लूका 19:21 - कोन्छ्‌योककी सुङ

²¹ ङ याङ ज्‍यिन्‍दाकला ज्‍यिवा लासुङ। च्‍यिलासिसिन ज्‍यिन्‍दाक याङ मी च्‍युर्वु यिन, काङ माज्‍यकुप ति लङ्‍गुप ताङ काङ मातपुप ति ङकिवी।’

लूका 19:21 Iomraidhean Croise

लूका 19:20

तमा यम्‍बा लावा यी वानी दुक सिक्‍यासुङ, ‘ज्‍यिन्‍दाक, ज्‍यिन्‍दाककी तेन ज्‍यकुप सेरकी डप्‍बु च्‍यिक याङ दे राङ वे, ङे दीला रुमाल नाङ्‍ला तुम ज्‍याक्नी वे।

लूका 19:22

तमा ज्‍यिन्‍दाककी तीला सिक्‍यासुङ, ‘ओ लावा दुक्‍टा, ख्‍योरो सिक्‍यावु ताम्‍ङे नेसुर राङ ङ ख्‍युरुङला ठिम तोङ्‍यिन। ख्‍योरो ङला माज्‍यकुप ति लङ्‍गुप ताङ मातपुप ति ङकुप मी च्‍युर्वु यिन सिनी छ्‍या नोक।

रोमी 8:15

त याङ ख्‍यिराङ ज्‍यिवा लङ्‍गुप दिक्‍पाकी ओङला मिन, कोन्‍छ्‍योककी थु चाङ्‍माकी ओङ थोपुप तप्‍की ख्‍यिराङ कोन्‍छ्‍योककी पेजातिवा यिन। तुक क्‍यानी दाक्‍पी कोन्‍छ्‍योकला “पपा” सिनी सि थुप्‍किवी।

रोमी 8:7

तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

२ तिमोथी 1:7

च्‍यिलासिसिन कोन्‍छ्‍योककी दाक्‍पुला ज्‍यिवा लङ्‍गुप सेम मिन, ओङ ताङ ङ्‍यिङ्‍ज्‍ये ताङ डेकला देतुप सेम नङ्‍नी वे।

याकूब 2:10

ललाइ मीतिवी कोन्‍छ्‍योककी नङ्‍गुप ठिमला सिक्‍यावु दोके तेरी किवी, यिने ती ठिमकी नाङ्‍ला वोतुप ताम्‍ङे च्‍यिक ति मेङ्‍येन्‍दिवी सिसिन तीकी ती ठिम तेरी माङ्‍येन्‍दुप यिन।

१ यूहन्‍ना 4:18

ङ्‍यिङ्‍ज्‍येला ज्‍यिवा मे। दाक्‍पुला ङ्‍यिङ्‍ज्‍ये तेरी वोसिन ज्‍यिवा साङ तोर्किवी। च्‍यिलासिसिन ती ज्‍यिवा ति पर्च्या नेसुर गिवी। सी ज्‍यिवा किवे, तीला ङ्‍यिङ्‍ज्‍ये तेरी मेछेवी।

यहूदा 1:15

खो फेप्‍सिमा तुका लाका मेलोक्‍पा क्‍यावु मीतिवाला ठिम क्‍या नङ्‍गिवी। तमा तिवी क्‍यावु नम्‍बा मेटेङ्‍बुकी लाकातिवा तेरी ताङ खोकी तेन्‍दोकला क्‍यावु ताम्‍ङे मेटेङ्‍बु तेरीकी थोक्‍ला पर्च्या तोङ्‍गिवी।”