लूका 10:22 - कोन्छ्‌योककी सुङ

²² ङे पपी ङला तेरी ताम्‍ङे चेक तेन नाङ्‍सुङ। पपी मिसिन पुज्‍युङ सु यिन सिनी सी साङ ङो मेशेवी। तमा पुज्‍युङ ताङ पुज्‍युङकी पपाला ङो शे ज्‍यितुपला पेतुपतिवी मिसिन पपा सु यिन सिनी सी साङ ङो मेशेवी।”

लूका 10:22 Iomraidhean Croise

मत्ती 11:25

ती पेला येशूकी दुक सुङ्‍नी मोपोर क्‍या नाङ्‍सुङ, “ओ पपा, देवाच्‍येन ताङ जम्‍बुलिङकी चोवो, ङ पपाला थुचिछे बुलिन। च्‍यिलासिसिन पपी दी ताम्‍ङे ति रिक्‍पा वोतुप ताङ लापुप मीतिवाला छ्‍याकला ज्‍याक्‍नी आङा टिक्‍पे दोके मालापुप मीतिवाला छ्‍या तेन्‍सुङ।

मत्ती 11:27

पपी ङला तेरी चेक तेन नाङ्‍सुङ। पपी तिराङ पुज्‍युङला ङो शेकिवी। तमा पुज्‍युङ ताङ पुज्‍युङकी खुरुङ सु यिन सिनी छ्‍या देन्‍दुपला पेतुपतिवी मिसिन यम्‍बा सी साङ पपाला ङो मेशेवी।

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

यूहन्‍ना 1:18

सी साङ नाम्‍साङ कोन्‍छ्‍योकला माथोङ वे। यिने पपा कोन्‍छ्‍योककी मुला च्‍यिक राङ वोतुप खोकी सेवुकी कोन्‍छ्‍योक सु यिन सिरुप ति दाक्‍पुला छ्‍या तेन्‍सुङ।

यूहन्‍ना 10:15

ती ति पपी ङला ङो शेवु ताङ ङे पपाला ङो शेवु दोके यिन। ङ रङगी लुकतिवी थोक्‍ला शि राङ गोसिनाङ शिवी।

यूहन्‍ना 13:3

पपा कोन्‍छ्‍योककी जम्‍बुलिङकी तेरी ओङ्‍ज्‍येन खुरुङला नङ्‍गुप ताङ खुरुङ कोन्‍छ्‍योक नेमा वानी येलुङ कोन्‍छ्‍योककी चिप्‍ला राङ लोक्‍नी डोप ताम्‍ङे येशूकी हाक्‍कोसुङ।

यूहन्‍ना 17:10

ङे मुला वोतुप ति तेरी पपी ति यिन, पपी मुला वोतुप ति तेरी ङे ति यिन। तमा तिवा नेसुर ङला मोवा ङ्‍ये वे।

यूहन्‍ना 17:2

पपी ङ पुज्‍युङला जम्‍बुलिङकी मीतिवा तेरीला ओङ्‍ज्‍येन कितुप ओङ नाङ्‍सुङ। ती ति पपी ङ पुज्‍युङला तेपा कि च्‍यितुप मीतिवा तेरीला ङ नेसुर नाम्‍साङ मिशिवु मिजी थोप्‍शी सिनी यिन।

यूहन्‍ना 17:26

पपा सु यिन सिनी ङे तिवाला ङो शे च्यितिन, तमा तरोङ साङ ङो शे ज्‍यितिन। ती ति पपी ङला क्‍या नङ्‍गुप ङ्‍यिङ्‍ज्‍ये ति तिवी मुला लुशी, तमा ङ साङ तिवी सेमला देतुप ङ्‍येशी सिनी यिन।”

यूहन्‍ना 17:5

ओ पपा, जम्‍बुलिङ ज्‍येङ्‍गुप सिनाङ गोमाला पपा ताङ ङे मुला वोतुप ती मोवा नेसुर पपी थोङ्‍दाङला ङला मोवा च्‍युङ च्‍यी।”

यूहन्‍ना 3:35

पपा कोन्‍छ्‍योककी खोरे सेवुला ङ्‍यिङ्‍ज्‍ये क्‍या नाङ्‍नी तेरी ओङ्‍ज्‍येन ति खोला चेक तेन नाङ्‍सुङ।

१ कोरिन्‍थी 15:24

तमा जम्‍बुलिङ ना डोप तिङ्‍मी तुजे वुङ्‍गिवी, ती तुजेला ख्रीष्‍टकी तेरी डेकी ओङ्‍ज्‍येन ताङ जम्‍बुलिङकी ओङ्‍ज्‍येन ताङ ङारतिवा ना तङ्‍नी दी जम्‍बुलिङकी तेरी ओङ्‍ज्‍येनतिवा पपा कोन्‍छ्‍योकला चेक तेकिवी।

२ कोरिन्थी 4:6

“नक्‍तोमीला ठछ्‍येली डोशी।” सिनी सुङ्‍गुप कोन्‍छ्‍योककी दाक्‍पी सेमला खोकी वोसिर ति ग्‍यक च्‍यिन वे। तमा ती वोसिरकी दाक्‍पुला येशू ख्रीष्‍टकी शालला वोतुप कोन्‍छ्‍योककी मोवा हाक्‍को ज्‍यिकिवी।

एफिसी 1:21

तमा जम्‍बुलिङ तेरीला ग्‍येला कितुप ताङ तेरी ओङ्‍ज्‍येन ताङ ङार ताङ ग्‍येल्‍खाप ताङ दी कल्‍वाला तिराङ मिन यिने त वुङ्‍गुप कल्‍वा सेक्‍ला वुङ्‍गुपतिवा तेरी सिनाङ चोछ्‌ये जो नाङ्‍सुङ।

हिब्रू 2:8

तमा ख्‍योरे तेरी च्‍यालकतिवा खोकी ओङला राङ ज्‍याङ नाङ्‍सुङ।” कोन्‍छ्‍योककी खोरे ओङला तेरी च्‍यालकतिवा ज्‍याङ नङ्‍गुप पेला खोकी ओङला मेतुप चुका च्‍यालक साङ मे। यिन्‍सिनाङ तसाम दाक्‍पी तेरी च्‍यालकतिवा खोकी ओङला राङ वोतुप मोथोङ्‍गिवी।

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।

२ यूहन्‍ना 1:9

ख्रीष्‍टकी सुङ्‍गुप कला मुयुकुप ताङ डेकला मेदेवु मीतिवी मुला कोन्‍छ्‍योक मेवी, यिने खोकी नङ्‍गुप सुङला हम क्‍यानी देतुप मीतिवी मुला कोन्‍छ्‍योक ताङ खोकी सेवु ङ्‍यिकर ज्‍युकिवी।