लूका 1:80 - कोन्छ्‌योककी सुङ

⁸⁰ तमा ती आङा ति छरिन सिरा कोन्‍छ्‍योककी थु चाङ्‍मा नेमा रम्‍बु गाल्‍सुङ। तमा ती ति इस्राएलकी मीतिवी मिङ्‍गाला वुङ्‍गुप सिनाङ गोमाला दासा पाङ्‍थेरीला राङ देसुङ।

लूका 1:80 Iomraidhean Croise

मत्ती 11:7

तमा यूहन्‍नाकी लोमातिवा लोक्‍नी गल्‍सिमा येशूकी मी माङ्‍छ्‍योकला यूहन्‍नाकी कोर्ला दुक सिनी सुङ्‍सुङ, “ख्‍यिराङ दासा पाङ्‍थेरीला काङ ल्‍हापला गलुप? काङ वुर्तुककी योकुप ङ्‍युङ्‍मातिवा ल्‍हापला गलुप यिन?

मत्ती 3:1

ती पेला बप्‍तिस्‍मा तेरुप यूहन्‍ना ति यहूदियाकी दासा पाङ्‍थेरीला वानी दुक सियी मीतिवाला ख्‍याप्‍टाक क्‍यासुङ,

लूका 1:15

च्‍यिलासिसिन ती ति कोन्‍छ्‍योककी थोङ्‍दाङला मी छ्‍ये डितो। तमा तीकी गुन्‍डुम छ्‍याङ ताङ यम्‍बा जेप च्‍यालक नाम्‍साङ मुथुङ्‍तो। ती ति खोरो आमी खोकला वोतुप नेज्‍युनी कोन्‍छ्‍योककी थु चाङ्‍माकी क्‍येङ डितो।

लूका 2:40

आङा येशू ति छरिन रम्‍बु डोयी च्‍यु ताङ रिक्‍पाकी क्‍येङ्‍नी गाल, तमा चोवो कोन्‍छ्‍योककी कटिन खोकी खला नोक।

लूका 2:52

येशू ति रिक्‍पा ताङ जुजमला छरिन गाल्‍सुङ, तमा कोन्‍छ्‍योक ताङ मीतिवा नेमा मङ ङ्‍यिङ्‍ज्‍ये थोपिन गाल्‍सुङ।

यूहन्‍ना 1:31

खो सु यिन सिनी ङे साङ ङो माशे, यिने ङ छ्‍यु थ्‍वोनी मीतिवाला बप्‍तिस्‍मा तेरुप ति इस्राएलकी मीतिवाला खो सु यिन सिनी ङो शे ज्‍यितुपला यिन।” सिनी सिक्‍यासुङ।

लोमा छ्‍येतिवी लाका 18:28

च्‍यिलासिसिन कोन्‍छ्‍योककी सुङ नेसुर तीकी येशू तिराङ ख्रीष्‍ट यिन सिरुप सुङ बिन्‍नी तेरीकी मिङ्‍गाला यहूदीतिवा ताङ मुला केवुल क्‍यानी तिवाला खरक्‍पा दे च्‍यिसुङ।