लूका 18:16 - कोन्छ्‌योककी सुङ

¹⁶ यिने येशूकी ती आङातिवाला खोरो चिप्‍ला कताङ्‍नी सुङ्‍सुङ, “आङा टिक्‍पेतिवाला ङे चाला वुङ च्‍यी, तिवाला माग्‍येक। च्‍यिलासिसिन कोन्‍छ्‍योककी ग्‍येल्‍खाप ति दिवी ति यिन।

लूका 18:16 Iomraidhean Croise

मत्ती 19:14

तमा येशूकी लोमातिवाला सुङ्‍सुङ, “आङा टिक्‍पेतिवाला ङे चाला वुङ च्‍यी, तिवाला माग्‍येक। च्‍यिलासिसिन कोन्‍छ्‍योककी ग्‍येल्‍खाप ति दी आङा टिक्‍पेतिवा दोके खोरुङला मो बेपुप मीतिवी ति यिन।”

लूका 18:15

मीतिवी आङा टिक्‍पेतिवाला साङ येशूकी चाला टि वानी खोकी तिवाला रेक्‍शी सिनी नो क्‍यानोक। ती थोङ्‍सिमा लोमातिवी तिवाला वोरु तेन्‍सुङ।

लूका 18:17

ङ ख्‍यिराङला टेङ्‍बो सिरिन, चुका मी तीकी दी आङा टिक्‍पेतिवी दोके कोन्‍छ्‍योककी ग्‍येल्‍खाप खोरो सेमला मिलिङ वे, ती ति ती नाङ्‍ला शुक मुथुपी।”

लोमा छ्‍येतिवी लाका 2:39

च्‍यिलासिसिन कोन्‍छ्‍योककी थाक्‍छ्‍येवु ति ख्‍युरुङ ताङ ख्‍योरो गिपा ताङ थाक्‍रिङ्‍बु वोतुप मीतिवा ताङ सु सुला खोकी कताङ नङ्‍गिवे तिवा तेरीकी थोक्‍ला यिन।”

१ कोरिन्‍थी 14:20

अच्‍युनुपतिवा, ख्‍यिराङ आङा टिक्‍पेतिवी दोके नासाम मातोङ। दुक्‍टाकी थोक्‍ला ति आङा टिक्‍पेकी दोके किसा, यिने नासाम ति मी छ्‍येकी दोके वुङ गोकितो।

१ कोरिन्‍थी 7:14

च्‍यिलासिसिन तेपा मिकिवु ख्‍योवा ति तेपा कितुप पेर्मीकी जोसालेन्‍सिन कोन्‍छ्‍योककी थोङ्‍दाङला टेङ्‍बु च्‍युङ्‍गिवी। तेपा मिकिवु पेर्मी साङ तेपा कितुप ख्‍योवी जोसालेन्‍सिन कोन्‍छ्‍योककी थोङ्‍दाङला टेङ्‍बु च्‍युङ्‍गिवी। मिसियाङ तिवी क्‍येवु पेजातिवा साङ टेङ्‍बु मुच्‍युङ्‍गिवी, यिने त याङ तिवा टेङ्‍बु राङ च्‍युङ वे।

१ पत्रुस 2:2

ख्‍यिरा कोन्‍छ्‍योक च्‍यङ्‍च्‍यु सेम्‍बा वे सिरुप ति हाक्‍कोसुङ सिसिन मलोक क्‍येवु आङातिवा वोमा छलुप दोके ख्‍यिराङ टेङ्‍बु ताङ चाङ्‍मा वोतुप कोन्‍छ्‍योककी सुङला युकुप छासे नो की। तुक क्‍यासिन ख्‍यिराङला मङ मङ दिक्‍पा ने थर्वा ङ्‍येकिवी।