लूका 1:53 - कोन्छ्‌योककी सुङ

⁵³ खोकी ल्‍होतुङ्‍बा वोतुपतिवाला समा ल्‍यामुकी डा च्‍यिनी वे, छ्‍युक्‍पुतिवाला ति लाक्‍पा तोङ्‍बा राङ लोक्‍नी ताङ वे।

लूका 1:53 Iomraidhean Croise

मत्ती 5:6

मोलाम थोपुप यिनो, टेङ्‍बु छोलुपला सेमगी दिङ नेज्‍युन छासे नो कितुपतिवा, च्‍यिलासिसिन तिवी सेमला गोवुतिवा तेरी ङ्‍येकितो।

लूका 1:54

खोकी ङ्‍यिरा पगावा हङ्‍गावातिवी मुला थाक्‍छ्‍येन नङ्‍गुप ति तेरी क्‍या नङ्‍नी खोरुङला शब्‍ज्‍यी कितुप इस्राएलला दाल्‍जा क्‍या नाङ वे।

लूका 6:21

ख्‍यिराङ तन्‍दा ल्‍होवा लावुतिवाला मोलाम थोपुप यिनो, च्‍यिलासिसिन ख्‍यिराङ डाकितो। ख्‍यिराङ तन्‍दा सेम्‍दुक लानी ङोपतिवा मोलाम थोपुप यिनो, च्‍यिलासिसिन ख्‍यिराङ गा लानी गोटे कितो।

लूका 6:24

यिने ख्‍यिराङ छ्‍युक्‍पु वोतुपतिवाला मोताप सुकुप यिनो, च्‍यिलासिसिन ख्‍यिराङला मिजी किर्मु ङ्‍येनी वे।

यूहन्‍ना 6:35

यिने येशूकी तिवाला सुङ्‍सुङ, “नाम्‍साङ मिशिवु मिजी तेरुप शुब्‍ज्‍याङ ति ङ राङ यिन। ङे ते वुङ्‍गुपतिवा नाम्‍साङ ल्‍होवा मलङ्‍गिवी, तमा ङला तेपा कितुपतिवा नाम्‍साङ कोम्‍बा मलङ्‍गिवी।

१ कोरिन्‍थी 1:26

अच्‍युनुपतिवा, कोन्‍छ्‍योककी ख्‍यिराङला पेन नङ्‍गुप पेला ख्‍यिराङ चुकै वे? नासाम तोङ। जम्‍बुलिङकी मीतिवी थोङ्‍दाङला ख्‍यिरा पर्ला रिक्‍पा वोतुप ताङ ओङ छ्‍ये वोतुप ताङ गी ल्‍यामु वोतुप अला मे।

१ कोरिन्‍थी 4:8

ए, त याङ ख्‍यिराङला गोवु च्‍यालकतिवा तेरी थोप्‍नी ख्‍यिराङ छ्‍युक्‍पु गाल्‍सुङ। ए, त याङ ङ्‍यिराङ मेसिनाङ ख्‍यिराङ ग्‍येल्‍वु दोके च्‍युङ्‍सुङ। वुतुङ के ख्‍यिराङ ग्‍येल्‍वु यिन्‍दुप यिन्‍सियाङ ङ्‍यिराङ साङ ख्‍यिरा मुला राङ ग्‍येल्‍वु कितुप ङ्‍येतुप्‍जा।