लूका 12:4 - कोन्छ्‌योककी सुङ

⁴ येलुङ येशूकी सुङ्‍सुङ, “ओ ङे दाल्‍जातिवा, ङ ख्‍यिराङला सिरिन, जु ति सेसिमा ज्‍युक्‍ला यम्‍बा काङ साङ कि मुथुपुप तीला ज्‍यिवा माकी।

लूका 12:4 Iomraidhean Croise

मत्ती 10:28

ख्‍यिरा जु सेसिनाङ नम्‍शिङ ति से मुथुपुप तीला ज्‍यिवा माकी। यिने जु ताङ नम्‍शिङ ङ्‍यिकरला ङ्‍येलाला क्‍युरुप कोन्‍छ्‍योकला ति ज्‍यिवा की।

यूहन्‍ना 15:13

रङगी दाल्‍जी थोक्‍ला खोरुङ राङ शेप सिनाङ मङ ङ्‍यिङ्‍ज्‍ये छ्‍ये ति मे।

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

लोमा छ्‍येतिवी लाका 4:13

पत्रुस ताङ यूहन्‍ना काङ साङ मालापुप ताङ येन्‍देन मेतुप यिन्‍सिनाङ तुका ङाडेङ वोतुप थोङ्‍नी ते वावु मीतिवा हलेवा क्‍यासुङ। तमा पत्रुस ताङ यूहन्‍ना येशूकी मुला युकुप मी यिन सिरुप ति तिवी हाक्‍कोसुङ।

फिलिप्पी 1:28

तमा ख्‍यिराङ रङगी डतिवी काङ क्‍यासिनाङ ज्‍यिवा माकी। तुक क्‍यासिन ख्‍यिरा डतिवा फम्‍बुप ताङ ख्‍यिराङ ति दिक्‍पा ने थरुप त छ्‍या देन्‍गिवी। ती थर्वा ति कोन्‍छ्‍योककी नङ्‍गिवी।

याकूब 2:23

कोन्‍छ्‍योककी सुङला “अब्राहामकी कोन्‍छ्‍योकला तेपा क्‍यावु तप्‍की खोकी अब्राहामला टेङ्‍बु वोतुप यिन सिनी चिसुङ।” सिनी टि वोतुप सुङ ति तेरी छेसुङ। तमा मीतिवी अब्राहाम ति कोन्‍छ्‍योककी दाल्‍जा यिनोक सिनी सिक्‍यासुङ।

१ पत्रुस 3:14

यिने ख्‍यिराङ लाका टेङ्‍बुकी थोक्‍ला दुक्‍पा खुर्सुङ सिसिन ख्‍यिराङला मोलाम थोपुप यिनो। मीतिवी ख्‍यिराङला ज्‍यिवा कुसिन ख्‍यिराङ ज्‍यिवा माकी, यर्मिन मर्मिन साङ माडो।

ज्‍यल्‍का 2:10

ख्‍युरुङला ख्‍येल वुङ्‍गुप छेटाङकी थोक्‍ला ज्‍यिवा माकी। ल्‍होसा, शैतानकी खोक्‍पा ल्‍हापला ख्‍यिरा पर्ला ललाइ ललाइला चोन्‍खाङला ख्‍येल ज्‍यितुप छल वोतो। यिन्‍सिनाङ ख्‍युरुङला ती छेटाङ ति ङ्‍यिमा च्‍यिथम्‍बा सेक तिराङ ख्‍येल्‍गितो। ख्‍युरुङ शिता सेक ङला तेपा रम्‍बु क्‍यानी दे, तमा ङ ख्‍युरुङला नाम्‍साङ मिशिवु मिजीकी छ्‍यक्‍तक तेरिनो।