लूका 17:4 - कोन्छ्‌योककी सुङ

⁴ तीकी ख्‍योरो तेन्‍दोकला ङ्‍यिमाला थेङ्‍मा दिन्‍कर दिक्‍पा क्‍यानी थेङ्‍मा दिन्‍कर ख्‍योरो चाला वानी, ‘ङ दिक्‍पा ने सेम ग्‍युरिन।’ सिक्‍यासिन तीला माफ बिन।”

लूका 17:4 Iomraidhean Croise

मत्ती 18:16

यिने तीकी ख्‍योरो ताम्‍ङे माङ्‍येन्‍सिन मी यम्‍बा मिरा च्‍यिक चो ङ्‍यी चो टिनी तीकी ते ग्‍युक। तुक क्‍यानी कोन्‍छ्‍योककी सुङला टिवु दोके तीकी सिक्‍यावु तेरी ताम्‍ङे ति मिरा ङ्‍यी सुमकी पङ्‍बु नेमा तेन्‍तेन च्‍युङ्‍गिवी।

मत्ती 18:35

तुक क्‍यानी ख्‍यिरा रङगी अच्‍युनुपतिवाला सेमगी दिङ नेज्‍युनी माफ माबिन्‍सिन देवाच्‍येनला ज्‍यु वोतुप ङे पपी साङ ती ग्‍येल्‍वी दोके ख्‍यिराङला माफ मनङ्‍गिवी।”

मत्ती 5:44

यिने ङ ख्‍यिराङला सिरिन, ख्‍यिरा डतिवाला ङ्‍यिङ्‍ज्‍ये की, ख्‍यिराङला छेटाङ तेरुपतिवी थोक्‍ला मोपोर की।

मत्ती 6:12

ङ्‍यिराङला मेलोक्‍पा कितुपतिवाला ङ्‍यिरा माफ बिन्‍दुप दोके ङ्‍यिरा क्‍यावु लाका मेलोक्‍पातिवाला माफ नङ्‍डे की।

लूका 17:5

तमा लोमा च्‍यिङ्‍ङीतिवी येशूला सिक्‍यासुङ, “ङ्‍यिरा तेपा ति फेल च्‍यी।”

रोमी 12:20

बोरु “ख्‍योरो डतिवा ल्होवा लान वोसिन तिवाला समा बिन, कोम्‍बा लान वोसिन तिवाला थुङ्‍गुप छ्‍यु बिन। तुक क्‍यासिन तिवी गोला मेताक छेन्‍दी पुवु दोके क्‍यानी ख्‍योरो डतिवा ङोछाला ख्‍येल्‍गिवी।” सिनी टि वे।