लूका 11:42 - कोन्छ्‌योककी सुङ

⁴² ख्‍यिराङ फरिसीतिवाला मोताप सुक्‍शी, च्‍यिलासिसिन ख्‍यिराङ मेन्‍डोक ताङ खम्‍बु ताङ यम्‍बा नम्‍बा तेरीकी मेन्‍चातिवा नेसुर दशांश ति कोन्‍छ्‍योकला बुल्‍गिवी, यिने ठिम टेङ्‍बु ताङ कोन्‍छ्‍योकला ङ्‍यिङ्‍ज्‍ये कितुप ताम्‍ङेला ति ङ्‍याम मिकिनोक। तिवा साङ कि गोकिवी, तमा ठिम टेङ्‍बु ताङ ङ्‍यिङ्‍ज्‍ये कितुप लाका साङ ङ्‍याम कि गोकिवी।

लूका 11:42 Iomraidhean Croise

मत्ती 23:13

“ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो, ख्‍यिराङ खोनक्‍पुतिवा! च्‍यिलासिसिन ख्‍यिराङ ति कोन्‍छ्‍योककी ग्‍येल्‍खापकी गोला गोल्‍ज्‍याक ग्‍यम वे। तमा खुरुङ साङ तीकी नाङ्‍ला मुशुकिवी, शुकुप छोलुप मीतिवाला साङ शुक मिज्‍यिवी।

मत्ती 23:23

ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो! ख्‍यिराङ खोनक्‍पुतिवा! ख्‍यिराङ मेन्‍डोक ताङ च्‍या छेर्माङ ताङ जीराकी दशांश ति कोन्‍छ्‍योकला बुल्‍गिवी, यिने ठिम टेङ्‍बु ताङ च्‍यम्‍बा ताङ तेपा दोके कोन्छ्‍योककी मोशाला नङ्‍गुप मङ खक्‍छ्‍येवु ठिमला ति ङ्‍याम मिकिवी। ख्‍यिरा कोन्‍छ्‍योकला बुल गोवु दशांश साङ ङ्‍याम क्‍यानी बुल गोकिवी, तमा ती खक्‍छ्‍येवु ताम्‍ङेतिवा साङ कि राङ गोकिवी।

मत्ती 23:27

ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो! ख्‍यिराङ खोनक्‍पुतिवा! च्‍यिलासिसिन ख्‍यिराङ ति पक कर्मु कुवु शेप मीला ज्‍योकुप टककी फुक दोके यिन। ती ति फिला ल्‍हासिन ल्‍यामु थोङ्‍गिवी, यिने तीकी नाङ्‍ला ति शेप मीकी रुकक ताङ तेरी मेचेङ्‍गाकी क्‍येङ्‍गुप गिवी।

लूका 18:12

ङ ङ्‍यिमा दिनकी नाङ्‍ला थेङ्‍मा ङ्‍यी ङ्‍युङ्‍ने र्‍हुङ्‍यिन, तमा ङला थोपुप तेरी च्‍यालकतिवी नाङ ने दशांश ति कोन्‍छ्‍योकला बुलिन।’

यूहन्‍ना 5:42

यिने ख्‍यिराङ चुका पारकी मी यिन सिरुप ति ङला छ्‍या वे, ख्‍यिरा सेमला कोन्‍छ्‍योकला ङ्‍यिङ्‍ज्‍ये कितुप नो मेतुप साङ ङला छ्‍या वे।

१ यूहन्‍ना 4:20

दोजो मी ललाइकी ङ कोन्‍छ्‍योकला ङ्‍यिङ्‍ज्‍ये कितिन सिवी, यिने यम्‍बा अच्‍युनुपतिवाला ङ्‍यिङ्‍मर किवी सिसिन ती ति जिनोक जोप यिन। च्‍यिलासिसिन तीकी खोरो मिककी थोङ्‍गुप अच्‍युनुपतिवाला साङ ङ्‍यिङ्‍ज्‍ये मिकिवी सिसिन मोथोङ्‍गुप कोन्‍छ्‍योकला ङ्‍यिङ्‍ज्‍ये कि मुथुवी।