लूका 16:1 - कोन्छ्‌योककी सुङ

¹ तमा येशूकी खोरो लोमातिवाला सुङ्‍सुङ, “मी छ्‍युक्‍पु यीकी खोरो खाङ्‍बी लाका चेक लावु मी यीला ज्‍याक्‍नोक। तमा ती मी तीकी खोरो टोङ्‍बा ना तोङ्‍गिनोक सिरुप ताम्‍ङे ति ती ज्‍यिन्‍दाककी थोनोक।

लूका 16:1 Iomraidhean Croise

मत्ती 20:8

गोमु नाम ल्‍होसिमा ती गुन्‍डुम शिङ ज्‍यिन्‍दाक तीकी खोरो शिङ ल्हाप लावा छ्‍ये तीला ‘लाका कितुपतिवाला कताङ्‍नी तेरी सिनाङ तिङ्‍ला वावुतिवा नेसुर गो चुनी तेरी सिनाङ गोमाला वावुतिवा सेक ल बिन।’ सिनी योक कुसुङ।

लूका 12:42

तमा चोवोकी सुङ्‍सुङ, “चुका मी ति खोङ्‍तेर्मु ताङ रिक्‍पा वोतुप खाङ्‍बी लाका चेक लावु मी वोज्‍यिवी? ज्‍यिन्‍दाककी तीला खोरो यम्‍बा लावातिवाला टेके तुजेला समा तेरुपला चेक तेकिवी।

लूका 15:13

तमा ङ्‍यिमा चेयी ज्‍युक्‍ला ती पुज्‍युङ छ्‍युङा ति खोरुङला थोपुप टोङ्‍बा ति तेरी रुनी थाक्‍रिङ्‍बु लुङ्‍बाला गाल। ते गल्‍नी तीकी सेम नोजु क्‍यानी खोरो टोङ्‍बा ति तेरी ना ताङ्‍सुङ।

लूका 15:30

यिने छ्‍येमुतिवी मुला शोर्नी पली टोङ्‍बा तेरी ना तोङ्‍गुप दी पली पुज्‍युङ ति लोक्‍नी वासिमा तीकी थोक्‍ला ति लङ्‍डु ग्‍यामु से च्‍यिसुङ।’

लूका 16:19

“दासा यीला मी छ्‍युक्‍पु यी नोक। ती ति मज्‍या ल्‍यामु ल्‍यामु कोन्‍नी ङ्‍यिमी टेङ छासे किर्मु क्‍यानी मिजी क्‍योङ्‍गिनोक।

लूका 16:2

ती थोसिमा ज्‍यिन्‍दाककी ती मीला कताङ्‍नी दुक सिक्‍यासुङ, ‘ख्‍योरो कोर्ला ङे थोवु दी ताम्‍ङे ति काङ यिन? ख्‍योरे क्‍यावु तेरी ची ति ङला नाङ। तफेन्‍ला ख्‍युरुङ दी लाका कि मुथुपी।’

लूका 19:20

तमा यम्‍बा लावा यी वानी दुक सिक्‍यासुङ, ‘ज्‍यिन्‍दाक, ज्‍यिन्‍दाककी तेन ज्‍यकुप सेरकी डप्‍बु च्‍यिक याङ दे राङ वे, ङे दीला रुमाल नाङ्‍ला तुम ज्‍याक्नी वे।

लूका 8:3

तमा यम्‍बा ति ग्‍येल्‍वु हेरोदकी खाङ्‍बी लाका चेक लावु मी खुजासकी पेर्मी योअन्‍ना ताङ सुसन्‍ना ताङ यम्‍बा पुम्‍पेजातिवा नोक। ती पुम्‍पेजातिवी खोप्‍रे टोङ्‍बा नेसुर येशू ताङ खोकी लोमातिवाला शब्‍ज्‍यी कियी नोक।

तीतस 1:7

च्‍यिलासिसिन गोमा कितुप मी छ्‍ये ति कोन्‍छ्‍योककी लाका कितुप मी यिन्‍दुप तप्‍की क्‍येन मेतुप वुङ गोकिवी। ती ति हम्‍बा मिकिवु ताङ शार्क्येक ङ्‍यिर्मु मिकिवु ताङ छ्‍याङ्‍गेले मेतुप ताङ खाँदा मिकिवु ताङ टोङ्‍बाला देर्पा कितुप वुङ्‍गुप मेवी।

याकूब 4:3

ख्‍यिरा कोन्‍छ्‍योकला लोङ्‍गुप याङ लोङ्‍गिवी, यिने मेङ्‍येवी। च्‍यिलासिसिन ख्‍यिराङ खोरुङला तिराङ गा ताङ किर्मु जोप नासाम मेलोवा ताङ्‍नी लोङ्‍गिवी।

१ पत्रुस 4:10

ख्‍यिराङ सुला कोन्‍छ्‍योक नेमा मीतिवाला शब्‍ज्‍यी कितुपला ओङ थोप्‍वे, ती ओङ थोपुप दोके क्‍यानी च्‍यिककी च्‍यिकला शब्‍ज्‍यी की।