकी ङ्‍यिङ्‍ज्‍येवु सेवु नेसुर दाक्‍पुला तुक राङ नङ्‍गुप खोकी मोवा वोतुप कटिनकी थोक्‍ला सोवा देकुप।

एफिसी 1:9

खोकी येशू ख्रीष्‍ट नेसुर गोमाला के जो नङ्‍गुप खोला गा लङ्‍गुप नोवाला वोतुप छ्‍याककी ताम्‍ङे ति दाक्‍पुला तेरी हाक्‍को च्‍यिसुङ।

एफिसी 2:4

यिने कोन्‍छ्‌योक च्‍यङ्‍च्‍यु सेम्‍बा वोतुप तप्‍की खोकी दाक्‍पु तेरीला छासे ङ्‍यिङ्‍ज्‍ये क्‍या नाङ्‍सुङ।

एफिसी 2:7

तुक क्‍यावु ति च्‍यम्‍बा वोतुप कोन्‍छ्‍योककी येशू ख्रीष्‍ट नेसुर दाक्‍पुला ग्‍यक्‍चेकी कटिन नङ्‍गुप ति त वुङ्‍गुप कल्‍वाला छ्‍या देन्‍दुपला यिन।

फिलिप्पी 2:11

तमा पपा कोन्‍छ्‍योककी मोवाकी थोक्‍ला तेरीकी ख नेमा येशू ख्रीष्‍ट राङ चोवो यिन सिनी मी मिङ्‍गाला खलाङ किवी।

फिलिप्पी 2:13

च्‍यिलासिसिन कोन्‍छ्‍योककी ख्‍यिराङला खोरे नोवाला वोतुप दोके कितुप नासाम तोङ्‍गुप ताङ ती दोके लाका कितुप ओङ नाङ्‍नी ख्‍यिरा मिजी नेमा लाका कियी वे।

कलस्सी 1:20

तमा ख्रीष्‍ट ग्‍यङ्‍शिङला टुङ्‍नी तेन्‍दुप ठक नेसुर लोदिमु नङ्‍नी खोकी जम्‍बुलिङ ताङ देवाच्‍येनकी तेरी च्‍यालकतिवा खोरे मुला डिक्‍सुङ।

२ थेसलोनिकी 2:16

तमा दाक्‍पुला ङ्‍यिङ्‍ज्‍ये क्‍या नङ्‍गुप ताङ खोकी कटिन नेसुर नरीकी थोक्‍ला टोङ्‍गु ताङ रेवा ल्‍यामु नङ्‍गुप दाक्‍पी पपा कोन्‍छ्‍योक ताङ चोवो येशू ख्रीष्‍टकी

ज्‍यल्‍का 5:13

तमा देवाच्‍येनला वोतुप तेरी ताङ जम्‍बुलिङला वोतुप तेरी ताङ जम्‍बुलिङकी वोक्‍ला वोतुप तेरी ताङ ग्‍येम्‍छोला वोतुप उ वोतुप सेम्‍ज्‍येन थम्‍ज्‍येनतिवी दुक सिक्‍यावु ति ङे थोसुङ, “ग्‍येल्‍ठिकला ज्‍यु वोतुप कोन्‍छ्‍योक ताङ लुक रुकला सोवा ताङ ताङ्‍देन ताङ मोवा ताङ ओङ्‍ज्‍येन ति नरीकी नरी वुङ्‍शी।”