लूका 19:12 - कोन्छ्‌योककी सुङ

¹² तमा खोकी सुङ्‍सुङ, “मी छ्‍ये मिरा च्‍यिक खोरो लुङ्‍बी ग्‍येल्‍वी ओङ थोप्‍नी वुङ्‍गुपला थाक्‍रिङ्‍बो मी लुङ्‍बा गाल्‍सुङ।

लूका 19:12 Iomraidhean Croise

मत्ती 21:38

यिने ती पिज्‍यिङ्‍बातिवी ज्‍यिन्‍दाककी पुज्युङ वुङ्‍गुप थोङ्‍सिमा ‘दी याङ ज्‍यिन्‍दाककी अंश थोप छ्‍योवु यिन। दीला दाक्‍पु सेतुप, तमा दीला थोपुप अंश ति दाक्‍पु राङ लङ्‍गुप।’ सिनी खोप्‍राङ पर्ला सिक्‍यासुङ।

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

मर्कूस 12:1

येलुङ येशूकी तिवाला पे नेसुर दुक सुङ्‍सुङ, “मी मिरा च्‍यिककी गुन्‍डुम शिङ जोनी तीकी गारी गुरीला खोर क्‍यासुङ। तमा गुन्‍डुम चिरुप समा ज्‍योकुपला मुक्‍तुम टुनी गुन्‍डुम शिङ र्‍हेन्‍दुप मतेन यी जोसुङ। ती ज्‍युक्‍ला गुन्‍डुम शिङ ति पिज्‍यिङ्‍बातिवाला तङ ज्‍याक्‍नी खोरुङ ति थाक्‍रिङ्‍बु मी लुङ्‍बाला गाल।

मर्कूस 16:19

चोवो येशूकी तिवाला तोजोयी सुङ्‍सिमा खो देवाच्‍येन ने तेक्‍नी फेप्सुङ, तमा कोन्‍छ्‍योककी यावी थाकाला ज्‍युसुङ।

लूका 20:9

येलुङ येशूकी मीतिवाला दी पे ति शेन नाङ्‍सुङ, “मी मिरा च्‍यिककी गुन्‍डुम शिङ जोनी सप्‍ले कितुपतिवाला पिज्‍यिङला ताङ्‍नी खुरुङ ति थाक्‍रिङ्‍बु मी लुङ्‍बा गल्‍नी अलायी सेक ते देसुङ।

लूका 24:51

खोकी तिवाला मोलाम नङ्‍यिन वोतुप पेला खो ति तिवी मु नेसुर क्‍येनी देवाच्‍येन ने तेक्‍नी फेप्‍सुङ।

यूहन्‍ना 18:37

तमा पिलातसकी येशूला “तुकै यिन्‍सिन काङ ख्‍युरुङ ग्‍येल्‍वु राङ यिन?” सिनी टिसुङ। तमा येशूकी तीला सुङ्‍सुङ, “ख्‍योरो ङला ग्‍येल्‍वु यिन सिनी सिक्‍यावु ति टेके यिन। ङ टेङ्‍बुकी कोर्ला पङ्‍बु तेरुपला क्‍येवु यिन, तमा तीकी थोक्‍ला दी जम्‍बुलिङला वावु यिन। सु मी टेङ्‍बु नोके, तीकी ङे ताम्‍ङे ङ्‍येन्‍गिवी।”

लोमा छ्‍येतिवी लाका 17:31

च्‍यिलासिसिन खोकी तुजे यी तेन्‍तेन क्‍यानी दी जम्‍बुलिङला वोतुप मी तेरीला ठिम टेङ्‍बु क्‍या नङ्‍गिवी। ती ठिम कितुपला कोन्‍छ्‍योककी येशूला पेन नङ्‍गुप यिन। खोकी येशूला शेप ने ङोसु लानी तेरी मीतिवाला दी ताम्‍ङेकी कोर्ला पङ्‍बु छ्‍या तेन नाङ्‍सुङ।”

१ कोरिन्‍थी 15:25

च्‍यिलासिसिन ख्रीष्‍टकी डतिवा तेरीला फम च्‍यिनी तिवाला ख्रीष्‍टकी शापकी वोक्‍ला मालेपा सेक कोन्‍छ्‍योककी दी जम्‍बुलिङला ग्‍येला क्‍या नङ्‍गिवी।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।