लूका 10:42 - कोन्छ्‌योककी सुङ

⁴² यिने गोवु ताम्‍ङे ति च्‍यिक तिराङ वे। चुका ति ल्‍यामु नोके, ती ति मरियमकी पेसुङ। ती ति सी साङ ती नेसुर ठोक मुथुपी।”

लूका 10:42 Iomraidhean Croise

मर्कूस 8:36

मीला जम्‍बुलिङ तेरी ङ्‍येसिनाङ खोरो मिजी तोर्सिन तीला काङ ख्‍येप्‍साङ ङ्‍येकिवी रो?

लूका 10:39

तीकी ति मरियम सिरुप नुम यी नोक। ती मरियम ति चोवोकी शापकी चाला देनी खोकी सुङ ङ्‍येनिन नोक।

लूका 11:1

ङ्‍यिम्‍ज्‍यिक दासा यीला येशू मोपोर कियी नोक। मोपोर क्‍यान छर्सिमा खोकी लोमातिवी पर ने मिरा च्‍यिककी खोला सिक्‍यासुङ, “चोवो, यूहन्‍नाकी खोरो लोमातिवाला मोपोर कितुप लापुप दोके ङ्‍यिराङला साङ मोपोर कितुप लाप नाङ्‍नी।”

लूका 12:20

यिने कोन्‍छ्‍योककी तीला सुङ्‍सुङ, ‘ओ अम्‍बारङ्‍शिङ, हारिङ नुपला राङ ख्‍युरुङ शिवी। तमा ख्‍योरो थोक्‍ला शम्‍नी ज्‍यकुप टोङ्‍बा ति सी ति डिवी?’

लूका 12:33

ख्‍यिरा टोङ्‍बातिवा चोनी कतुकारला ख्‍येलुपतिवाला बिन। तमा ख्‍यिरा थोक्‍ला मरलुप छयीतिवा जो, तमा नाम्‍साङ मिसिन्‍दुप टोङ्‍बा ति देवाच्‍येनला शम्‍नी ज्‍योक। ते कुर्मेन साङ मोफोकिवी, बु साङ मग्‍यकिवी।

लूका 16:2

ती थोसिमा ज्‍यिन्‍दाककी ती मीला कताङ्‍नी दुक सिक्‍यासुङ, ‘ख्‍योरो कोर्ला ङे थोवु दी ताम्‍ङे ति काङ यिन? ख्‍योरे क्‍यावु तेरी ची ति ङला नाङ। तफेन्‍ला ख्‍युरुङ दी लाका कि मुथुपी।’

लूका 16:25

यिने अब्राहामकी तीला सिक्‍यासुङ, ‘पुज्‍यो, ख्‍युरुङ नासाम तोङ। ख्‍युरुङ सेन्‍बु वोतुप पेला तेरी गा ताङ किर्मु कितुप ङ्‍येनी वे। यिने दी लाजरस तीकी याङ दुक्‍पा बङी खुर्सुङ। यिने त याङ दीला किर्मु ङ्‍येन वे, ख्‍युरुङ ति छेटाङला ख्‍येल वे।

लूका 18:22

ती थोसिमा येशूकी तीला सुङ्‍सुङ, “ख्‍युरुङला तरोङ साङ ताम्‍ङे च्‍यिक ङ्‍युङ्‍मु वे। ख्‍योरो मुला वोतुप टोङ्‍बातिवा तेरी चोनी पेराङ्‍बुतिवाला गोनी बिन। तुक क्‍यासिन ख्‍युरुङला देवाच्‍येनला टोङ्‍बा थोप्‍किवी। तमा वानी ङे तिङ्‍ला तिङ्‍योक।”

लूका 8:18

तुक क्‍यानी ख्‍यिराङ च्‍याङ्‍से क्‍यानी ल्‍यामु ङ्‍येना। सी लोला नोके, तीला मङ ल्‍हक्‍पा थोप्‍किवी। तमा सी लोला मेवे, तीकी लोला वोते सिनी नो क्‍यावु ति साङ ठोकिवी।”

यूहन्‍ना 11:1

बेथानिया युलला लाजरस सिरुप मी यी नानोक। ती युलला राङ तीकी अज्‍यीतिवा मरियम ताङ मार्था साङ देनोक।

यूहन्‍ना 11:19

तमा यहूदीतिवा बङी मार्था ताङ मरियमला तिवी नुप शेपकी कोर्ला टोङ्‍गु तेरुपला वानोक।

यूहन्‍ना 12:3

ती पेला मरियम तीकी छासे गोङ कुर्मु नावु टी जङ्बु खाप जटामसीकी नुम लिटर फेका चोयी खुर वानी येशूकी शापला पुनी खोरो र्‍ह थ्‍वोनी खोकी शाप पिसुङ। तमा ती टी जङ्बु खाप नुमकी टेमा ति खाङ्बा काङ टाम्‍सुङ।

यूहन्‍ना 17:3

तमा नाम्‍साङ मिशिवु मिजी ति च्‍यिक राङ वोतुप कोन्‍छ्‍योक टेङ्‍बुला ङो शेवु ताङ पपी तङ्‍गुप येशू ख्रीष्‍टला ङो शेवु यिन।

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

यूहन्‍ना 5:24

ङ ख्‍यिराङला टेङ्‍बु सिरिन, सी ङे सुङला ङ्‍येन्‍नी ङला तोङ्‍गुप तीला तेपा किवे, तीला नाम्‍साङ मिशिवु मिजी थोप्‍किवी। तीला पर्च्या मोफोकिवी, तमा शेप ने थर्नी मिजी ङ्‍येकिवी।”

यूहन्‍ना 6:27

ख्‍यिराङ रुल्‍नी डोप समी थोक्‍ला लाका माकी, बोरु नाम्‍साङ मिशिवु मिजी तेरुप समी थोक्‍ला लाका की। ती मिजी ति ङ मी पुज्‍युङकी ख्‍यिराङला तेर्किवी, च्‍यिलासिसिन पपा कोन्‍छ्‍योककी ती मिजी तेरुप ओङ ति ङला नाङ्‍सुङ।”

१ कोरिन्‍थी 13:3

दोजो ङे मुला वोतुप नोर टोङ्‍बातिवा तेरी पेराङ्‍बुतिवाला गोनी बिनिन, तमा मीतिवाला छ्‍या देन्‍दुपला ङे जु तिरुङ मेला र्‍हेकुपला बिन्‍सिनाङ ङे सेमला ङ्‍यिङ्‍ज्‍ये मेसिन ङला काङ साङ ख्‍येप्‍साङ मेङ्‍गिवी।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।