लूका 10:16 - कोन्छ्‌योककी सुङ

¹⁶ सी ख्‍यिरा ताम्‍ङे ङ्‍येन्‍गिवे, तीकी ङे ताम्‍ङे ङ्‍येन्‍दुप यिन। सी ख्‍यिरा तेन्‍दोकला लङ्‍गिवे, ती ति ङे तेन्‍दोकला लङ्‍गुप यिन। तमा सी ङे तेन्‍दोकला लङ्‍गिवे, ती ति ङला तोङ्‍गुप तीकी तेन्‍दोकला लङ्‍गुप यिन।”

लूका 10:16 Iomraidhean Croise

मत्ती 10:40

“सी ख्‍यिराङला सेमला लिङ्‍गिवे, तीकी ङला खोरो सेमला लावु यिन। सी ङला सेमला लिङ्‍गिवे, तीकी ङला तोङ्‍गुप तीला खोरो सेमला लावु यिन।

मत्ती 18:5

चुका मी तीकी ङे मिङला दुका आङा टिक्‍पे च्‍यिकला गासो शिवे, तीकी ङला राङ गासो शुवु यिन।”

मर्कूस 9:37

“सी दी आङा टिक्‍पे यीला ङे मिङला गासो शिवे, तीकी ङला गासो शिवी। सी ङला गासो शिवे, तीकी ङला मिन, ङला तोङ्‍गुप तीला गासो शिवी।”

लूका 9:48

तिवाला सुङ्‍सुङ, “सी ङे मिङला दी आङा टिक्‍पेला सेमला लिङ्‍गिवे, तीकी ङला सेमला लिङ्‍गुप यिन। तमा सी ङला सेमला लिङ्‍गिवे, तीकी ङला तोङ्‍गुप तीला सेमला लिङ्‍गुप यिन। ख्‍यिरा पर्ला सु तेरी सिनाङ छ्‍युङा नोके, ती ति तेरी सिनाङ छ्‍ये यिन।”

यूहन्‍ना 12:44

तमा येशूकी मीतिवाला थोर ग्‍यप्‍नी दुक सुङ्सुङ, “सी ङला तेपा किवे, तीकी ङला तिराङ तेपा कितुप मिन, यिने ङला तोङ्‍गुप तीला तेपा कितुप यिन।

यूहन्‍ना 12:48

ङला क्‍येन तेरुप ताङ ङे सुङला मेङ्‍येन्‍दुपतिवाला ठिम कितुप ति यम्‍बा राङ वे। ङे सिक्‍यावु दी ताम्‍ङेकी राङ जम्‍बुलिङकी तिङ्‍मी तुजेला तिवाला ठिम तोङ्‍गिवी।

यूहन्‍ना 13:20

वुतुङ के ङ ख्‍यिराङला सिरिन, सी ङे तङ्‍गुप तीला खोरो सेमला लिङ्‍गिवे, तीकी ङला सेमला लिङ्‍गुप यिन। तमा सी ङला खोरो सेमला लिङ्‍गिवे, तीकी ङला तोङ्‍गुप कोन्‍छ्‍योकला सेमला लिङ्‍गुप यिन।”

लोमा छ्‍येतिवी लाका 5:4

शिङ चोङ्‍गुप सिनाङ गोमाला साङ ती शिङ ति ख्‍योरो तिराङ यिन, तमा चोसिमा ती टङ्‍गा साङ ख्‍योरो तिराङ यिन। यिने चुक क्‍यानी ख्‍योरो सेमला दुका नासाम मेलोक्‍पा शार्सुङ? ख्‍योरो याङ मीला मिन, यिने कोन्‍छ्‍योकला जिनोक जोसुङ।”

गलाती 4:14

ङ अमोछ्‍यो वोतुप ति ख्‍यिरा थोक्‍ला खोक्‍पा ल्‍हावु दोके गल्‍सिनाङ ख्‍यिरा ङला ङ्‍यिङ्‍मर माक्‍या, मारे साङ माताङ। यिने देवाच्‍येनकी लेन क्‍योलुप थु ताङ ख्रीष्‍ट येशूला दोके ताङ्‍देन क्‍यासुङ।

१ थेसलोनिकी 4:8

तुक क्‍यानी सी दी ताम्‍ङेतिवा मेङ्‍येन्‍वे, तीकी मीला माङ्‍येन्‍दुप मिन, ख्‍यिराङला थु चाङ्‍मा नङ्‍गुप कोन्‍छ्‍योकला माङ्‍येन्‍दुप यिन।