लूका 16:8 - कोन्छ्‌योककी सुङ

⁸ तमा ज्‍यिन्‍दाक तीकी ती खोङ्‍तेर्मु मेतुप खोरो खाङ्‍बी लाका चेक लावु मी तीकी किताङ च्‍यङ्‍बु क्‍यावु तप्‍की तीला चिताङ क्‍यासुङ। च्‍यिलासिसिन दी जम्‍बुलिङकी मीतिवी खोप्‍रे पर्ला कितुप किताङ नालु ति ठछ्‍येलीकी गिपाकी मीतिवी ति सिनाङ मङ च्‍यङ्‍बु गिवी।

लूका 16:8 Iomraidhean Croise

मत्ती 12:32

तमा चुका मी तीकी ङ मी पुज्‍युङला ताम्‍ङे मेलोवा सिवे, तीकी दिक्‍पा माफ ङ्‍येकिवी, यिने कोन्‍छ्‍योककी थु चाङ्‍माला ताम्‍ङे मेलोवा सिरुप तीला दी कल्‍वाला ताङ वुङ्‍गुप कल्‍वाला साङ तीकी दिक्‍पा माफ मेङ्‍येवी।”

मत्ती 17:26

तमा पत्रुसकी “मी यम्‍बातिवा नेसुर दुकिवी।” सिनी सिक्‍यासुङ। ती थोसिमा येशूकी “तुकै यिन्‍सिन पुज्‍युङतिवी याङ से ते मोगोनोक।

लूका 16:10

“सु ताम्‍ङे चेयीला खोङ्‍तेर्मु गिवे, ती ति ताम्‍ङे बङीला साङ खोङ्‍तेर्मु गिवी। तमा सु ताम्‍ङे चेयीला खोङ्‍तेर्मु मेवे, ती ति ताम्‍ङे बङीला साङ खोङ्‍तेर्मु मेङ्‍गिवी।

लूका 16:4

ए ङोतोक, ङे काङ कि गोकिवी सिनी त हाक्‍कोसुङ। तुक क्‍यासिन ङला दी लाका नेमा तेन तङ्‍सिनाङ मीतिवी ङला तिवी खाङ्‍बा गासो शिवी।’

लूका 16:7

तमा तीकी यम्‍बा यीला कताङ्‍नी टिसुङ, ‘ख्‍युरुङला लाङ गोवु छ्‍यावा ति चो वे?’ तीकी सिक्‍यासुङ, ‘ट तवु तोङ्‍डा च्‍यिक।’ तमा तीकी तीला सिक्‍यासुङ, ‘ख्‍योरो तमसुकला तवु सयी ग्‍ये सिनी टी।’

लूका 18:6

लोङ चोवोकी सुङ्‍सुङ, “ती ठिम कितुप मी मेटेङ्‍बु तीकी काङ सिनोक, ङ्‍येना।

लूका 20:34

तमा येशूकी तिवाला सुङ्‍सुङ, “दी कल्‍वाकी मीतिवा ति जेन्‍दी साङ किवी।

लूका 20:35

यिने ती ज्‍युककी कल्‍वा ताङ शेप ने सेन्‍बु लङ्‍गुपला छ्‍योवु वोतुपतिवा याङ जेन्‍दी मिकिवी,

यूहन्‍ना 12:36

ती वोसिर ख्‍यिरा मुला वोतुप पेला राङ ख्‍यिराङ ती वोसिरला तेपा की, तमा ख्‍यिराङ ती वोसिरकी गिपा च्‍युङ्‍गिवी।” सिनी सुङ्सुङ। तोजोयी सुङ्‍सिमा येशू तेसुर फेप्‍सुङ, तमा मीतिवी हाक्‍मोकोवु दासाला यिप्‍नी ज्‍युसुङ।

१ कोरिन्‍थी 3:18

सी साङ खोरो राङ खुरुङला क्‍येन फोकुप मोजोशी। ख्‍यिराङ सु दी जम्‍बुलिङला रिक्‍पा वोतुप यिन सिनी नोकिवे, ती ति रिक्‍पा मेतुप दोके च्‍युङ्‍शी। तुक क्‍यासिन ख्‍यिराङ रिक्‍पा वोतुप च्‍युङ्‍गिवी।

एफिसी 5:8

च्‍यिलासिसिन तोङ्‍ला कोन्‍छ्‌योकला ङो माशेवु पेला ख्‍यिराङ नकतोमीला युवु यिन, त याङ ख्‍यिराङला खोकी ठछ्‍येली जो नाङ्‍सुङ। तुक क्‍यानी ख्‍यिराङ ठछ्‍येलीला युसा।

फिलिप्पी 3:19

तिवा डोप लाम ति ङ्‍येलाला ना डोप यिन। च्‍यिलासिसिन तिवा कोन्‍छ्‍योकला मिन, साप ताङ थुङ्‍गुपकी थोक्‍ला तिराङ सेम नोजु किवी। तिवी खोप्‍रे क्‍यावु लाकातिवाला छासे ल्‍यामु यिन सिनी सिवी, यिने तिवी क्‍यावु लाका ति ङोछा लोङ्‍गुप लाका यिन। तिवी जम्‍बुलिङकी च्‍यालकतिवाला तिराङ नासाम तोङ्‍गिवी।

१ थेसलोनिकी 5:5

च्‍यिलासिसिन ख्‍यिराङ तेरी ठछ्‍येली ताङ ङ्‍यिमी गुङगी गिपा यिन, नुप ताङ नक्‍तोमीकी गिपा मिन।

१ पत्रुस 2:9

यिने ख्‍यिराङ याङ तुकै मिन, ख्‍यिराङ ति कोन्‍छ्‍योककी पेन नङ्‍गुप गिपा ताङ खोकी ग्‍येल्‍खापकी कोङ्‍यार ताङ टेङ्‍बु वोतुप मिरिक ताङ कोन्‍छ्‍योककी खोरे मीतिवा यिन। खोकी ख्‍यिराङला नक्‍तोमी ने थेन्‍नी खोकी हलेवु वोसिरला टिन फेप्‍सुङ। तुक क्‍यानी ख्‍यिरा खोकी हलेवु लाकातिवा मी यम्‍बाला ख्‍याप्‍टाक कि थुप्‍शी।

१ यूहन्‍ना 3:10

ती नेसुर राङ कोन्‍छ्‍योककी गिपा सु यिन, डेकी गिपा सु यिन सिरुप ति हाक्‍कोकिवी। लाका टेङ्‍बु मिकिवुतिवा ताङ खोरो अच्‍युनुपला ङ्‍यिङ्‍ज्‍ये मिकिवुतिवा ति कोन्‍छ्‍योककी पुज्‍युङपुम मिन।