लूका 11:2 - कोन्छ्‌योककी सुङ

² तमा येशूकी तिवाला सुङ्‍सुङ, “ख्‍यिराङ दुक सिनी मोपोर की। ‘पपा कोन्‍छ्‍योक, पपी मिङ चाङ्‍मा वुङ च्‍यी। पपी ग्‍येल्‍खाप वुङ्‍शी।

लूका 11:2 Iomraidhean Croise

मत्ती 10:32

“सी मीतिवी मिङ्‍गाला ङला तेपा किवी सिनी सिवे, ङ साङ देवाच्‍येनला ज्‍यु वोतुप ङे पपी मिङ्‍गाला तीला ङे मी यिन सिनी सिरिन।

मत्ती 3:2

“ख्‍यिराङ दिक्‍पा ने सेम ग्‍युर, च्‍यिलासिसिन कोन्‍छ्‍योककी ग्‍येल्‍खाप चिप्‍ला राङ वा वे।”

मत्ती 5:16

ती दोके ख्‍यिरा वोसिर ति मीतिवी चिप्‍ला ग्‍यक च्‍यिनी तिवी ख्‍यिरा क्‍यावु लाका ल्‍यामु थोङ्‍नी देवाच्‍येनला ज्‍यु वोतुप ख्‍यिरा पपा कोन्‍छ्‍योकला सोवा देक च्‍यी।”

लूका 11:1

ङ्‍यिम्‍ज्‍यिक दासा यीला येशू मोपोर कियी नोक। मोपोर क्‍यान छर्सिमा खोकी लोमातिवी पर ने मिरा च्‍यिककी खोला सिक्‍यासुङ, “चोवो, यूहन्‍नाकी खोरो लोमातिवाला मोपोर कितुप लापुप दोके ङ्‍यिराङला साङ मोपोर कितुप लाप नाङ्‍नी।”

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

रोमी 8:15

त याङ ख्‍यिराङ ज्‍यिवा लङ्‍गुप दिक्‍पाकी ओङला मिन, कोन्‍छ्‍योककी थु चाङ्‍माकी ओङ थोपुप तप्‍की ख्‍यिराङ कोन्‍छ्‍योककी पेजातिवा यिन। तुक क्‍यानी दाक्‍पी कोन्‍छ्‍योकला “पपा” सिनी सि थुप्‍किवी।

१ कोरिन्‍थी 1:3

ख्‍यिराङ तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

२ कोरिन्थी 1:2

दाक्‍पी पपा कोन्‍छ्‍योक ताङ चोवो येशू ख्रीष्‍टकी ख्‍यिराङला कटिन ताङ लोदिमु नङ्‍शिता।

गलाती 1:4

येशू ख्रीष्‍ट ति दाक्‍पी पपा कोन्‍छ्‍योककी नोवा नेसुर दी दुक्‍टाकी क्‍येङ्‍गुप जम्‍बुलिङ ने दाक्‍पुला थर्वा नङ्‍गुपला दाक्‍पी दिक्‍पी थोक्‍ला टुङ्‍सुङ।

एफिसी 1:2

दाक्‍पी पपा कोन्‍छ्‌योक ताङ चोवो येशू ख्रीष्‍ट नेमा ख्‍यिराङला कटिन ताङ लोदिमु वुङ्‍शी।

फिलिप्पी 1:2

दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा ख्‍यिराङला कटिन ताङ लोदिमु वुङ्‍शी।

फिलिप्पी 4:20

त याङ दाक्‍पी पपा कोन्‍छ्‍योकला नरीकी नरी मोवा वुङ्‍शी। आमिन।

कलस्सी 1:2

कलस्‍सेला देतुप कोन्‍छ्‍योकला तेपा कितुप चाङ्‍मा ताङ खोङ्‍तेर्मु वोतुप अच्‍युनुपतिवाला टिवु यिनो। दाक्‍पी पपा कोन्‍छ्‍योककी ख्‍यिराङला कटिन ताङ लोदिमु नङ्‍शी।

१ थेसलोनिकी 1:1

टसी देलेक! पावल ताङ सिलास ताङ तिमोथी नेसुर पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेला वोतुप चर्चकी मीतिवाला दी यिकी ति टिवु यिनो। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

२ थेसलोनिकी 2:16

तमा दाक्‍पुला ङ्‍यिङ्‍ज्‍ये क्‍या नङ्‍गुप ताङ खोकी कटिन नेसुर नरीकी थोक्‍ला टोङ्‍गु ताङ रेवा ल्‍यामु नङ्‍गुप दाक्‍पी पपा कोन्‍छ्‍योक ताङ चोवो येशू ख्रीष्‍टकी

ज्‍यल्‍का 11:15

येलुङ देवाच्‍येनकी लेन क्‍योलुप थु दिन्‍बा तीकी खोरो ग्‍येलिङ पुसुङ। ती ज्‍युक्‍ला देवाच्‍येन नेमा थोर ग्‍यप्‍नी दुक सिरुप वोरु यी ग्‍येर्पु तेन्‍सुङ, “जम्‍बुलिङकी ग्‍येल्‍खाप ति दाक्‍पी चोवो कोन्‍छ्‍योक ताङ खोकी ख्रीष्‍टकी ग्‍येल्‍खाप च्‍युङ्‍सुङ। त खोकी नरीकी नरी ग्‍येला क्‍या नङ्‍गितो।”

ज्‍यल्‍का 15:4

ओ चोवो कोन्‍छ्‍योक, चोवोला सी ज्‍यिवा मिकिवी रो? सी चोवोकी मिङला मोवा मिकिवी रो? च्‍यिलासिसिन चाङ्‍मा वोतुप ति चोवो तिराङ यिन। मिरिक तेरीकी मीतिवी चोवोला राङ सोवा बुल्‍गिवी। च्‍यिलासिसिन चोवोकी क्‍या नङ्‍गुप लाका टेङ्‍बुतिवा तेरीकी ठछ्‍येली थोङ्‍नी वे।”

ज्‍यल्‍का 19:6

ती ज्‍युक्‍ला मी माङ्‍छ्‍योक च्‍यार ग्‍यप्‍नी वोरु तेन्‍दुप दोके ताङ छ्‍यु बङी ज्‍युङ्‍गुप वोरु ग्‍येर्पु दोके ताङ छासे सम्‍डुक ग्‍यपुप दोके वोरु ङे थोसुङ। ती वोरु तीकी “हल्‍लेलूयाह! च्‍यिलासिसिन चोछ्‍ये वोतुप दाक्‍पी चोवो कोन्‍छ्‍योककी दी जम्‍बुलिङला ग्‍येला क्‍या नङ्‍गिवी।

ज्‍यल्‍का 20:4

येलुङ गेल्‍ठिकतिवा ताङ तिवी खला देतुपतिवाला ङे थोङ्‍सुङ। तिवाला ठिम कितुप ओङ बिन नोक। ते येशूकी कोर्ला पङ्‍बु बिन्‍दुप थोक्‍ला ताङ कोन्‍छ्‍योककी सुङगी थोक्‍ला सेतुपतिवी नम्‍शिङ साङ ङे थोङ्‍सुङ। तिवा ति सेम्‍ज्‍येन ताङ तीकी कुतिवाला सोवा मेदेकुप ताङ ती सेम्‍ज्‍येनकी लज्‍युर टला याङ्‍ना लाक्‍पी लोला मग्‍यपुपतिवा यिन। तिवा येलुङ सेन्‍बु लानी ख्रीष्‍ट ताङ मुला राङ लो तोङ्‍डा च्‍यिक ग्‍येला क्‍यासुङ।