लूका 14:12 - कोन्छ्‌योककी सुङ

¹² तमा येशूकी खुरुङला केच्‍या क्‍यावु मी तीला साङ दुक सुङ्‍सुङ, “ख्‍योरो टोपला याङ्‍ना गोमुकी डेन कितुप पेला ख्‍योरो दाल्‍जातिवा, ख्‍योरो पिनतिवा, ख्‍योरो छेङ्‍गाछालीतिवा याङ्‍ना युलकी मी छ्‍युक्‍पुतिवाला केच्‍या माकी। तुक क्‍यासिन तिवी साङ ख्‍युरुङला केच्‍या क्‍यानी डेनकी किन्‍बा ख्‍युरुङला लोक्‍नी तेर्किवी।

लूका 14:12 Iomraidhean Croise

मत्ती 5:46

दोजो ख्‍यिराङला ङ्‍यिङ्‍ज्‍ये कितुपतिवाला तिराङ ख्‍यिरा ङ्‍यिङ्‍ज्‍ये किवी सिसिन ख्‍यिराङला काङ छ्‍यक्‍तक थोप्‍किवी रो? काङ से दुतुपतिवी साङ तुकै राङ मिकिवी रो?

लूका 1:53

खोकी ल्‍होतुङ्‍बा वोतुपतिवाला समा ल्‍यामुकी डा च्‍यिनी वे, छ्‍युक्‍पुतिवाला ति लाक्‍पा तोङ्‍बा राङ लोक्‍नी ताङ वे।

लूका 1:58

चोवो कोन्‍छ्‍योककी तीला छासे कटिन नङ वे सिरुप थोनी तीकी युल्‍वातिवा ताङ छेङ्‍गाछालीतिवा तीकी मुला गा क्‍यासुङ।

लूका 14:11

च्‍यिलासिसिन सी रङला येर देकिवे, ती ति मो बेप्‍किवी। तमा सी रङला मो बेप्‍किवे, ती ति येर देकिवी।”

लूका 14:13

बोरु ख्‍योरो डेन कितुप पेला पेराङ्‍बुतिवा, युक मुथुवुतिवा, थेङ्‍बातिवा ताङ मिक शर्वातिवाला केच्‍या की।

२ कोरिन्थी 6:13

त ङ ख्‍यिराङला ङरा पेजातिवाला सिक्‍यावु दोके क्‍यानी सिरिन, ङ्‍यिरा ख्‍यिराङला ङ्‍यिङ्‍ज्‍ये क्‍यावु दोके ख्‍यिरा साङ ङ्‍यिराङला ङ्‍यिङ्‍ज्‍ये की।