लूका 11:41 - कोन्छ्‌योककी सुङ

⁴¹ कोरा ताङ देर्माङ नाङ्‍ला काङ वे, ती ति पेराङ्‍बुतिवाला बिन, तुक क्‍यासिन तेरी ताम्‍ङेतिवा ख्‍यिरा थोक्‍ला चेङ्‍गा डिवी।

लूका 11:41 Iomraidhean Croise

मत्ती 26:11

पेराङ्‍बुतिवा याङ ख्‍यिरा मुला नरी लुकिवी, यिने ङ याङ ख्‍यिरा मुला नरी मुलुवी।

मत्ती 5:42

ख्‍योरो मुला लोङ्‍गुपतिवाला बिन, तमा ख्‍योरो मुला छ्‍यावा किन्‍दुपतिवाला छ्‍यावा मेतेर सिनी मासिर।”

मर्कूस 7:19

ती याङ मी सेमला मिन, यिने खोकला लेप्‍नी तेसुर पाङ्‍ला थेन डिवी।” (येशूकी दुक सुङ्‍गुप ति साप समा तेरी चेङ्‍गा यिन सिनी सुङ्‍गुप यिन।)

लूका 12:33

ख्‍यिरा टोङ्‍बातिवा चोनी कतुकारला ख्‍येलुपतिवाला बिन। तमा ख्‍यिरा थोक्‍ला मरलुप छयीतिवा जो, तमा नाम्‍साङ मिसिन्‍दुप टोङ्‍बा ति देवाच्‍येनला शम्‍नी ज्‍योक। ते कुर्मेन साङ मोफोकिवी, बु साङ मग्‍यकिवी।

लूका 16:9

ङ ख्‍यिराङला सिरिन, दी जम्‍बुलिङकी टोङ्‍बा थ्‍वोनी दाक दाक्‍पी थोक्‍ला दाल्‍जातिवा जो, तमा ती टोङ्‍बा सिन्‍सिमा तिवी ख्‍यिराङला नरी लुवु दासाला गासो शुकिवी।”

लूका 18:22

ती थोसिमा येशूकी तीला सुङ्‍सुङ, “ख्‍युरुङला तरोङ साङ ताम्‍ङे च्‍यिक ङ्‍युङ्‍मु वे। ख्‍योरो मुला वोतुप टोङ्‍बातिवा तेरी चोनी पेराङ्‍बुतिवाला गोनी बिन। तुक क्‍यासिन ख्‍युरुङला देवाच्‍येनला टोङ्‍बा थोप्‍किवी। तमा वानी ङे तिङ्‍ला तिङ्‍योक।”

लूका 19:8

यिने जखायसकी खोक लानी चोवोला सिक्‍यासुङ, “चोवो, ल्‍होसा! त याङ ङ ङे टोङ्‍बा फेका यी पेराङ्‍बुतिवाला गोनी तेरिन। तमा ङे मी ललाइला क्‍येन्‍नी काङ रे च्‍यिक रे ठोवु वोसिन तीकी दोम्‍बा ज्‍यी फर लोक्‍नी तेरिन।”

लोमा छ्‍येतिवी लाका 10:15

ती ज्‍युक्‍ला साङ येलुङ दुक सिरुप वोरु यी लेसुङ, “कोन्‍छ्‍योककी चेङ्‍गा जो नङ्‍गुप च्‍यालकला ख्‍योरो मेचेङ्‍गा यिन सिनी नासाम मातोङ!”

लोमा छ्‍येतिवी लाका 11:29

तुक क्‍यानी एन्‍टिओखियाला देतुप तेपा कितुप मीतिवी दाक दाक्‍पी काङ अछ्‍योवु ति टङ्‍गा दुनी यहूदियाला देतुप तेपा कितुपतिवी थोक्‍ला कल तोङ्‍गुप सिनी तेन्‍तेन क्‍यासुङ।

लोमा छ्‍येतिवी लाका 24:17

लो अलायी ज्‍युक्‍ला ङ ङे गिपातिवी पर्ला दुक्‍पाला ख्‍येलुप मीतिवी थोक्‍ला टङ्‍गा बिन्‍नी दाल्‍जा कितुप ताङ कोन्‍छ्‍योकला बुल्‍वा बुलुपला ङ यरूशलेमला वायिन।

२ कोरिन्थी 8:12

ख्‍यिराङला तेरुप सेम वोसिन ख्‍यिरा लोला चो नोके, ती बिन्‍दुप ति कोन्‍छ्‍योक गा किवी, यिने ख्‍यिरा लोला मेतुप ति खोकी मोछोल्‍वी।

एफिसी 4:28

कुन कितुपतिवी साङ तफेन्‍ला कुन मिकिशी। तीकी लाका टेमु क्‍यानी सशी, तमा कतुकारला ख्‍येलुपतिवाला तेर थुप्‍शी।

तीतस 1:15

मी टेङ्‍बुतिवाला ताम्‍ङे तेरी टेङ्‍बु राङ गिवी, यिने मी मेटेङ्‍बु ताङ तेपा मिकिवुतिवाला ति तेरी ताम्‍ङे मेटेङ्‍बु तिराङ गिवी। तिवी सेम ताङ नासाम साङ मेलोक्‍पा गिवी।

हिब्रू 13:16

च्‍यिककी च्‍यिकला ल्‍यामु कितुप ताङ रङगी लोला वोतुप च्‍यालकतिवा यम्‍बा गोवुतिवाला तेरुप लाका कितुप टोक माज्‍येता। च्‍यिलासिसिन दाक्‍पी तुका जिन्‍बा पुलुप ति कोन्‍छ्‍योकला सेमला डिवी।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।