लूका 15:8 - कोन्छ्‌योककी सुङ

⁸ “पुम्‍पेजा यीकी ति ङुलकी डप्‍बु च्‍यिथम्‍बा नोक, तिवी पर्ला च्‍यिक ति तोर्सुङ सिसिन तीकी दिप्‍ली च्‍येनी कोमी ग्‍यप्‍नी खाङ्‍बी अर्शा उर्शाला ती तोरुप डप्‍बुला माङ्‍येता सेक मोछोली रो?

लूका 15:8 Iomraidhean Croise

मत्ती 5:15

सी साङ दिप्‍ली च्‍येनी शोमकी वोक्‍ला मोज्‍योकिवी, यिने खाङ्‍बी नाङ्‍ला वोतुप मीतिवा तेरीकी थोङ्‍गुप दासाला ज्‍योकिवी। तुक क्‍यासिन खाङ्‍बी नाङ्‍ला वोतुपतिवा तेरीकी ठछ्‍येली थोङ्‍गिवी।

लूका 15:7

ङ ख्‍यिराङला सिरिन, दी दोके दिक्‍पा ने सेम ग्‍युर मोगोवु मी टेङ्‍बु मिरा खाल गु ताङ गु सिनाङ दिक्‍पा ने सेम ग्‍युरुप मी मिरा च्‍यिककी थोक्‍ला देवाच्‍येनला मङ गा किवी।”

लूका 15:9

तमा तीला ङ्‍येसिमा खोरो दाल्‍जातिवा ताङ युल्‍वातिवाला मुला राङ कताङ्‍नी ‘ङ ताङ मुला गा की। ङे तोरुप डप्‍बु याङ ङ्‍येसुङ।’ सिनी सिवी।

लूका 19:10

ङ मी पुज्‍युङ याङ तोरुपतिवाला छल्‍नी र्‍होकुपला वावु यिन।”

यूहन्‍ना 10:16

ङे मुला दी खोरकी नाङ्‍ला मेतुप यम्‍बा लुकतिवा साङ वे। ङे तिवाला साङ टिनी वुङ गोकिवी। तिवी साङ ङे वोरु थोकिवी, तमा तिवा तेरी गोठाला च्‍यिककी मयी च्‍यिक राङ च्‍युङ्‍गिवी।

यूहन्‍ना 11:52

ती ताम्‍ङे ति यहूदीतिवी थोक्‍ला तिराङ मिन, यिने जम्‍बुलिङला थरा थुरा टम्‍नी देतुप कोन्‍छ्‍योकला तेपा कितुप तेरी मीतिवाला जोम्‍नी च्‍यिक राङ जोपला येशू शिवी सिनी सिक्‍यावु यिन।

लोमा छ्‍येतिवी लाका 19:19

तिवी पर्ला शाशुता कितुपतिवा बङीकी खोप्‍रे शाशुता कितुप पेज्‍यातिवा तेरी खुन वानी मी तेरीकी मिङ्‍गाला र्‍हेसुङ। ती पेज्‍याकी गोङ ति ची क्‍यासिन ङुलकी डप्‍बु तोङ्‍डा खल ङ चोयी नाकिनोक।

एफिसी 2:17

तमा खो फेप्‍नी ख्‍युरुङ थाक्‍रिङ्‍बु वोतुपतिवाला ताङ थाक्‍ङ्‍यिमु वोतुपतिवाला साङ लोदिमु तेरुप सुङ ख्‍याप्‍टाक क्‍या नाङ्‍सुङ।