लूका 13:3 - कोन्छ्‌योककी सुङ

³ तुकै मिन। ङ ख्‍यिराङला सिरिन, ख्‍यिराङ साङ दिक्‍पा ने सेम माग्‍युर्सुङ सिसिन तुक राङ क्‍यानी तेरी ना डिवी।

लूका 13:3 Iomraidhean Croise

मत्ती 12:45

तमा ती ति गल्‍नी खुरुङ सिनाङ मङ दुक्‍टा वोतुप डे दिनतिवा टिनी वानी ती दासाला शुनी ते राङ देकिवी। तुक क्‍यानी ती मी ति गोमाला सिनाङ ज्‍युक्‍ला मङ मेलोक्‍पा डिवी। ती दोके दुक्‍टा वोतुप दी गिपाकी मीतिवा साङ तुकै राङ डिवी।”

मत्ती 22:7

तुक क्‍यासिमा ग्‍येल्‍वु ति ङ्‍यिर्मु लानी मक्‍मीतिवा ताङ्‍नी खोरो लावातिवाला सेतुप मीतिवा से च्‍यिसुङ, तमा तिवी ग्‍येसा तीला मे ग्‍यक च्‍यिसुङ।

मत्ती 3:2

“ख्‍यिराङ दिक्‍पा ने सेम ग्‍युर, च्‍यिलासिसिन कोन्‍छ्‍योककी ग्‍येल्‍खाप चिप्‍ला राङ वा वे।”

लूका 13:2

तमा येशूकी तिवाला सुङ्‍सुङ, “ती गालीलकी मीतिवाला तुकै छेटाङ खुरुप तप्‍की तिवा यम्‍बा तेरी गालिलीतिवा सिनाङ मङ दिक्‍छेन यिन सिनी ख्‍यिरा नोकिवी?

लूका 13:4

येलुङ सिलोआमला वोतुप चिवुर गुतोक तला ग्‍यप्‍नी ती वोक्‍ला लेप्‍नी मी मिरा च्‍याप्‍ग्‍येतिवा शिनोक, तमा तिवा ति यरूशलेमला देतुप यम्‍बा तेरी मीतिवा सिनाङ मङ दिक्‍पा क्‍यावु मीतिवा यिन सिनी ख्‍यिरा नोकिवी?

लूका 13:5

तुकै मिन। ङ ख्‍यिराङला सिरिन, ख्‍यिराङ साङ दिक्‍पा ने सेम माग्‍युर्सुङ सिसिन तुक राङ क्‍यानी तेरी ना डिवी।”

लूका 24:47

तमा खोकी मिङला दिक्‍पा ने सेम ग्‍युर्सिन दिक्‍पा ताकिवी सिरुप लेन ल्‍यामु ति यरूशलेम नेसुर गो चुनी लुङ्‍बा तेरीकी मीतिवाला ख्‍याप्‍टाक किवी।’

लोमा छ्‍येतिवी लाका 3:19

ती तप्‍की ‘ङ दिक्‍छेन यिनोक’ सिनी सेम ग्‍युर्नी कोन्‍छ्‍योककी थाकाला ग्‍युर! तुक क्‍यासिन खोकी ख्‍यिरा दिक्‍पा ता च्‍यिनी लोदिमु नङ्‍गिवी।