लूका 16:2 - कोन्छ्‌योककी सुङ

² ती थोसिमा ज्‍यिन्‍दाककी ती मीला कताङ्‍नी दुक सिक्‍यासुङ, ‘ख्‍योरो कोर्ला ङे थोवु दी ताम्‍ङे ति काङ यिन? ख्‍योरे क्‍यावु तेरी ची ति ङला नाङ। तफेन्‍ला ख्‍युरुङ दी लाका कि मुथुपी।’

लूका 16:2 Iomraidhean Croise

मत्ती 12:36

ङ ख्‍यिराङला सिरिन, मीतिवी काङ ताम्‍ङे तेर्मे क्‍यावे, ती ताम्‍ङे तेर्मेकी तेन्‍दोक ति कोन्‍छ्‍योककी ठिम तोङ्‍गुप तुजेला खोकी दोङ्‍ला खोरो राङ लप गोकिवी।

मत्ती 20:8

गोमु नाम ल्‍होसिमा ती गुन्‍डुम शिङ ज्‍यिन्‍दाक तीकी खोरो शिङ ल्हाप लावा छ्‍ये तीला ‘लाका कितुपतिवाला कताङ्‍नी तेरी सिनाङ तिङ्‍ला वावुतिवा नेसुर गो चुनी तेरी सिनाङ गोमाला वावुतिवा सेक ल बिन।’ सिनी योक कुसुङ।

लूका 12:20

यिने कोन्‍छ्‍योककी तीला सुङ्‍सुङ, ‘ओ अम्‍बारङ्‍शिङ, हारिङ नुपला राङ ख्‍युरुङ शिवी। तमा ख्‍योरो थोक्‍ला शम्‍नी ज्‍यकुप टोङ्‍बा ति सी ति डिवी?’

लूका 12:42

तमा चोवोकी सुङ्‍सुङ, “चुका मी ति खोङ्‍तेर्मु ताङ रिक्‍पा वोतुप खाङ्‍बी लाका चेक लावु मी वोज्‍यिवी? ज्‍यिन्‍दाककी तीला खोरो यम्‍बा लावातिवाला टेके तुजेला समा तेरुपला चेक तेकिवी।

लूका 16:1

तमा येशूकी खोरो लोमातिवाला सुङ्‍सुङ, “मी छ्‍युक्‍पु यीकी खोरो खाङ्‍बी लाका चेक लावु मी यीला ज्‍याक्‍नोक। तमा ती मी तीकी खोरो टोङ्‍बा ना तोङ्‍गिनोक सिरुप ताम्‍ङे ति ती ज्‍यिन्‍दाककी थोनोक।

लूका 16:3

ज्‍यिन्‍दाककी तुक सिक्‍यासिमा ती मी तीकी दुका नासाम यी ताङ्‍सुङ, ‘त याङ ङ काङ कितुप? ज्‍यिन्‍दाककी दी लाका नेमा ङला तेन तोङ्‍गुप छाल्‍सुङ। सशिङ कोपला जुला ङार मे, लङ्‍नी सापला ङोछा लङ्‍गिवी।

रोमी 14:12

तुक क्‍यानी दाक्‍पु मिरा रे रेकी रङगी काङ काङ क्‍यावे ती तेरी कोन्‍छ्‍योकला छ्‍या देन गोकिवी।

१ कोरिन्‍थी 1:11

च्‍यिलासिसिन ख्‍यिरा पर्ला खाँदा शोर्नोक सिरुप लेन ति क्‍लोएकी मिछाङकी मीतिवी ङला बिन्‍सुङ।

१ कोरिन्‍थी 4:2

तोजो तिराङ मिन, कोन्‍छ्‍योककी ग्‍येल्‍खापकी कोर्ला शब्‍ज्‍यी कितुप मीतिवा ति खोङ्‍तेर्मु वुङ गोकिवी।

१ कोरिन्‍थी 4:5

तुक क्‍यानी ख्‍यिराङ कोन्‍छ्‍योककी ठिम क्‍या नङ्‍गुप सिनाङ गोमाला के सुला साङ ठिम माकी। चोवो येशू फेपुप पर सेक गुसा। दाक्‍पी सी साङ हाक्‍माकोवा क्‍यानी क्‍यावु लाका ल्‍यामु मेलोवा ति तेरी खोकी ठछ्‍येली थोङ्‍गिवी। मी सेमगी नोवातिवा साङ ठछ्‍येली छ्‍या देन्‍गिवी। ती पेला मीतिवा रे रेला कोन्‍छ्‍योककी “ख्‍यिरा छासे को छ्‍येसुङ।” सिनी सुङ्‍गिवी।

२ कोरिन्थी 5:10

च्‍यिलासिसिन दाक्‍पु रे रेला ख्रीष्‍टकी ठिम क्‍या नङ्‍गिवी। ती पेला दाक्‍पु खोकी चिप्‍ला लङ गोकिवी। तमा दाक दाक्‍पी दी जम्‍बुलिङला जुला वोतुप पेला ल्‍यामु मेलोवा काङ क्‍यावे, तुकै राङ खोकी ठिम किवी।

१ तिमोथी 4:14

ख्‍युरुङला थोपुप कटिनकी ङ्‍येम्‍बाला खोङ्‍याम की। ती कटिनकी ङ्‍येम्‍बा ति चर्चकी गोमा कितुपतिवी ख्‍योरो गोला लाक्‍पा ज्‍याक्‍नी मोपोर कितुप पेला नम्‍दर शेनी ख्‍युरुङला थोपुप यिन।

१ तिमोथी 5:24

ललाइ ललाइ मीतिवी दिक्‍पातिवा ठछ्‍येली थोङ्‍गिवी, तमा ठिमला डोप गोमाला के हाक्‍कोकिवी। यिने ललाइकी दिक्‍पातिवा ति ज्‍युक्‍ला तिराङ थोङ्‍गिवी।

१ पत्रुस 4:10

ख्‍यिराङ सुला कोन्‍छ्‍योक नेमा मीतिवाला शब्‍ज्‍यी कितुपला ओङ थोप्‍वे, ती ओङ थोपुप दोके क्‍यानी च्‍यिककी च्‍यिकला शब्‍ज्‍यी की।

१ पत्रुस 4:5

यिने सेन्‍बु वोतुप ताङ शेपतिवाला ठिम क्‍या नङ्‍गुप कोन्‍छ्‍योकला तिवी क्‍यावु लाकाकी ची ति तिवी ते राङ गोकिवी।

ज्‍यल्‍का 20:12

तमा शेप छ्‍ये ताङ छ्‍युङातिवा तेरी ग्‍येल्‍ठिककी चिप्‍ला लानी देतुप ताङ थेपतिवा लोकुप ति ङे थोङ्‍सुङ। ते यम्‍बा थेप यी साङ लोक्‍सुङ। ती ति मिजीकी थेप नोक। ती थेपतिवी नाङ्‍ला टिवु दोके तिवी चुका लाका क्‍यावे, तुकै राङ क्‍यानी तिवाला ठिम क्‍यासुङ।