लूका 16:9 - कोन्छ्‌योककी सुङ

⁹ ङ ख्‍यिराङला सिरिन, दी जम्‍बुलिङकी टोङ्‍बा थ्‍वोनी दाक दाक्‍पी थोक्‍ला दाल्‍जातिवा जो, तमा ती टोङ्‍बा सिन्‍सिमा तिवी ख्‍यिराङला नरी लुवु दासाला गासो शुकिवी।”

लूका 16:9 Iomraidhean Croise

मत्ती 19:21

तमा येशूकी तीला सुङ्‍सुङ, “ख्‍युरुङ कोन्‍छ्‍योककी नोवा दोके तेरी कितुप मी च्‍युङ्‍गुप नो वोसिन ख्‍योरो लोला वोतुप नोर टोङ्‍बातिवा चोनी पेराङ्‍बुतिवाला बिन। तुक क्‍यासिन ख्‍युरुङला देवाच्‍येनकी टोङ्‍बा थोप्‍किवी। तमा ती ज्‍युक्‍ला ख्‍युरुङ ङे तिङ्‍ला तिङ्‍यो।”

मत्ती 6:19

“ख्‍यिरा थोक्‍ला जम्‍बुलिङला टोङ्‍बा माशोम। जम्‍बुलिङला याङ मुक्‍पा ग्‍यकिवी, च छ्‍यानी ना डिवी, कुर्मेनकी कुनी डिवी।

मत्ती 6:24

“सी साङ ज्‍यिन्‍दाक ङ्‍यीला शब्‍ज्‍यी कि मुथुपी। च्‍यिलासिसिन तीकी ज्‍यिन्‍दाक च्‍यिकला ति ङ्‍यिङ्‍मर किवी, च्‍यिकला ति ङ्‍यिङ्‍ज्‍ये किवी। याङ्‍ना च्‍यिकला ति ताङ्‍देन किवी, च्‍यिकला ति मो बेप्‍किवी। ती दोके ख्‍यिराङ कोन्‍छ्‍योक ताङ टोङ्‍बा ङ्‍यिकरला शब्‍ज्‍यी कि मुथुपी।”

लूका 11:41

कोरा ताङ देर्माङ नाङ्‍ला काङ वे, ती ति पेराङ्‍बुतिवाला बिन, तुक क्‍यासिन तेरी ताम्‍ङेतिवा ख्‍यिरा थोक्‍ला चेङ्‍गा डिवी।

लूका 12:33

ख्‍यिरा टोङ्‍बातिवा चोनी कतुकारला ख्‍येलुपतिवाला बिन। तमा ख्‍यिरा थोक्‍ला मरलुप छयीतिवा जो, तमा नाम्‍साङ मिसिन्‍दुप टोङ्‍बा ति देवाच्‍येनला शम्‍नी ज्‍योक। ते कुर्मेन साङ मोफोकिवी, बु साङ मग्‍यकिवी।

लूका 14:14

तुक क्‍यासिन ख्‍युरुङला मोलाम थोप्‍किवी, च्‍यिलासिसिन तिवी ख्‍युरुङला किन्‍बा लोक्‍नी तेर मुथुपी। यिने कोन्‍छ्‍योककी थोङ्‍दाङला टेङ्‍बु वोतुपतिवा शेप ने सेन्‍बु लङ्‍गुप पेला कोन्‍छ्‍योककी ख्‍युरुङला किन्‍बा लोक्‍नी नङ्‍गिवी।”

लूका 16:11

तुक क्‍यानी दोजो ख्‍यिराङ जम्‍बुलिङकी टोङ्‍बाला खोङ्‍तेर्मु मेसुङ सिसिन सी देवाच्‍येनकी टोङ्‍बा टेङ्‍बु ति ख्‍यिराङला चेक तेकिवी?

लूका 16:13

लावा च्‍यिककी ज्‍यिन्‍दाक ङ्‍यीला शब्‍ज्‍यी कि मुथुपी। तीकी च्‍यिकला ति ङ्‍यिङ्‍मर किवी, यम्‍बाला ति ङ्‍यिङ्‍ज्‍ये किवी। याङ्‍ना च्‍यिकला ति तेन्‍गिवी, यम्‍बाला ति ङ्‍यप्‍च्‍ये किवी। ती दोके क्‍यानी ख्‍यिराङ कोन्‍छ्‍योक ताङ टोङ्‍बा ङ्‍यिकरला शब्‍ज्‍यी कि मुथुपी।”

लूका 16:4

ए ङोतोक, ङे काङ कि गोकिवी सिनी त हाक्‍कोसुङ। तुक क्‍यासिन ङला दी लाका नेमा तेन तङ्‍सिनाङ मीतिवी ङला तिवी खाङ्‍बा गासो शिवी।’

लोमा छ्‍येतिवी लाका 10:31

‘ओ कर्नेलियस, ख्‍योरो मोपोर क्‍यावु ति कोन्‍छ्‍योककी थोनी वे। तमा पेराङ्‍बुतिवाला ख्‍योरो च्‍यम्‍बा क्‍यावु ति कोन्‍छ्‍योकला छ्‍या वे।

लोमा छ्‍येतिवी लाका 10:4

देवाच्‍येनकी लेन क्‍योलुप थु तीला थोङ्‍सिमा कर्नेलियसकी ज्‍यिवा लानी दुक सिक्‍यासुङ, “ओ चोवो, ख्‍युरुङला काङ गोसुङ?” तमा देवाच्‍येनकी लेन क्‍योलुप थु तीकी सिक्‍यासुङ, “ख्‍योरो मोपोर क्‍यावु ताङ पेराङ्‍बुतिवाला बुल्‍दिर बिन्‍दुप ति कोन्‍छ्‍योकला छ्‍या वे।

२ कोरिन्थी 4:17

तन्‍दा दाक्‍पी उकुर च्‍यिक चेयी दुक्‍पा खुर्सिमा ज्‍युक्‍ला नरीकी नरी लुवु कोन्‍छ्‍योककी मोवाकी कोर्ला नासाम ताङ्‍सिन दी दुक्‍पातिवा वुतुङ के काङ साङ मिन।

यहूदा 1:21

तमा दाक्‍पी चोवो येशू ख्रीष्‍टकी नाम्‍साङ मिशिवु मिजी नङ्‍गुप च्‍यम्‍बाकी थोक्‍ला गुनी देतुप पेला कोन्‍छ्‍योककी नङ्‍गुप ङ्‍यिङ्‍ज्‍येला क्‍युर्नी माज्‍योक।