लूका 11:9 - कोन्छ्‌योककी सुङ

⁹ तुक क्‍यानी ङ ख्‍यिराङला सिरिन, ‘लोङ, तमा ख्‍यिराङला नङ्‍गितो। छोल, तमा ख्‍यिराङला ङ्‍येकितो। गोला डक डक ग्‍योप, तमा ख्‍यिरा थोक्‍ला गो बेकितो।’

लूका 11:9 Iomraidhean Croise

मत्ती 21:22

ख्‍यिरा तेपा क्‍यासिन मोपोर कितुप पेला काङ लङ्‍सिनाङ ख्‍यिराङला थोप्‍किवी।”

मत्ती 21:31

ख्‍यिरा नासामला ती पुज्‍युङ पिन ङ्‍यीकी नाङ्‍ला चुका तीकी पपी नोवाला वोतुप ति क्‍यासुङ?” तिवी “पुज्‍युङ छ्‍ये तीकी।” सिनी सिक्‍यासुङ। तमा खोकी तिवाला सुङ्‍सुङ, “वुतुङ के ङ ख्‍यिराङला सिरिन। से दुतुपतिवा ताङ छ्‍येमुतिवा ख्‍यिराङ सिनाङ गोमाला कोन्‍छ्‍योककी ग्‍येल्‍खापला लेप्‍किवी।

मत्ती 6:29

यिने ङ ख्‍यिराङला सिरिन, छासे ल्‍यामु ल्‍यामु मज्‍या कोन्‍दुप ग्‍येल्‍वु सोलोमनकी साङ ती मेन्‍दोकतिवी नाङ ने च्‍यिक दोके साङ ल्‍यामु कोन मुथुप्‍नोक।

मर्कूस 11:24

तुक क्‍यानी ङ ख्‍यिराङला सिरिन, ख्‍यिरा मोपोर क्‍यानी काङ लङ्‍सिनाङ ती ति ख्‍यिराङला ङ्‍येन वे सिनी तेपा की, तुक क्‍यासिन ती ति ख्‍यिराङला थोप्‍किवी।

मर्कूस 13:37

ङे ख्‍यिराङला सिक्‍यावु दी ताम्‍ङे ति मी तेरीला सिरुप ताम्‍ङे यिन। ख्‍यिराङ चेर्मु क्‍यानी देता।”

लूका 11:10

च्‍यिलासिसिन लोङ्‍गुप तेरीला थोप्‍कितो, छोलुप तेरीला ङ्‍येकितो, तमा गोला डक डक ग्‍यकुप तेरीला गो बेकितो।

यूहन्‍ना 14:13

ख्‍यिरा ङे मिङला काङ लाङ्‍सिनाङ ङ ख्‍यिराङला ती तेरी च्‍युङ ज्‍यितिन। ती ति पुज्‍युङ नेमा पपाला मोवा च्‍युङ्‍शी सिनी यिन।

यूहन्‍ना 15:16

ख्‍यिरा ङला पेतुप मिन, यिने ङे ख्‍यिराङला पेतिन। ती ति ख्‍यिराङ गल्‍नी नरी लुवु डेलु गोर्शी सिनी यिन। तुक क्‍यानी ख्‍यिरा ङे मिङला काङ लाङ्‍सिनाङ पपी ख्‍यिराङला नङ्‍गिवी।

यूहन्‍ना 15:7

दोजो ख्‍यिराङ ङे मुला देतुप ताङ ङे सुङ ख्‍यिरा सेमला लुसुङ सिसिन ख्‍यिरा काङ लाङ्‍सिनाङ तुकै राङ च्‍युङ्‍गितो।

यूहन्‍ना 4:10

तमा येशूकी ती पुम्‍पेजा तीला सुङ्‍सुङ, “ख्‍युरुङ कोन्‍छ्‍योककी ङ्‍येम्‍बा ताङ ख्‍युरुङला छ्‍यु लोङ्‍गुप मी ति सु यिन सिनी ङो शेसिन तीला ख्‍योरे लोङ्‍गुप्‍जा, तमा खोकी ख्‍युरुङला मिजी तेरुप छ्‍यु तेरुप्‍जा।”

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

२ कोरिन्थी 6:2

खोकी सुङला “ख्‍युरुङला ङे कटिन गोवु पेला ख्‍योरो ङला रेन्‍दुप ति ङे थोसुङ। तमा थरुप तुजेला ङे ख्‍युरुङला दाल्‍जा किटे क्‍यायी।” सिनी सुङ्‍सुङ। ल्‍होसा, ती कोन्‍छ्‍योककी कटिन ङ्‍येतुप तुजे ताङ दिक्‍पा ने थरुप ङ्‍यिमा ति तन्‍दा राङ यिनो।

हिब्रू 11:6

यिने कोन्‍छ्‍योकला तेपा माक्‍यासिन सी साङ खोला गा लोङ मुथुपी। सु खोकी चाला वुङ्‍गिवे, तीकी कोन्‍छ्‍योक ज्‍यु वोतुप ताङ खोला छोलुपतिवाला खोकी छ्‍यक्‍तक नङ्‍गिवी सिनी तेपा कि गोकिवी।

हिब्रू 4:16

तुक क्‍यानी दाक्‍पु ज्‍यिवा माक्‍यानी कटिन वोतुप कोन्‍छ्‍योककी ग्‍येल्‍ठिककी चिप्‍ला डोप। तमा कतुकार ख्‍येलुप पेला दाक्‍पुला कटिन ताङ च्‍यम्‍बा थोप्‍किवी।

याकूब 1:5

दोजो ख्‍यिरा पर्ला ललाइला रिक्‍पा अला मेसुङ सिसिन ङ्‍यिर्मु माक्‍यानी सेम बोल्‍मु क्‍यानी नङ्‍गुप कोन्‍छ्‍योकला लोङ्‍शी, तमा खोकी तीला नङ्‍गितो।

याकूब 5:15

तेपा क्‍यानी मोपोर क्‍यासिन नेर्पु टेकिवी, तमा कोन्‍छ्‍योककी ती नेर्पुला येर लोङ्‍गिवी। तीकी दिक्‍पा क्‍या वोसिनाङ तीकी क्‍यावु दिक्‍पा ति माफ ङ्‍येकिवी।

१ यूहन्‍ना 3:22

तमा दाक्‍पी काङ लङ्‍सिनाङ खोकी दाक्‍पुला नङ्‍गिवी। च्‍यिलासिसिन ती ति दाक्‍पु खोकी कला ङ्‍येन्‍नी खोला गा लङ्‍गुप लाका क्‍यावु तप्‍की यिन।

ज्‍यल्‍का 2:24

यिने थिआटीराला वोतुप मीतिवी पर्ला ख्‍यिराङ ईजेबेल पुम्‍पेजी सिक्‍यावु खला माङ्‍येन्‍नी शैतानकी छ्‍याकला वोतुप हाक्‍को मुथुपुप ताम्‍ङेला मुयुकुपतिवाला ति ङ काङ साङ यम्‍बा क मेतेर्तो।