लूका 11:13 - कोन्छ्‌योककी सुङ

¹³ ख्‍यिराङ दुक्‍टा वोनी साङ खोरो पेजातिवाला च्‍यालक ल्‍यामु तेर शेकिवी सिसिन देवाच्‍येनला ज्‍यु वोतुप ख्‍यिरा पपी याङ खोला लोङ्‍गुपतिवाला चुका मङ्‍मु खोरे थु चाङ्‍मा मनङ्‍गिवी रो?”

लूका 11:13 Iomraidhean Croise

मत्ती 5:16

ती दोके ख्‍यिरा वोसिर ति मीतिवी चिप्‍ला ग्‍यक च्‍यिनी तिवी ख्‍यिरा क्‍यावु लाका ल्‍यामु थोङ्‍नी देवाच्‍येनला ज्‍यु वोतुप ख्‍यिरा पपा कोन्‍छ्‍योकला सोवा देक च्‍यी।”

मत्ती 5:45

तुक क्‍यासिन ख्‍यिराङ ति देवाच्‍येनला ज्‍यु वोतुप पपा कोन्‍छ्‍योककी पेजातिवा च्‍युङ्‍गिवी, च्‍यिलासिसिन कोन्‍छ्‍योककी मी ल्‍यामु ताङ मेलोवा ङ्‍यिकरला ङ्‍यिमी वोसिर ग्‍यक ज्‍यिकिवी, तमा मी टेङ्‍बु ताङ मेटेङ्‍बु ङ्‍यिकरला छ्‍यर्वा ग्‍यक ज्‍यिकिवी।

मत्ती 6:14

दोजो ख्‍यिराङला मेलोवा कितुपतिवाला ख्‍यिरा माफ बिन्‍सुङ सिसिन देवाच्‍येनला ज्‍यु वोतुप ख्‍यिरा पपा कोन्‍छ्‍योककी साङ ख्‍यिराङला माफ नङ्‍गिवी।

मत्ती 6:30

हारिङ वोतुप ताङ सला मेला र्‍हेकुप सकी चला साङ कोन्‍छ्‍योककी तुक क्‍यानी छ्‍या नाङ्‍सुङ सिसिन, ओ तेपा अला मेतुपतिवा, ख्‍यिराङला याङ खोकी मङ छ्‍यानी मनङ्‍गिवी रो?

मत्ती 6:32

दिवा तेरी ति कोन्‍छ्‍योकला ङो माशेवु मिरिक यम्‍बातिवी छोल्‍गिवी। यिने देवाच्‍येनला ज्‍यु वोतुप पपा कोन्‍छ्‍योककी ख्‍यिराङला ती तेरी गोकिवी सिनी छ्‍या वे।

मत्ती 7:11

ख्‍यिराङ दुक्‍टा वोनी साङ रङगी पेजातिवाला च्‍यालक ल्‍यामु तेर शेकिवी सिसिन देवाच्‍येनला ज्‍यु वोतुप ख्‍यिरा पपा कोन्‍छ्‍योककी याङ खोला लोङ्‍गुपतिवाला मङ च्‍यालक ल्‍यामु मनङ्‍गिवी रो?

लूका 11:12

तमा च्‍ये मेन्‍दोक लङ्‍सिन तीला बिच्‍छी तेर्किवी?

लूका 11:2

तमा येशूकी तिवाला सुङ्‍सुङ, “ख्‍यिराङ दुक सिनी मोपोर की। ‘पपा कोन्‍छ्‍योक, पपी मिङ चाङ्‍मा वुङ च्‍यी। पपी ग्‍येल्‍खाप वुङ्‍शी।

लूका 18:7

काङ कोन्‍छ्‍योकला ङ्‍यी ताङ नुप्‍ज्‍या गोङ्‍बा शोप खोरे पेतुपतिवी थोक्‍ला खोकी ठिम फिमु क्‍या नङ्‍गिवी रो?

यूहन्‍ना 4:10

तमा येशूकी ती पुम्‍पेजा तीला सुङ्‍सुङ, “ख्‍युरुङ कोन्‍छ्‍योककी ङ्‍येम्‍बा ताङ ख्‍युरुङला छ्‍यु लोङ्‍गुप मी ति सु यिन सिनी ङो शेसिन तीला ख्‍योरे लोङ्‍गुप्‍जा, तमा खोकी ख्‍युरुङला मिजी तेरुप छ्‍यु तेरुप्‍जा।”

लोमा छ्‍येतिवी लाका 2:38

तमा पत्रुसकी तिवाला सिक्‍यासुङ, “ख्‍यिराङ तेरीकी ख्‍यिरा क्‍यावु दिक्‍पा नेमा थरुपला सेम ग्‍युर्नी येशू ख्रीष्‍टकी मिङला बप्‍तिस्‍मा लो! तमा कोन्‍छ्‍योककी थु चाङ्‍माकी ङ्‍येम्‍बा ति ख्‍यिराङला थोप्‍कितो।

रोमी 5:17

आदमकी क्‍यावु दिक्‍पाकी जोसालेन्‍सिन तेरी मीतिवा दिक्‍पाला शोर्नी शेपकी ग्‍येला किवी, यिन्‍सिनाङ कोन्‍छ्‍योककी ग्‍यक्‍चे वोतुप कटिन ताङ टेङ्‍बुकी ङ्‍येम्‍बा थोपुप मीतिवा ति येशू ख्रीष्‍ट मी च्‍यिक नेमा तिवी मिजीला ग्‍येला किवी सिरुप ति मङ तेन्‍तेन वे।

रोमी 7:18

तुक क्‍यानी दी ताम्‍ङे ति ङला छ्‍या वे। ङे मिजीला ताम्‍ङे ल्‍यामु काङ साङ मे। च्‍यिलासिसिन काङ ल्‍यामु नोके ती लाका ति कितुप सिनी ङे नोक्‍यासिनाङ ती ति ङे कि मुथुपी।

रोमी 8:32

दाक्‍पी दिक्‍पी थोक्‍ला कोन्‍छ्‍योककी खोरे सेवु साङ र्‍होक माज्‍याक्‍नी दाक्‍पुला नाङ्‍सुङ सिसिन, खोकी सेवुकी मुला राङ यम्‍बा साङ तेरी कटिन नेसुर दाक्‍पुला मानङ्‍गिवी रो?

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।