लूका 1:59 - कोन्छ्‌योककी सुङ

⁵⁹ आङा क्‍येवु ङ्‍यिमा ग्‍येकी छेर्मु तिवी ती आङा तीला यहूदी च्‍येतुप लुक्‍सु कितुपला वासुङ, तमा तीकी मिङ ति खोरो पपी मिङ दोके जकरिया ज्‍योकुप छाल्‍सुङ।

लूका 1:59 Iomraidhean Croise

लूका 2:21

ङ्‍यिमा ग्‍येकी छेर्मुला आङाला यहूदीतिवी च्‍येतुप लुक्‍सु कितुप पेला आङी मिङ ति येशू सिनी तासुङ। ती मिङ ति खो आमी खोकला वोतुप सिनाङ गोमाला के देवाच्‍येनकी लेन क्‍योलुप थुकी सिक्यावु मिङ यिन।

लोमा छ्‍येतिवी लाका 7:8

तमा कोन्‍छ्‍योककी अब्राहामला यहूदीतिवी च्‍येतुप लुक्‍सु कितुप ताम्‍ङे साङ थाक्‍छ्‍येन नाङ्‍सुङ। ज्‍युक्‍ला अब्राहामला पुज्‍युङ यी क्‍येनोक। तमा ती पुज्‍युङ क्‍येवु ङ्‍यिमा दिनला तीकी यहूदी च्‍येतुप लुक्‍सु क्‍यासुङ। ज्‍युक्‍ला इसहाककी साङ खोरो पुज्‍युङ याकूबला ती च्‍येतुप लुक्‍सु क्‍यासुङ। तमा याकूबकी साङ खोरो पुज्‍युङ च्‍यिङ्‍ङीला तुक राङ क्‍यासुङ।

फिलिप्पी 3:5

ङ क्‍येवु ङ्‍यिमा ग्‍येला यहूदी च्‍येतुप लुक्‍सु क्‍यावु यिन, तमा ङ इस्राएलकी मी यिन, तमा बिन्‍यमिन गिपाकी मी यिन, तमा वुतुङ के हिब्रू मी यिन, तमा यहूदी ठिमकी कोर्ला सि गोवु यिन्‍सिन ङ फरिसी यिन,