लूका 17:7 - कोन्छ्‌योककी सुङ

⁷ “ख्‍यिरा पर्ला ललाइकी ति शिङ मोतुप याङ्‍ना लुक चोप लावा यी वोज्‍यिवी। ती लावा ति पाङ नेसुर खाङ्‍बा लोक्‍नी वुङ्‍गुप पेला तीला ‘ङमु वानी सापला दे।’ सिनी सिरुप मी वे रो?

लूका 17:7 Iomraidhean Croise

मत्ती 12:11

तमा येशूकी तिवाला सुङ्‍सुङ, “दोजो ख्‍यिरा पर्ला ललाइकी ति लुक च्‍यिक वे, ती ति ङासोप ङ्‍यिमाला मुक्‍तुम नाङ्‍ला लुम्‍सिन ख्‍यिरा तीला पाङ्‍ला मेदेन्‍वी रो?

लूका 13:15

यिने येशूकी तीला सुङ्‍सुङ, “ओ खोनक्‍पुतिवा, काङ ख्‍यिरा रे रेकी ङासोप ङ्‍यिमाला साङ खोरो लाङ ताङ पुङ्‍गोकतिवा गोठे नाङ नेमा ताङ्‍नी छ्‍यु लितुपला दा मोडोवी?

लूका 14:5

ती ज्‍युक्‍ला खोकी तिवाला सुङ्‍सुङ, “ख्‍यिरा पर्ला सी खोरो पुज्‍युङ याङ्‍ना लाङ टोम्‍बी नाङ्‍ला लुम्‍सिन ङासोप ङ्‍यिमाला वोसिनाङ तीला शार्क्येक मेथेन्‍वी रो?”

लूका 17:26

नोआकी ङोला चुकै च्‍युङ वे, ङ मी पुज्‍युङकी तुजेला साङ तुकै राङ च्‍युङ्‍गितो।

लूका 17:6

तमा खोकी तिवाला सुङ्‍सुङ, “ख्‍यिराङला राय डुमा चोयी तेपा वोतुप यिन्‍सिन दी किम्‍बुकी दोङ्‍बु तीला ‘पिनी ग्‍येम्‍छो नाङ्‍ला चु।’ सिक्‍यासिन तुकै राङ च्‍युङ्‍गिवी।”

लूका 17:8

बोरु तीला ‘ङे समा टडिक की। तमा ङ साप ताङ थुङ्‍गुप पेला ख्‍युरुङ ङला शब्‍ज्‍यी की, तमा तिराङ ख्‍युरुङ सो।’ सिनी मिसिवी रो?