लूका 18:7 - कोन्छ्‌योककी सुङ

⁷ काङ कोन्‍छ्‍योकला ङ्‍यी ताङ नुप्‍ज्‍या गोङ्‍बा शोप खोरे पेतुपतिवी थोक्‍ला खोकी ठिम फिमु क्‍या नङ्‍गिवी रो?

लूका 18:7 Iomraidhean Croise

मत्ती 24:22

कोन्‍छ्‍योककी ती छेटाङकी तुजेतिवा ङ्‍युङ्‍मु माजोवु यिन्‍सिन सु साङ सेन्बु लु मुथुपी। यिने खोरे पेतुप मीतिवी थोक्‍ला खोकी ती तुजेतिवा ङ्‍युङ्‍मु जेवी।

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मत्ती 7:11

ख्‍यिराङ दुक्‍टा वोनी साङ रङगी पेजातिवाला च्‍यालक ल्‍यामु तेर शेकिवी सिसिन देवाच्‍येनला ज्‍यु वोतुप ख्‍यिरा पपा कोन्‍छ्‍योककी याङ खोला लोङ्‍गुपतिवाला मङ च्‍यालक ल्‍यामु मनङ्‍गिवी रो?

लूका 11:13

ख्‍यिराङ दुक्‍टा वोनी साङ खोरो पेजातिवाला च्‍यालक ल्‍यामु तेर शेकिवी सिसिन देवाच्‍येनला ज्‍यु वोतुप ख्‍यिरा पपी याङ खोला लोङ्‍गुपतिवाला चुका मङ्‍मु खोरे थु चाङ्‍मा मनङ्‍गिवी रो?”

लूका 2:37

तमा युक्‍सिम फोक्‍नी लो खाल गे ताङ ज्‍यी लेपुप पेला सेक ल्‍हङाङला क्‍युर्नी माज्‍याक्‍नी ङ्‍युङ्‍ने र्‍हुङ्‍यिन ताङ मोपोर कियी ङ्‍यी ताङ नुप्‍ज्‍या कोन्‍छ्‍योकला सोवा देकिनोक।

लूका 21:28

चो पेला दी ताम्‍ङेतिवा च्‍युङ्‍गुप छोल्‍गिवे, ती पेला ख्‍यिराङ खोक लानी येर केला ल्हो, च्‍यिलासिसिन ख्‍यिरा थर्वा ति चिप्‍ला राङ वा वे।”

रोमी 8:33

खोकी पेन नङ्‍गुप मीतिवाला सी साङ क्‍येन ग्‍यक मुथुपी। तिवाला टेङ्‍बु सिनी चेप ति कोन्‍छ्‍योक राङ यिन।

कलस्सी 3:12

ख्‍यिराङ कोन्‍छ्‍योककी पेन नङ्‍गुप खोकी ङ्‍यिङ्‍ज्‍येवु ताङ टेङ्‍बु वोतुप मी यिन्‍दुप तप्‍की च्‍यङ्‍च्‍यु सेम्‍बा ताङ च्‍यम्‍बा कितुप ताङ खोरुङला मो बेपुप ताङ कुसु ज्‍यम्‍बु ताङ हम क्‍या देतुप वुङ गोकिवी।

१ थेसलोनिकी 3:10

ख्‍यिराङला येलुङ ठेनी ख्‍यिरा तेपा ति मङ रम्‍बु जोपला ङ्‍यी ताङ नुप्‍ज्‍या ङ्‍यिराङ कोन्‍छ्‍योकला मोपोर कितिन।

२ थेसलोनिकी 1:6

कोन्‍छ्‍योक ति ठिम टेङ्‍बु क्‍या नङ्‍गुप कोन्‍छ्‍योक यिन। खोकी ख्‍यिराङला छेटाङ तेरुपतिवाला छेटाङ तेर्किवी।

१ तिमोथी 5:5

यिने खोरो ति सु साङ मेतुप युक्‍सिमतिवी वुतुङ के कोन्‍छ्‍योकला तिराङ रेवा क्‍यावु गिवी। तमा ङ्‍यी ताङ नुप्‍ज्‍या खोला राङ गोङ्‍बा शु शुवा देकिवी।

२ तिमोथी 1:3

ङ ङ्‍यी ताङ नुप्‍ज्‍या मोपोर कितुप पेला ख्‍युरुङला नासाम तङ्‍नी चोवो कोन्‍छ्‍योकला थुचिछे बुलिन। ती कोन्‍छ्‍योकला ङे पगावा हङ्‍गावातिवी शब्‍ज्‍यी पुलुप दोके ङ साङ सेम टेङ्‍बु क्‍यानी शब्‍ज्‍यी बुलिन।

२ तिमोथी 2:10

तुक क्‍यानी कोन्‍छ्‍योककी पेतुपतिवी थोक्‍ला ङ हम क्‍यानी देतिन। ती ति तिवाला साङ येशू ख्रीष्‍टकी नङ्‍गुप थर्वा ताङ नाम्‍साङ मिशिवु मोवा ङ्‍ये थुप्‍शी सिनी यिन।

तीतस 1:1

दी यिकी ति कोन्‍छ्‍योककी लावा ताङ चोवो येशूकी लोमा छ्‍ये ङ पावलकी तङ्‍गुप यिन। कोन्‍छ्‍योककी पेतुपतिवाला टेङ्‍बुला तेपा कि ज्‍यितुप ताङ खोकी रिक्‍पा वोतुप सुङ ति ल्‍यामु क्‍यानी हाक्‍को ज्‍यितुपला कोन्‍छ्‍योककी ङला लोमा छ्‍ये जो नाङ्‍सुङ।

१ पत्रुस 1:1

टसी देलेक! ङ येशूकी लोमा छ्‍ये पत्रुसकी छ्‍योक नेसुर पोन्‍टस ताङ गलातिया ताङ कापाडोकिया ताङ एशिया ताङ बिथिनिया लुङ्‍बातिवा नेवा थरा थुरा गल्‍नी छ्‍यिग्‍यपकी मी दोके टम देतुप कोन्‍छ्‍योककी पेन नङ्‍गुप मीतिवाला दी यिकी ति टिवु यिनो।

२ पत्रुस 3:9

चोवोकी थाक्‍छ्‍येन नङ्‍गुप सुङ ति फिमु क्‍या नङ्‍गिवी सिनी ललाइकी सिक्‍यासिनाङ खो नाम्‍साङ फिमु मिकिवी। यिने मी सु साङ ना मोडोशी, तेरी मीतिवी सेम ग्‍युर्शी सिनी ख्‍यिरा थोक्‍ला खो हम क्‍यानी ज्‍युवु यिन।

ज्‍यल्‍का 18:20

ओ देवाच्‍येनला वोतुपतिवा ताङ तेपा कितुपतिवा ताङ लोमा छ्‍येतिवा ताङ लुङ्‍तेम्‍बातिवा, ख्‍यिराङ गा की! च्‍यिलासिसिन तीकी ख्‍यिराङला चुक क्‍यावे, कोन्‍छ्‍योककी तीला साङ तुकै राङ क्‍यानी ठिम क्‍या नाङ्‍सुङ।” सिनी वोरु तेन्‍सुङ।

ज्‍यल्‍का 6:10

तिवा ति “ओ चाङ्‍मा ताङ टेङ्‍बु वोतुप चोछ्‍येवु चोवो, नम पेला सेक ख्‍योरे दी जम्‍बुलिङला लुनी वोतुपतिवाला ठिम क्‍या नङ्‍गुप ताङ ङ्‍यिराङला सेतुप छ्‍येर्पा ति मलाङ्‍गिवी?” सिनी कशेन च्‍यार ग्‍यप्‍सुङ।

ज्‍यल्‍का 7:15

तुक क्‍यानी तिवा कोन्‍छ्‍योककी ग्‍येल्‍ठिककी चिप्‍ला वे। तिवा ङ्‍यी ताङ नुप्‍ज्‍या खोकी ल्‍हङाङला देनी खोला शब्‍ज्‍यी बुल्‍गिवी। तमा ग्‍येल्‍ठिकला ज्‍यु वोतुप तीकी तिवी मुला ज्‍युनी तिवाला र्‍होक्‍टे किवी।