लूका 15:7 - कोन्छ्‌योककी सुङ

⁷ ङ ख्‍यिराङला सिरिन, दी दोके दिक्‍पा ने सेम ग्‍युर मोगोवु मी टेङ्‍बु मिरा खाल गु ताङ गु सिनाङ दिक्‍पा ने सेम ग्‍युरुप मी मिरा च्‍यिककी थोक्‍ला देवाच्‍येनला मङ गा किवी।”

लूका 15:7 Iomraidhean Croise

मत्ती 18:13

वुतुङ के ङ ख्‍यिराङला सिरिन, तीकी ती तोरुप लुक च्‍यिक ति ङ्‍येसुङ सिसिन मातोरुप लुक खल गु ताङ गु ति सिनाङ ती च्‍यिककी थोक्‍ला मङ गा किवी।

मत्ती 3:8

ख्‍यिराङ ‘दाक दाक्‍पु दिक्‍छेन यिन।’ सिनी सेम ग्‍युर्नी कोन्‍छ्‍योकला वावु यिन्‍सिन तीकी पङ्‍बु ति छ्‍या तेन।

लूका 15:10

ङ ख्‍यिराङला सिरिन, दी दोके दिक्‍पा ने खोरो सेम ग्‍युरुप दिक्‍छेन मिरा च्‍यिककी थोक्‍ला कोन्‍छ्‍योककी लेन क्‍योलुप थुतिवा गा किवी।”

लूका 15:29

यिने तीकी पपा तीला सिक्‍यासुङ, ‘लो दोजोयी सेक ङे पाली शब्‍ज्‍यी क्‍या देतिन, तमा पाली काङ सुङ्‍गुप ति ङे तेरी ङ्‍येनिन। यिने पाली ङला ङे दाल्‍जातिवी मुला गा कितुपला रेरुक च्‍यिक साङ मनङ वे।

लूका 15:32

यिने दी ख्‍योरो नुप याङ शिसुङ, यिने येलुङ सेन्‍बु लासुङ। तोर्सुङ, यिने त याङ ङ्‍येसुङ। तुक क्‍यानी दाक्‍पी गा ताङ किर्मु कि राङ गोकिवी।’”

लूका 15:6

खाङ्‍बा खुर्नी गिवी। तमा खोरो दाल्‍जातिवा ताङ युल्‍वातिवाला कताङ्‍नी दुक सिवी, ‘ङे मुला गा की। ङे तोरुप लुक ति ङ्‍येसुङ।’

लूका 15:8

“पुम्‍पेजा यीकी ति ङुलकी डप्‍बु च्‍यिथम्‍बा नोक, तिवी पर्ला च्‍यिक ति तोर्सुङ सिसिन तीकी दिप्‍ली च्‍येनी कोमी ग्‍यप्‍नी खाङ्‍बी अर्शा उर्शाला ती तोरुप डप्‍बुला माङ्‍येता सेक मोछोली रो?

लूका 16:15

तमा येशूकी तिवाला सुङ्‍सुङ, “ख्‍यिराङ ति मीतिवी मिङ्‍गाला खोरुङ राङ टेङ्‍बु यिन सिनी छ्‍या देन्‍गिवी। यिने कोन्‍छ्‍योककी ख्‍यिरा सेम चुकै वे सिरुप ति हाक्‍कोकिवी। मीतिवी छासे खक्‍छ्‍येवु वे सिनी नो कितुपतिवाला ति कोन्‍छ्‍योककी छासे क्‍युक्‍टो किवी।”

लूका 5:32

ङ ति खुरुङ राङ मी टेङ्‍बु यिन सिरुपतिवी थोक्‍ला मिन, यिने खुरुङ राङ दिक्‍छेन यिन सिरुपतिवाला कताङ्‍नी दिक्‍पा ने सेम ग्‍युर ज्‍यितुपकी थोक्‍ला वावु यिन।”

रोमी 7:9

गोमाला ठिम मेतुप पेला ङ सेन्‍बु राङ वोतुप्‍जा, यिने कोन्‍छ्‍योककी क वासिमा दिक्‍पा काङ यिन सिरुप ताङ ङ दिक्‍छेन यिन सिरुप ति ङे हाक्‍कोसुङ। तुक क्‍यानी ङ ति दिक्‍पाला शोर्नी शेपला ख्‍येल्‍सुङ।