लूका 2:10 - कोन्छ्‌योककी सुङ

¹⁰ यिने देवाच्‍येनकी लेन क्‍योलुप थु तीकी तिवाला “ज्‍यिवा माकी। ङ तेरी मीतिवी थोक्‍ला छासे गा लङ्‍गुप लेन ल्‍यामु ख्‍यिराङला तेरुपला वावु यिन।

लूका 2:10 Iomraidhean Croise

मत्ती 14:27

येशूकी शार्क्येक तिवाला “ङ्‍यिङ रम्‍बु की, ङ राङ यिन। ज्‍यिवा माकी।” सिनी सुङ्‍सुङ।

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

मत्ती 28:5

यिने ती देवाच्‍येनकी लेन क्‍योलुप थु तीकी ती पुम्‍पेजातिवाला “ख्‍यिराङ ज्‍यिवा माकी। ख्‍यिराङ ग्‍यङ्‍शिङला कल्‍नी काँडी दाप्‍नी सेतुप येशूला छलुप ति ङला छ्‍या वे।

मर्कूस 1:15

खोकी मीतिवाला सुङ्‍सुङ, “कोन्‍छ्‍योककी तुजे छे सिन वे, खोकी ग्‍येल्‍खाप चिप्‍ला वा वे। ख्‍यिराङ दिक्‍पा ने सेम ग्‍युर्नी खोकी लेन ल्‍यामुला तेपा की।”

मर्कूस 16:15

येशूकी तिवाला सुङ्‍सुङ, “ख्‍यिराङ जम्‍बुलिङ तेरीला गल्‍नी मी तेरीला लेन ल्‍यामु ति ख्‍याप्‍टाक की।

लूका 1:13

यिने ती देवाच्‍येनकी लेन क्‍योलुप थु तीकी तीला सिक्‍यासुङ, “ओ जकरिया, ज्‍यिवा माकी। कोन्‍छ्‍योककी ख्‍योरो गोङ्‍बा शुवु ति सेन्‍नी वे। ख्‍योरो पेर्मी एलिशिबाकी पुज्‍युङ यी क्‍येकितो। तमा ख्‍योरो तीकी मिङ ति यूहन्‍ना सिनी तोसा।

लूका 1:19

देवाच्‍येनकी लेन क्‍योलुप थु तीकी तीला सिक्‍यासुङ, “ङ गब्रिएल यिन। ङ कोन्‍छ्‍योककी दोङ्‍ला लानी देकिवी। खोकी राङ ङला ख्‍योरो मुला ताम्‍ङे कितुपला ताङ दी गाकी लेन क्‍योलुपला तङ्‍गुप यिन।

लूका 1:30

यिने देवाच्‍येनकी लेन क्‍योलुप थु तीकी तीला सिक्‍यासुङ, “ज्‍यिवा माकी मरियम, कोन्‍छ्‍योककी ख्‍युरुङला छासे च्‍यम्‍बा नाङ्‍नी वे।

लूका 2:11

हारिङ दाऊदकी ग्‍येसाला मीतिवाला दिक्‍पा ने थर ज्‍यितुप चोवो ख्रीष्‍ट क्‍ये वे।

लूका 24:47

तमा खोकी मिङला दिक्‍पा ने सेम ग्‍युर्सिन दिक्‍पा ताकिवी सिरुप लेन ल्‍यामु ति यरूशलेम नेसुर गो चुनी लुङ्‍बा तेरीकी मीतिवाला ख्‍याप्‍टाक किवी।’

लूका 8:1

ती ज्‍युक्‍ला येशू ग्‍येसा ग्‍येसा ताङ युल युलला फेपिन सिरा कोन्‍छ्‍योककी ग्‍येल्‍खापकी लेन ल्‍यामु ख्‍याप्‍टाक क्‍या नाङ्‍सुङ। खोकी लोमा च्‍यिङ्‍यीतिवा खोकी मुला नोक।

लोमा छ्‍येतिवी लाका 13:32

कोन्‍छ्‍योककी दाक्‍पी पगावा हङ्‍गावाला थाक्‍छ्‍येन नङ्‍गुप लेन ल्‍यामु ति ङ्‍यिराङ ख्‍याप्‍टाक किवी।

रोमी 10:15

तमा सुङ ख्‍याप्‍टाक कितुप मीतिवा माताङ्‍सिन चुक क्‍यानी खोकी सुङ ख्‍याप्‍टाक किवी रो? ती तप्‍की कोन्‍छ्‍योककी सुङला “लेन ल्‍यामु ख्‍याप्‍टाक कितुप मीतिवी कोम्‍बा योपुप ति छासे ल्‍यामु यिन।” सिनी टि वे।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

कलस्सी 1:23

तुक कितुपला वुतुङ के ख्‍यिराङ तेपाला येर मर माक्‍यानी नरी डेकला दे गोकिवी। तमा ख्‍यिरा थोवु लेन ल्‍यामुला रेवा क्‍यावु ति क्‍युर्नी माज्‍योक। ती लेन ल्‍यामु ति देवाच्‍येनकी वोक्‍ला वोतुप तेरी मीतिवाला ख्‍याप्‍टाक क्‍यावु यिन। ङ पावल साङ ती लेन ल्‍यामु ख्‍याप्‍टाक कितुप लावा च्‍युङ वे।