लूका 16:11 - कोन्छ्‌योककी सुङ

¹¹ तुक क्‍यानी दोजो ख्‍यिराङ जम्‍बुलिङकी टोङ्‍बाला खोङ्‍तेर्मु मेसुङ सिसिन सी देवाच्‍येनकी टोङ्‍बा टेङ्‍बु ति ख्‍यिराङला चेक तेकिवी?

लूका 16:11 Iomraidhean Croise

मत्ती 6:24

“सी साङ ज्‍यिन्‍दाक ङ्‍यीला शब्‍ज्‍यी कि मुथुपी। च्‍यिलासिसिन तीकी ज्‍यिन्‍दाक च्‍यिकला ति ङ्‍यिङ्‍मर किवी, च्‍यिकला ति ङ्‍यिङ्‍ज्‍ये किवी। याङ्‍ना च्‍यिकला ति ताङ्‍देन किवी, च्‍यिकला ति मो बेप्‍किवी। ती दोके ख्‍यिराङ कोन्‍छ्‍योक ताङ टोङ्‍बा ङ्‍यिकरला शब्‍ज्‍यी कि मुथुपी।”

लूका 12:33

ख्‍यिरा टोङ्‍बातिवा चोनी कतुकारला ख्‍येलुपतिवाला बिन। तमा ख्‍यिरा थोक्‍ला मरलुप छयीतिवा जो, तमा नाम्‍साङ मिसिन्‍दुप टोङ्‍बा ति देवाच्‍येनला शम्‍नी ज्‍योक। ते कुर्मेन साङ मोफोकिवी, बु साङ मग्‍यकिवी।

लूका 16:12

तमा ख्‍यिराङ मी यम्‍बी टोङ्‍बाला खोङ्‍तेर्मु मेसुङ सिसिन सी ख्‍यिराङला थोप गोवु रङगी टोङ्‍बा ति तेर्किवी?

लूका 16:9

ङ ख्‍यिराङला सिरिन, दी जम्‍बुलिङकी टोङ्‍बा थ्‍वोनी दाक दाक्‍पी थोक्‍ला दाल्‍जातिवा जो, तमा ती टोङ्‍बा सिन्‍सिमा तिवी ख्‍यिराङला नरी लुवु दासाला गासो शुकिवी।”

लूका 18:22

ती थोसिमा येशूकी तीला सुङ्‍सुङ, “ख्‍युरुङला तरोङ साङ ताम्‍ङे च्‍यिक ङ्‍युङ्‍मु वे। ख्‍योरो मुला वोतुप टोङ्‍बातिवा तेरी चोनी पेराङ्‍बुतिवाला गोनी बिन। तुक क्‍यासिन ख्‍युरुङला देवाच्‍येनला टोङ्‍बा थोप्‍किवी। तमा वानी ङे तिङ्‍ला तिङ्‍योक।”

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

याकूब 2:5

तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?

ज्‍यल्‍का 3:18

तुक क्‍यानी ङ ख्‍युरुङला टोङ्‍गु तेरिन, ख्‍युरुङ छ्‍युक्‍पु डोप गा वोसिन, ङे नेसुर मेला र्‍हेनी ङोमा जोवु सेर ङ्‍यो। तमा ङोछा लङ्‍गुप ताङ पेर्तुङ्‍बा वोतुप जु उपुपला मज्‍या कर्मु ङ्‍योनी कोन। ख्‍योरो मिक थोङ थुपुपला मिकला मेन ङ्‍योनी कु।