लूका 17:1 - कोन्छ्‌योककी सुङ

¹ येशूकी खोरो लोमातिवाला सुङ्‍सुङ, “मीतिवाला दिक्‍पा कि ज्‍यितुप ताम्‍ङेतिवा ति वुतुङ के ख्‍येल्‍गिवी, यिने तुक कि ज्‍यितुप मीला याङ मोताप शुकिवी।

लूका 17:1 Iomraidhean Croise

मत्ती 16:23

यिने येशू पत्रुसकी थाकाला ग्‍युर्नी तीला “ओ शैतान, ख्‍युरुङ ङे चा नेवा ग्‍युक! ख्‍युरुङ ङे कि गोवु कोन्‍छ्‍योककी लाका कि मिज्‍यिवु छोल्‍गिनोक। ख्‍युरुङ कोन्‍छ्‍योककी ताम्‍ङेला मिन, यिने मी ताम्‍ङेला तिराङ नासाम तोङ्‍गिनोक।” सिनी सुङ्‍सुङ।

मत्ती 18:7

मीतिवाला दिक्‍पा कि ज्‍यितुप ताम्‍ङे वोतुप तप्‍की दी जम्‍बुलिङला मोताप सुकिवी। तुका दिक्‍पा कि ज्‍यितुप ताम्‍ङे याङ नरी च्‍युङ्‍गिवी, यिन्‍सिनाङ मीतिवाला दिक्‍पा कि ज्‍यितुप तीला ति कोन्‍छ्‍योककी पर्च्या ख्‍येल्‍गिवी।

लूका 16:31

अब्राहामकी तीला सिक्‍यासुङ, ‘तिवी मोशा ताङ कोन्‍छ्‍योककी लुङ्‍तेम्‍बाकी ताम्‍ङे मेङ्‍येन्‍सुङ सिसिन शेप ने ललाइ सेन्‍बु लासिनाङ तेपा मिकिवी।’”

रोमी 14:13

ती तप्‍की दाक्‍पु तफेन्‍ला च्‍यिककी च्‍यिकला क्‍येन मातेर। बोरु रङगी अच्‍युनुपतिवा युकुप लामला नर्तुक ग्‍यकुप ताम्‍ङे लपुप ताङ तिवाला तोक्‍सा छोकुप ताम्‍ङे मालाप सिनी तेन्‍तेन कितुप।

रोमी 16:17

अच्‍युनुपतिवा, ङ ख्‍यिराङला ठाकुरे सिनी गोङ्‍बा शोयी। ख्‍यिराङला लापुप कोन्‍छ्‍योककी सुङगी तेन्‍दोकला लानी ख्‍यिरा पर्ला क्‍येन तेरुप ताङ क्‍येङ्‍सु जोप मीतिवाला ल्हो। तमा तिवा नेसुर क्‍येङ्‍सु दे।

१ कोरिन्‍थी 10:32

यिने यहूदीतिवाला ताङ ग्रीककी मीतिवाला ताङ कोन्‍छ्‍योकला तेपा कितुप चर्चकी मीतिवा सुला साङ दुक्‍पा ख्‍येलुप लाका ति माकिसा।

१ कोरिन्‍थी 11:19

ख्‍यिरा पर्ला कोन्‍छ्‍योककी थोङ्‍दाङला मी टेङ्‍बु मेटेङ्‍बु सु यिन सिरुप ति हाक्‍कोवुला तुका ताम्‍ङेतिवा वुङ राङ गोकिवी।

१ कोरिन्‍थी 8:13

तुक क्‍यानी दोजो साप समी जोसालेन्‍सिन तेपा कितुप अच्‍युनुपतिवा दिक्‍पाला ख्‍येल्‍गिवी सिसिन, ङ नाम्‍साङ श मसा। तुक क्‍यासिन ङे तेपा कितुप अच्‍युनुपतिवा दिक्‍पाला ख्‍येलुप नेसुर र्‍होकिवी।

१ तिमोथी 4:1

कोन्‍छ्‍योककी थु चाङ्‍माकी टेङ्‍बु सुङ्‍गिवी। तिङ्‍मी तुजेला जिनोक जोप र्‍हेन्‍डी ताङ डेकी ताम्‍ङेला ङ्‍येन्‍नी मी ललाइकी तेपा कितुप क्‍युर्नी ज्‍योकिवी।

ज्‍यल्‍का 2:14

यिन्‍सिनाङ ख्‍योरो तेन्‍दोकला ङे ताम्‍ङे चेयी सि गोवु वे। ती ति काङ यिन सिसिन ख्‍यिरा पर्ला ललाइ मीतिवा बालामकी येन्‍देनला ङ्‍येन्‍गिवी। ती बालामकी इस्राएल मीतिवाला दिक्‍पा कि ज्‍यितुपला ग्‍येल्‍वु बालाकला लाप्‍नी ल्‍हला पुलुप समातिवा साप ताङ शम्‍डेन कितुप जोसुङ।

ज्‍यल्‍का 2:20

यिन्‍सिनाङ ख्‍योरो तेन्‍दोकला ङे सि गोवु ताम्‍ङे च्‍यिक वे। ख्‍युरुङ ईजेबेल पुम्‍पेजी सिक्‍यावु खला ङ्‍येन्‍गिनोक। तीकी खुरुङ ति नम्‍दर शेतुप यिन सिनी सिनोक, यिने ङला शब्‍ज्‍यी कितुपतिवाला ति शम्‍डेन कितुप ताङ कुतिवाला पुलुप समा सोसिन गिवी सिनी लोप्‍किनोक।