लूका 17:2 - कोन्छ्‌योककी सुङ

² दी छ्‍युङातिवी पर्ला मिरा च्‍यिकला दिक्‍पा कि ज्‍यितुप सिनाङ बोरु तीकी ज्‍यिङ्‍बी लोला लाकुर ग्‍येर्पु रानी ग्‍येम्‍छो नाङ्‍ला क्‍युरुप ति तीकी थोक्‍ला ल्‍यामु गिवी।

लूका 17:2 Iomraidhean Croise

मत्ती 17:27

यिन्‍सिनाङ दाक्‍पी तिवाला दुक्‍पाला मेख्‍येल्‍शी सिनी ख्‍युरुङ ग्‍येम्‍छोला गल्‍नी जाल ग्‍योप, तमा गोमाला ख्‍येलुप ङ्‍याकी ख पेनी ल्हो। तमा ती ङ्‍याकी खे नाङ्‍ला ङुलकी डप्‍बु च्‍यिक ङ्‍येकिवी, ती ति खुर गल्‍नी ख्‍युरुङ ताङ ङे ते गोवु से ति तिवाला ते।” सिनी सुङ्‍सुङ।

मत्ती 18:10

“ख्‍यिरा दी छ्‍युङातिवी पर्ला च्‍यिकला साङ ङ्‍यप्‍च्‍ये माकिता। ङ ख्‍यिराङला सिरिन, तिवाला ल्‍हाटे कितुप देवाच्‍येनकी लेन क्‍योलुप थुतिवा देवाच्‍येनला ज्‍युनी वोतुप ङे पपी चिप्‍ला देनी खोकी शालला नरी ल्‍हेवी।

मत्ती 18:14

तुक राङ क्‍यानी दी छ्‍युङातिवी पर्ला मिरा च्‍यिक साङ ङ्‍येलाला मोडोशी सिरुप ति देवाच्‍येनला ज्‍यु वोतुप ख्‍यिरा पपा कोन्‍छ्‍योककी नोवा वे।”

मत्ती 26:24

ङ मी पुज्‍युङ याङ खोरो थोक्‍ला कोन्‍छ्‍योककी सुङला टि वोतुप दोके शि राङ गोकिवी, यिने ङ मी पुज्‍युङला जिम तेरुप तीला याङ मोताप सुकिवी। ती याङ क्‍येप तिरुङ माक्‍येसिन तीकी थोक्‍ला मङ ल्‍यामु वुङ्‍गुप्‍जा।”

मर्कूस 9:42

“सी ङला तेपा कितुप मी छ्‍युङातिवी पर्ला मिरा च्‍यिकला दिक्‍पा कि ज्‍यिकिवे, तीकी ज्‍यिङ्‍बाला लाकुर ग्‍येर्पु रानी ग्‍येम्‍छो नाङ्‍ला क्‍युरुप ति तीकी थोक्‍ला ल्‍यामु यिन।

यूहन्‍ना 21:15

तमा तिवी खयुप सोनी सिन्‍सिमा येशूकी सिमोन पत्रुसला “यूहन्‍नाकी पुज्‍युङ सिमोन, ख्‍योरो ङला दी यम्‍बातिवी सिनाङ मङ ङ्‍यिङ्‍ज्‍ये किवी?” सिनी टिसुङ। तमा पत्रुसकी खोला “लसे चोवो, चोवोला ङे ङ्‍यिङ्‍ज्‍ये क्‍यावु ति चोवोला राङ छ्‍या वे।” सिनी सिक्‍यासुङ। तमा येशूकी तीला “ख्‍युरुङ ङे लुक रुकतिवाला चोसा।” सिनी सुङ्‍सुङ।

१ कोरिन्‍थी 9:15

यिने ङला थोप गोवु ओङ ति ङे नाम्‍साङ माछाल। ङला थोप गोवुतिवा तेरी गोकिवी सिनी दी यिकी टिवु साङ मिन। ङे तेके क्‍यावु ताम्‍ङेला सी साङ ग्‍येकिवी सिसिन बोरु ङ शेप राङ गा यिन।

१ कोरिन्‍थी 9:22

तमा तेपा रम्‍बु मेतुपतिवाला ख्रीष्‍टला तेपा कि ज्‍यितुपला ङ साङ तेपा मेतुपतिवा दोके राङ च्‍युङ्‍यिन। मी ललाइ ललाइला ख्रीष्‍टला तेपा कि ज्‍यितुपला ङ ति नम्‍बा तेरीकी मीतिवा दोके राङ च्‍युङ्‍यिन।