लूका 14:1 - कोन्छ्‌योककी सुङ

¹ ङ्‍यिम्‍ज्‍यिक ङासोप ङ्‍यिमाला येशू फरिसी छ्‍योक्‍पाकी मी छ्‍ये यीकी खाङ्‍बा सोल शेवुला फेप्‍सुङ। ते मीतिवी खोला चिवा क्‍यानी देनोक।

लूका 14:1 Iomraidhean Croise

मत्ती 12:12

लुक सिनाङ मी ति मङ खक्‍छ्‍येवु मिन रो? तुक क्‍यानी ङासोप ङ्‍यिमाला लाका ल्‍यामु कितुप गिवी।”

मर्कूस 3:2

ते वोतुप मीतिवा ललाइकी खोला क्‍येन तेरुप नोनी ङासोप ङ्‍यिमाला खोकी ती मी तीला टेक ज्‍यिकिते यिन्‍दे सिनी चिवा क्यानी देसुङ।

लूका 11:37

येशूकी ती ताम्‍ङे सुङ सिन्‍सिमा फरिसी मिरा च्‍यिककी खोला खोरो खाङ्‍बा सोल शेवुला फेप शुसुङ, तमा खो तीकी खाङ्‍बा फेप्‍नी सोल शेवुला ज्‍युसुङ।

लूका 14:2

ती पेला काङ्‍बा लाक्‍पा बोवु नेर्पु यी खोकी चिप्‍ला नोक।

लूका 17:20

थेङ्‍मा यी फरिसीतिवी येशूला कोन्‍छ्‍योककी ग्‍येल्‍खाप नम गिवी सिनी टिसिमा खोकी तिवाला दुक सुङ्‍सुङ, “कोन्‍छ्‍योककी ग्‍येल्‍खाप ति ख्‍यिरा मिककी थोङ्‍गुप दोके क्‍यानी मेङ्‍गिवी,

लूका 20:20

ती ज्‍युक्‍ला तिवी च्‍यु ल्‍हानी देसिमा च च्‍येतुप मीतिवाला मी टेङ्‍बुतिवा दोके जोनी येशूकी चाला ताङ्सुङ, तमा खोकी सुङ्‍गुप ताम्‍ङेला गोकोर्सिमा खोला रोमी ओङ्‍ज्‍येन कितुप मी छ्‍येकी लकला चेक तेतुप नो क्‍यानोक।

लूका 6:7

यहूदी छ्‍योकी गेकेनतिवा ताङ फरिसीतिवी येशूला क्‍येन तेरुप तेन्‍दोक छोलिन नोक। तुक क्‍यानी येशूकी ङासोप ङ्‍यिमाला नेजु टेक ज्‍यिकिते सिनी चिवा क्‍यानी देनोक।

यूहन्‍ना 3:1

ते फरिसी छ्‍योक्‍पाकी मीतिवी पर्ला निकोदेमस सिरुप यहूदीतिवाला गोमा कितुप मी मिरा च्‍यिक नोक।

लोमा छ्‍येतिवी लाका 5:34

यिने ते मीतिवा तेरीकी ताङ्‍देन क्‍यानी चिवु गमलिएल सिरुप यहूदी छ्‍योकी गेकेन फरिसी मिरा च्‍यिक नोक। ती ति ठिम्‍खाङला खोक लानी लोमा छ्‍येतिवाला उकुर च्‍यिक पाङ्‍ला ग्‍युक सिक्‍यासुङ।