लूका 16:16 - कोन्छ्‌योककी सुङ

¹⁶ “मोशाकी ठिम ताङ कोन्‍छ्‍योककी लुङ्‍तेम्‍बातिवी येन्‍देनला तेन्‍दुप ति बप्‍तिस्‍मा तेरुप यूहन्‍ना वुङ्‍गुप सेक तिराङ यिन। ती ज्‍युक्‍ला ति कोन्‍छ्‍योककी ग्‍येल्‍खापकी लेन ल्‍यामु ति ख्‍याप्‍टाक कियी नोक, तमा तेरी मीतिवा ती नाङ्‍ला उर्च्युम ग्‍यप्‍नी शुकिनोक।

लूका 16:16 Iomraidhean Croise

मत्ती 10:7

‘कोन्‍छ्‍योककी ग्‍येल्‍खाप चिप्‍ला राङ वा वे।’ सिनी ख्‍याप्‍टाक की।

मत्ती 15:11

ख नेमा शुकुप तीकी मीला मेचेङ्‍गा मोजोवी, यिने ख नेमा थेन्‍दुप तीकी मीला मेचेङ्‍गा जेवी।”

मत्ती 21:32

च्‍यिलासिसिन यूहन्‍ना ख्‍यिरा ते वानी ख्‍यिराङला मिजी टेङ्‍बु क्‍योङ्‍गुप लाम छ्‍या तेन्‍सिनाङ ख्‍यिरा तीला तेपा माक्‍या। यिने से दुतुपतिवा ताङ छ्‍येमुतिवी तीला तेपा क्‍यासुङ। तमा ख्‍यिरा तिवी तेपा क्‍यावु थोङ्‍सिमा साङ सेम ग्‍युर्नी खोला तेपा माक्‍या।”

मत्ती 3:2

“ख्‍यिराङ दिक्‍पा ने सेम ग्‍युर, च्‍यिलासिसिन कोन्‍छ्‍योककी ग्‍येल्‍खाप चिप्‍ला राङ वा वे।”

मत्ती 4:17

ती पेला नेज्‍युनी येशूकी “ख्‍यिराङ दिक्‍पा ने सेम ग्‍युर! च्‍यिलासिसिन देवाच्‍येनकी ग्‍येल्‍खाप चिप्‍ला राङ वा वे।” सिनी मीतिवाला सुङ ख्‍याप्‍टाक कितुप गो चुसुङ।

मत्ती 4:23

येशू गालील लुङ्‍बा तेरी कोरा ग्‍यकिन सिरा यहूदी छ्‍योखाङला सुङ लाप नङ्‍गुप ताङ कोन्‍छ्‍योककी ग्‍येल्‍खापकी कोर्ला लेन ल्‍यामु ख्‍याप्‍टाक कियी नम्‍बा बङीकी नेर्पुतिवा ताङ अमोछ्‍योवुतिवा तेरीला टेक च्‍यिसुङ।

मर्कूस 1:14

यूहन्‍ना चोन्‍खाङला शोर्सिमा येशू गालील लुङ्‍बाला फेप्‍नी कोन्‍छ्‍योककी लेन ल्‍यामु ख्‍याप्‍टाक क्‍या नाङ्‍सुङ।

मर्कूस 1:45

यिने ती मी ति पाङ्‍ला गल्‍नी ती तेरी ताम्‍ङे टाम्‍सुङ। तुक क्‍यानी येशू मी मिङ्‍गाला ग्‍येसाला फेप माथुप्‍नी कुसुमी दासाला ज्‍युसुङ। यिन्‍सिनाङ मीतिवा छो ज्‍यी नेसुर खोकी चाला लेसुङ।

लूका 10:11

‘ङ्‍यिरा काङ्‍बाला कोवु दी ग्‍येसाकी थल्‍दुक ति ख्‍यिरा तेन्‍दोकला र्‍हुनी ज्‍योकिन। यिने कोन्‍छ्‍योककी ग्‍येल्‍खाप चिप्‍ला राङ वा वे सिरुप ति ख्‍यिरा हाक्‍कोवा की।’ सिनी सी।

लूका 10:9

तमा ते वोतुप नेर्पुतिवाला टेक च्‍यिनी तिवाला ‘कोन्‍छ्‍योककी ग्‍येल्‍खाप ख्‍यिरा चिप्‍ला राङ वा वे।’ सिनी सी।

लूका 16:29

यिने अब्राहामकी सिक्‍यासुङ, ‘तिवी मुला याङ मोशा ताङ कोन्‍छ्‍योककी लुङ्‍तेम्‍बातिवा वे, तुक क्‍यानी तिवी ताम्‍ङे ङ्‍येन्‍शी।’

लूका 16:31

अब्राहामकी तीला सिक्‍यासुङ, ‘तिवी मोशा ताङ कोन्‍छ्‍योककी लुङ्‍तेम्‍बाकी ताम्‍ङे मेङ्‍येन्‍सुङ सिसिन शेप ने ललाइ सेन्‍बु लासिनाङ तेपा मिकिवी।’”

लूका 9:2

तमा तिवाला कोन्‍छ्‍योककी ग्‍येल्‍खाप ख्‍याप्‍टाक कितुप ताङ नेर्पुतिवाला टेक ज्‍यितुपला ताङ्‍सुङ।

यूहन्‍ना 1:45

तमा फिलिप तीकी नथानेलला ठेनी, “मोशाकी कोन्‍छ्‍योककी सुङला टिवु ताङ कोन्‍छ्‍योककी लुङ्‍तेम्‍बातिवी टिवु ती मी तीला ङ्‍यिरा ठेसुङ। खो याङ नासरत नेसुर फेवु योसेफकी पुज्‍युङ येशू के यिनोक।” सिनी सिक्‍यासुङ।

यूहन्‍ना 11:48

दोजो दाक्‍पी तीला तुक राङ क्‍या क्‍यावा दे च्‍यिसिन मी तेरीकी तीला तेपा किवी, तमा रोमीतिवा वानी दाक्‍पी यहूदी ल्‍हङाङ ताङ मिरिकतिवा ङ्‍यिकरला ना तोङ्‍गिवी।” सिनी सिक्‍यासुङ।

यूहन्‍ना 12:19

तमा फरिसीतिवा च्‍यिककी च्‍यिकला “ल्‍हो ताङ, खोइ! दाक्‍पी याङ काङ साङ कि माथुप। तेरी मीतिवा तीकी तिङ्‍ला तिङ्‍यासुङ।” सिनी सिक्‍यासुङ।

यूहन्‍ना 5:4

च्‍यिलासिसिन पर्चिक पर्चिक कोन्‍छ्‍योककी लेन क्‍योलुप थु ति ते वानी ती चो ति योकिनोक, तमा चो योसिमा सु गोमाला ती चे नाङ्‍ला शुकिवे, तीला चुकै राङ नेजु वोसिनाङ टेकिवी सिनी सिनोक।

लोमा छ्‍येतिवी लाका 3:18

यिने ख्रीष्‍टकी छेटाङ खुर राङ गोकिवी सिनी गोमाला नेज्‍युनी कोन्‍छ्‍योककी लुङ्‍तेम्‍बातिवी नम्‍दर शेतुप ति कोन्‍छ्‍योककी तेरी छे च्‍यिसुङ।