लूका 13:16 - कोन्छ्‌योककी सुङ

¹⁶ तुकै यिन्‍सिन लो च्‍याप्‍ग्‍ये सेक शैतानकी खोरो ओङला नरी टानी ज्‍यकुप दी अब्राहामकी गिपा यिन्‍दुप पुम्‍पेजा तीला ङासोप ङ्‍यिमाला पि तोङ्‍गुप मेङ्‍गिवी रो?”

लूका 13:16 Iomraidhean Croise

मत्ती 4:10

तमा येशूकी तीला “शैतान, ख्‍युरुङ ग्‍युक! च्‍यिलासिसिन कोन्‍छ्‍योककी सुङला दुक सिनी टि वे, ‘ख्‍योरो चोवो कोन्‍छ्‍योकला तिराङ सोवा तेक, खोला तिराङ शब्‍ज्‍यी पुल।’” सिनी सुङ्‍सुङ।

मर्कूस 2:27

तमा लोङ खोकी तिवाला सुङ्‍सुङ, “ङासोप ङ्‍यिमा ति मी थोक्‍ला जोवु यिन, मी ति ङासोपकी ङ्‍यिमी थोक्‍ला जोवु मिन।

लूका 16:24

तमा ती मी छ्‍युक्‍पु तीकी थोर ग्‍यप्‍नी, ‘ओ पपा अब्राहाम, ङला च्‍यम्‍बा क्‍यानी लाजरसला दे तोङ्‍नी। तीकी लाक्‍पी थेप्‍तोक गो नेमा छ्‍यु पानी ङे च्‍येलाक सिल सङ्‍मु जो च्‍यी। ङ याङ दे मेवुर नाङ्‍ला कशेन छेटाङला ख्‍येल्‍नी वे।’ सिनी सिक्‍यासुङ।

लूका 19:9

तमा येशूकी जखायसला सुङ्‍सुङ, “हारिङ दी खाङ्‍बी तेरी मीतिवा दिक्‍पा ने थार्सुङ। च्‍यिलासिसिन दी मी साङ अब्राहामकी गिपा राङ यिन।

लूका 3:8

वुतुङ के ख्‍यिराङ दिक्‍पा ने सेम ग्‍युर्नी कोन्‍छ्‍योककी थाकाला वावु यिन्‍सिन ती दोके लाका ल्‍यामु की। तमा ख्‍यिरा सेमला ‘दाक्पु ति अब्राहामकी गिपा यिन।’ सिनी सिरुप माछोल। च्‍यिलासिसिन ङ ख्‍यिराङला सिरिन, कोन्‍छ्‍योककी दी दोतिवा नेसुर साङ अब्राहामकी गिपा जो थुप्‍किवी।

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

लोमा छ्‍येतिवी लाका 13:26

ओ अब्राहामकी गिपा ताङ कोन्‍छ्‍योकला ज्‍यिवा कितुप यहूदी मिन्‍दुप मिरिक यम्‍बाकी मीतिवा, दी दिक्‍पा ने थरुप लेन ल्‍यामु ति कोन्‍छ्‍योककी दाक्‍पी पर्ला राङ ताङ वे।

२ तिमोथी 2:26

तमा तिवा सेम ङ्‍येनी शैतानकी ओङ नेसुर थर्नी कोन्‍छ्‍योककी नोवाला युक थुप्‍किवी।