लूका 12:41 - कोन्छ्‌योककी सुङ

⁴¹ तमा पत्रुसकी येशूला सिक्‍यासुङ, “ओ चोवो, काङ दी पे ति ङ्‍यिरा थोक्‍ला तिराङ सुङ्‍गुप यिनाङ की, मी तेरीकी थोक्‍ला सुङ्‍गुप यिन?”

लूका 12:41 Iomraidhean Croise

मर्कूस 13:37

ङे ख्‍यिराङला सिक्‍यावु दी ताम्‍ङे ति मी तेरीला सिरुप ताम्‍ङे यिन। ख्‍यिराङ चेर्मु क्‍यानी देता।”

मर्कूस 14:37

तमा येशू लोमा सुमकी चाला लोक्‍नी फेप्‍सालेन्‍सिन तिवा ङ्‍यिलोङ राङ वोतुप थोङ्सुङ। खोकी पत्रुसला सुङ्‍सुङ, “सिमोन, ख्‍युरुङ ङ्‍यिलोक्‍नी राङ वे? ख्‍युरुङ छ्‍युजी च्‍यिक साङ ङ्‍यिमालोका क्‍यानी दे मुथुप्‍नोक?

लूका 12:47

खोरो ज्‍यिन्‍दाककी नोवा हाक्‍कोनी साङ टडिक मिकिवु याङ्‍ना ज्‍यिन्‍दाककी नोवु दोके मिकिवु लावाला बङी दुङ्‍गिवी।

लूका 12:48

यिने ज्‍यिन्‍दाककी नोवा हाक्‍माकोनी दुङ्‍गुप लाका क्‍यावु लावा तीला चेयी राङ दुङ्‍गिवी। तुक क्यानी सुला मङ बिन वे, ती नेमा मङ लङ्‍गिवी। सुला मङ चेक तेवे, ती नेमा मङ ल्‍हक्‍पा लङ्‍गिवी।”

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

१ पत्रुस 5:8

च्‍याङ्‍से देता, ङ्‍यी मालोक्‍नी देता! च्‍यिलासिसिन ख्‍यिरा ड शैतान ति सुला थेप्‍किवे, तीला साप सिनी वोरुप सेङ्‍गी दोके वोरिन वोतो।