लूका 15:2 - कोन्छ्‌योककी सुङ

² यिने फरिसीतिवा ताङ यहूदी छ्‍योकी गेकेनतिवी मुक्‍तम देनिन सिरा दुक सिक्‍यासुङ, “दी मी तीकी याङ दिक्‍छेनतिवाला गा क्‍यानी तिवी मुला राङ देनी समा शेनोक।”

लूका 15:2 Iomraidhean Croise

मत्ती 11:19

ङ मी पुज्‍युङ वानी साप ताङ थुङ्‍गुप ति मीतिवी ल्‍हानी ‘ती ति सज्‍युरे ताङ छ्‍याङ्‍गेले यिन, तमा से दुतुप ताङ दिक्‍छेनतिवी दाल्‍जा यिन।’ सिनी सिवी। यिने कोन्‍छ्‍योककी रिक्‍पा ति ती रिक्‍पा वोतुप मीकी क्‍यावु लाका नेसुर राङ हाक्‍कोकिवी।”

मत्ती 9:11

ती थोङ्‍नी फरिसीतिवी येशूकी लोमातिवाला “ख्‍यिरा गेकेनकी च्‍यिला से दुतुपतिवा ताङ दिक्‍छेनतिवी मुला देनी सोल शेवु यिन?” सिनी टिसुङ।

लूका 15:3

तमा येशूकी तिवाला दी पे ति शेन नाङ्‍सुङ,

लूका 19:7

ती थोङ्‍नी तेरी मीतिवा मुक्‍तम देनिन सिरा “ती मी याङ मी दिक्‍छेनकी खाङ्‍बा के शासा देतुपला गाल्‍सुङ।” सिनी सिक्‍यासुङ।

लूका 5:30

ती पेला फरिसीतिवा ताङ यहूदी छ्‍योकी गेकेनतिवी येशूकी लोमातिवाला मुक्‍तम देनिन सिरा “ख्‍यिराङ च्‍यिला से दुतुपतिवा ताङ दिक्‍छेनतिवी मुला देनी साप थुङ्‍गुप कियी वे?” सिनी सिक्‍यासुङ।

लूका 7:34

ङ मी पुज्‍युङ वानी सोवु ताङ थुवु ल्‍हानी ख्‍यिरा ‘ल्हो ताङ, ती ति सज्‍युरे ताङ छ्‍याङ्‍गेले यिन, तमा से दुतुप ताङ दिक्‍छेनतिवी दाल्‍जा यिन।’ सिनी सिवी।

लूका 7:39

ती थोङ्‍नी येशूला फेप शोप फरिसी तीकी दुका नासाम ताङ्‍सुङ, “दी मी ति वुतुङ के कोन्‍छ्‍योककी लुङ्‍तेम्‍बा यिन्‍सिन खोरुङला रेकुप ती ति चुका पारकी पुम्‍पेजा दिक्‍छेन यिन सिनी हाक्‍कोवु ति यिन्‍जा।”

लोमा छ्‍येतिवी लाका 11:3

“ख्‍युरुङ यहूदीतिवी च्‍येतुप लुक्‍सु मालावु मीतिवी ते गल्‍नी तिवी मुला च्‍यिला समा सोवु? ती ति दाक्‍पी लुक्‍सुला मे।” सिनी क्‍येन बिन्‍सुङ।

गलाती 2:12

ते याकूबकी तङ्‍गुप यहूदी दाल्‍जातिवा वुङ्‍गुप गोमाला पत्रुस ति यहूदी मिन्‍दुप मिरिक यम्‍बाकी मीतिवी मुला देनी साप थुङ्‍गुप क्‍यानोक। यिने तिवा ते वासिमा तीकी तिवी मुला साप थुङ्‍गुप क्‍युर ज्‍याक्‍नी गाल्‍सुङ। च्‍यिलासिसिन ती ति यहूदी च्‍येतुप लुक्‍सु तेन्‍दुपतिवी मुला ज्‍यिवा किनोक।

१ तिमोथी 1:15

दी सुङ ति मी तेरीकी यिन्‍ज्‍यिक मिन्‍ज्‍यिक सेमला लिङ गोकिवी। च्‍यिलासिसिन दी सुङ ति दिक्‍छेनतिवाला दिक्‍पा ने थर ज्‍यितुपला येशू ख्रीष्‍ट दी जम्‍बुलिङला फेपुपकी कोर्ला यिन। ती दिक्‍छेनतिवी नाङ्‍ला तेरी सिनाङ दिक्‍छेन ति ङ राङ यिन।