लूका 12:1 - कोन्छ्‌योककी सुङ

¹ तोजो पेला मी तोङ्‍डा बङी जोम्‍बुप तप्‍की मीतिवा च्‍यिककी च्‍यिकला लेपुप छाल्‍सुङ। तमा येशूकी गोमाला खोरो लोमातिवाला सुङ्‍सुङ, “ख्‍यिराङ फरिसीतिवी खमीर नेसुर च्‍याङ्‍से देता, ती खमीर ति तिवी खोनक्‍पु यिन।

लूका 12:1 Iomraidhean Croise

लूका 11:44

ख्‍यिराङला मोताप सुक्‍शी, च्‍यिलासिसिन ख्‍यिराङ याङ फिला ल्‍हासिन ङो मेशेवु दोके जोवु शेप मीला ज्‍योकुप टककी फुक दोके यिन, तुक क्‍यानी मीतिवा ती खला युसिनाङ ती ति शेप मीला ज्‍योकुप टककी फुक यिन सिनी छ्‍या मे।”

लूका 12:56

ओ खोनक्‍पुतिवा, ख्‍यिरा स ताङ नाम ल्‍हानी नाम चुकै डिवी सिरुप ति बेतुप शेकिवी, यिने तसाम पेलाकी तुजे ति च्‍यिला बेतुप मेशेवी?”

लूका 5:1

ङ्‍यिम्‍ज्‍यिक येशू गनेसरेत सिरुप चोकी गारीला लानी ज्‍युनोक। ती पेला मी मङ्‍मु खोकी गारी गुरीला सुर्तुम ग्‍यकिन वानी कोन्‍छ्‍योककी सुङ ङ्‍येनिन नोक।

लूका 5:15

यिन्‍सिनाङ येशूकी क्‍यावु हलेवु लाका ति दासा तेरीला टाम्‍सुङ। तुक क्‍यानी मी मङ्‍मु खोकी सुङ साङ ङ्‍येन्‍दुप ताङ दाक दाक्‍पी नेजु साङ टेकुपला खोकी चाला जोम्‍गिनोक।

लूका 6:17

ती ज्‍युक्‍ला येशू लोमातिवा ताङ मुला पम्दोक नेमा मर पाप्‍नी दिङ्‍मा यीला लानी ज्‍युसुङ। ते खोकी यम्‍बा लोमातिवा साङ बङी नोक। तमा तेरी यहूदिया, यरूशलेम, टुरोस ताङ सीदोनकी ग्‍येम्‍छोकी गारी गुरी नेसुर वावु मीतिवा साङ बङी नोक।

लोमा छ्‍येतिवी लाका 21:20

ती थोसिमा तिवी कोन्‍छ्‍योकला सोवा तेक्‍नी पावलला सिक्‍यासुङ, “ओ नुप, ङ्‍येना! यहूदीतिवी पर्ला तेपा कितुपतिवा तोङ्‍डा च्‍यिथम्‍बा चोयी वे। तमा तिवा तेरी मोशाकी ठिम तेन्‍दुपला छासे ङाडेङ वे।

१ कोरिन्‍थी 15:3

ङला थोपुप तेरी सिनाङ खक्‍छ्‍येवु सुङ ति ङे ख्‍यिराङला ख्‍याप्‍टाक क्‍यावु यिन। ती सुङगी तेन्‍दोक ति कोन्‍छ्‍योककी सुङला सुङ्‍गुप दोके ख्रीष्‍ट दाक्‍पी दिक्‍पी थोक्‍ला टुङ्‍गुप यिन।

हिब्रू 12:22

यिने ख्‍यिराङ वावु दासा ति सियोन री ताङ देवाच्‍येनकी यरूशलेमला राङ यिन। ती दासा ति ङोसु वोतुप कोन्‍छ्‍योककी ग्‍येसा यिन। ख्‍यिराङ तोङ्‍डा बङी देवाच्‍येनकी लेन क्‍योलुप थुतिवा जोम्‍नी लोदिमुकी तुछ्‍येन तेन्दुप दासाला वानी वे।

याकूब 3:17

यिने देवाच्‍येन नेमा वावु रिक्‍पा ति गोमाला टेङ्‍बु वोतुप ताङ तिङ्‍ला लोदिमु वोतुप ताङ सेम बोल्‍मु ताङ मी यम्‍बी सिक्‍यावु ताम्‍ङेला ङ्‍येन्‍दुप ताङ च्‍यम्‍बा वोतुप ताङ डेलु ल्‍यामु गरुप दोङ्‍बु दोके मिजी ल्‍यामु क्‍योङ्‍गुप गिवी। यम्‍बा देवाच्‍येन नेमा वावु रिक्‍पा ति ललाइला ल्‍यामु ललाइला मेलोवा मिकिवु ताङ खोनक्‍पा मेतुप गिवी।

१ पत्रुस 2:1

तुक क्‍यानी ख्‍यिराङ लाका दुक्‍टा कितुप ताङ जिनोक जोप ताङ खोनक्‍पु कितुप ताङ ठतोक ङर्केल कितुप ताङ मीला मारे तोङ्‍गुप ताम्‍ङे तेरी क्‍युर।