लूका 18:11 - कोन्छ्‌योककी सुङ

¹¹ तमा फरिसी ति खोक लानी सेमला दुक सिनी मोपोर क्‍यासुङ, ‘कोन्‍छ्‍योक, ङ थुचिछे बुलिन। ङ याङ मी यम्‍बी ति ठोकुप ताङ जिनोक जोप ताङ शम्‍डेन कितुप मी दोके मे, दी से दुतुप दोके साङ मे।

लूका 18:11 Iomraidhean Croise

मत्ती 10:3

फिलिप ताङ बारथोलोमाइ, थोमा ताङ से दुतुप मत्ती, तमा अल्‍फयसकी पुज्‍युङ याकूब ताङ थेदियस,

मत्ती 5:20

तुक क्‍यानी ङ ख्‍यिराङला सिरिन, ख्‍यिराङ ति फरिसी छोक्‍पाकी मीतिवा ताङ यहूदी छ्‍योकी गेकेनतिवी सिनाङ मङ टेङ्‍बु मेसुङ सिसिन देवाच्‍येनकी ग्‍येल्‍खापला शुकुप मेङ्‍येवी।”

मत्ती 6:5

“ख्‍यिराङ मोपोर कितुप पेला खोनक्‍पुतिवी दोके माकी, तिवा मीतिवी थोङ्‍शी नोनी यहूदी छ्‍योखाङला ताङ मीतिवा बङी युकुप लामकी गारीला लानी मोपोर कितुप गा किवी। तुक क्‍यानी तिवाला थोप गोवु छ्‍यक्‍तक ति गोमाला राङ थोम सिन्‍नी वे।

मर्कूस 11:25

येलुङ ख्‍यिराङ मोपोर कितुप पेला मी ललाइला ङ्‍यिर्मु लान वोतुप ताम्‍ङे वोसिन तीला माफ बिन। तुक क्‍यासिन देवाच्‍येनला ज्‍यु वोतुप ख्‍यिरा पपा कोन्‍छ्‍योककी साङ ख्‍यिरा क्‍यावु दिक्‍पातिवाला माफ नङ्‍गिवी।

लूका 20:47

तिवी पेर्मी युक्‍सिमतिवी टोङ्‍बा ठोकिवी, तमा मी यम्‍बाला छ्‍या देन्‍दुपला मोपोर रिङ्‍बु रिङ्‍बु किवी। तुक कितुपतिवाला कोन्‍छ्‍योककी मङ पर्च्या ग्‍येर्पु फोकिवी।”

लूका 22:41

तुक सुङ्‍सिमा खो ति लोमातिवी चा नेवा फेचेक फेप्‍नी पुमुङ चुनी दुक सिनी मोपोर क्‍या नाङ्‍सुङ,

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

फिलिप्पी 3:6

तमा टेमुकी कोर्ला सि गोवु यिन्‍सिन येशूला तेपा कितुप मीतिवाला ङे छेटाङ बिन्‍दुप यिन, तमा यहूदी ठिमला वोतुप टेङ्‍बुकी कोर्ला सि गोवु यिन्‍सिन ङ ति क्‍येन मेतुप मी यिन।

ज्‍यल्‍का 3:17

ख्‍यिरा याङ ङ छ्‍युक्‍पु वे, ङला नोर टोङ्‍बा बङी वे, ङला काङ साङ मोगोवी सिवी। यिने ख्‍युरुङला छ्‍या मे, ख्‍युरुङ याङ दुक्‍पा ङ्‍येतुप ताङ ल्‍हासिनाङ ङ्‍यिङ्‍ज्‍ये लङ्‍गुप ताङ पेराङ्‍बु ताङ मिक मोथोङ्‍गुप ताङ पेर्तुङ्‍बा गल वे।