लूका 15:6 - कोन्छ्‌योककी सुङ

⁶ खाङ्‍बा खुर्नी गिवी। तमा खोरो दाल्‍जातिवा ताङ युल्‍वातिवाला कताङ्‍नी दुक सिवी, ‘ङे मुला गा की। ङे तोरुप लुक ति ङ्‍येसुङ।’

लूका 15:6 Iomraidhean Croise

लूका 1:58

चोवो कोन्‍छ्‍योककी तीला छासे कटिन नङ वे सिरुप थोनी तीकी युल्‍वातिवा ताङ छेङ्‍गाछालीतिवा तीकी मुला गा क्‍यासुङ।

लूका 15:10

ङ ख्‍यिराङला सिरिन, दी दोके दिक्‍पा ने खोरो सेम ग्‍युरुप दिक्‍छेन मिरा च्‍यिककी थोक्‍ला कोन्‍छ्‍योककी लेन क्‍योलुप थुतिवा गा किवी।”

लूका 15:24

च्‍यिलासिसिन दी ङे पुज्‍युङ ति शिसुङ, यिने येलुङ सेन्‍बु लासुङ। तोर्सुङ, तमा त याङ ङ्‍येसुङ।’

लूका 15:5

तीला ङ्‍येसिमा गा कियी सिरा तीला खोरो पङ्‍दुर ज्‍याक्‍नी

लूका 15:7

ङ ख्‍यिराङला सिरिन, दी दोके दिक्‍पा ने सेम ग्‍युर मोगोवु मी टेङ्‍बु मिरा खाल गु ताङ गु सिनाङ दिक्‍पा ने सेम ग्‍युरुप मी मिरा च्‍यिककी थोक्‍ला देवाच्‍येनला मङ गा किवी।”

यूहन्‍ना 15:14

दोजो ख्‍यिरा ङे कला ङ्‍येन्‍सुङ सिसिन ख्‍यिराङ ङे दाल्‍जातिवा यिनो।

यूहन्‍ना 3:29

नमाला जेन्‍दी कितुप ति माक्‍पा यिन, यिने माक्‍पी क्‍योल्‍मिन ति माक्‍पी चाला लान देनी माक्‍पी वोरु थोसिमा छासे गा किवी। तुक राङ क्‍यानी ङला छासे गा ला वे।

लोमा छ्‍येतिवी लाका 11:23

बारनाबास ते लेप्‍सिमा तेकी मीतिवाला कोन्‍छ्‍योककी कटिन थोपुप थोङ्‍नी गा क्‍यासुङ। तमा सेमगी दिङ नेज्‍युनी चोवो येशूला तेपा रम्‍बु क्‍यानी दे गोकितो सिनी तिवाला टोङ्‍गु बिन्‍सुङ।

लोमा छ्‍येतिवी लाका 15:3

तोङ्‍गुप पेला चर्चकी मीतिवी तिवाला ल्‍यामो क्‍यानी ताङ्‍सुङ। तमा तिवा यरूशलेम डोप पेला फोनिके ताङ सामरियाला लेप्‍सुङ। लेप्‍सिमा ते वोतुप तेपा कितुप मीतिवाला यहूदी मिन्‍दुप मिरिक यम्‍बाकी मीतिवी सेम ग्‍युर्नी कोन्‍छ्‍योकला तेपा क्‍यासुङ सिरुप ताम्‍ङे ति लाप्‍सुङ। तमा तेकी मीतिवा तेरी गा क्‍यासुङ।

फिलिप्पी 1:4

तमा ख्‍यिराङ तेरीकी थोक्‍ला ङ मोपोर कितुप पेला नरी कोन्‍छ्‍योकला सेम गा क्‍यानी मोपोर कितिन।

फिलिप्पी 2:17

ख्‍यिरा कोन्‍छ्‍योकला तेपा क्‍यावु ताङ शब्‍ज्‍यी क्‍यावु ति जिन्‍बा बुलुप दोके राङ यिन। ती जिन्‍बाकी थोक्‍ला ङ शि राङ गोसिनाङ शि थुप्‍किवी। तमा ख्‍यिराङ तेरीकी मुला ङ छासे गा कितिन।

फिलिप्पी 4:1

तुक क्‍यानी अच्‍युनुपतिवा, ङ ख्‍यिराङला ङ्‍यिङ्‍ज्‍ये लानी नम पेला ठेतुप सिनी नासाम शर्किनोक। तमा ख्‍यिराङला नासाम तोङ्‍गुप पेला ङ छासे गा लानी मीतिवाला ख्‍यिरा कोर्ला तेके कितिन। ङे ङ्‍यिङ्‍ज्‍येवु अच्‍युनुपतिवा, ख्‍यिराङ तुक राङ क्यानी चोवो येशूला तेपा रम्‍बु क्‍यानी देता।

१ थेसलोनिकी 2:19

च्‍यिलासिसिन चोवो येशू फेपुप पेला खोकी दोङ्‍ला ङ्‍यिरा रेवा ताङ लोदिमु ताङ तेके क्‍यावु उशाक ति काङ ख्‍यिराङ राङ मिन रो?

१ पत्रुस 2:10

गोमाला ख्‍यिराङ सी गिपा साङ मिनोक, यिने त याङ ख्‍यिराङ खोकी गिपा च्‍युङ वे। गोमाला याङ ख्‍यिराङला खोकी च्‍यम्‍बा माथोप वे, यिने त याङ ख्‍यिराङला खोकी च्‍यम्‍बा थोप्‍नी वे।

१ पत्रुस 2:25

च्‍यिलासिसिन तोङ्‍ला ख्‍यिराङ ख्‍यम्‍नी गलुप लुकतिवा दोके यिन, यिने त याङ ख्‍यिरा सेम ल्‍हाटे कितुप गोठाला दोके यिन्‍दुप ताङ ख्‍यिराङला र्‍होकुप येशू ख्रीष्‍टकी ते ख्‍यिराङ लोक्‍नी वा वे।