लूका 1:32 - कोन्छ्‌योककी सुङ

³² खो ति छासे चोछ्‍येवु डितो, तमा मीतिवी खोला चोछ्‍येवु कोन्‍छ्‍योककी सेवु सिनी सितो। चोवो कोन्‍छ्‍योककी खोला खोकी हङ्‍गावा दाऊदकी ग्‍येल्‍ठिक नङ्‍गितो।

लूका 1:32 Iomraidhean Croise

मत्ती 1:1

येशू ख्रीष्‍ट ति अब्राहाम ताङ ग्‍येल्‍वु दाऊदकी गिपा यिन। दिवा ति अब्राहाम ताङ ग्‍येल्‍वु दाऊदकी गिपा येशू ख्रीष्‍टकी पगावा हङ्‍गावातिवा यिन।

मत्ती 12:42

कोन्‍छ्‍योककी ठिम तोङ्‍गुप तुजेला ल्‍होकी थाकाकी लुङ्‍बा नेसुर वावु ग्‍येल्‍मी साङ दी गिपाकी मीतिवी तेन्‍दोकला क्‍येन तेर्किवी, च्‍यिलासिसिन ती ति ग्‍येल्‍वु सोलोमनकी रिक्‍पा ङ्‍येन्‍दुपला जम्‍बुलिङकी तिङ्‍मा नेसुर वासुङ। यिने ल्‍होसा, सोलोमन सिनाङ मङ छ्‍ये वोतुप ति दे वे।”

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

मत्ती 3:11

ङ याङ ख्‍यिराङला दिक्‍पा ने सेम ग्‍युरुपकी थोक्‍ला छ्‍यु थ्‍वोनी बप्‍तिस्‍मा तेरिन, यिने ङे तिङ्‍ला फेपुप ति ङ सिनाङ ओङ छ्‍येवु वे। तुक क्‍यानी ङ याङ खोकी शप्‍चे साङ खुर छ्‍योवु मे। खोकी ख्‍यिराङला चाङ्‍मा जोपला कोन्‍छ्‍योककी थु चाङ्‍मा ताङ मे थ्‍वोनी बप्‍तिस्‍मा नङ्‍गिवी।

मर्कूस 14:61

यिने येशू खरक्‍पा ज्‍युनी काङ टिलेन मासुङ। लोङ तेरी सिनाङ कोङ्‍यार छ्‍येकी खोला टिसुङ, “वुतुङ के ख्‍युरुङ टेङ्‍बु वोतुप कोन्‍छ्‍योककी सेवु ख्रीष्‍ट राङ यिन?”

मर्कूस 5:7

तमा थोर ग्‍यप्‍नी, “ओ तेरी सिनाङ चोछ्‍येवु कोन्‍छ्‍योककी सेवु येशू, ख्‍योरे ति ङे मुला काङ तम्‍जी वे? ङला दुक्‍पा मातेर सिनी कोन्‍छ्‍योकला न क्‍योल।” सिनी सिक्‍यासुङ।

लूका 1:15

च्‍यिलासिसिन ती ति कोन्‍छ्‍योककी थोङ्‍दाङला मी छ्‍ये डितो। तमा तीकी गुन्‍डुम छ्‍याङ ताङ यम्‍बा जेप च्‍यालक नाम्‍साङ मुथुङ्‍तो। ती ति खोरो आमी खोकला वोतुप नेज्‍युनी कोन्‍छ्‍योककी थु चाङ्‍माकी क्‍येङ डितो।

लूका 1:35

देवाच्‍येनकी लेन क्‍योलुप थु तीकी तीला सिक्‍यासुङ, “कोन्‍छ्‍योककी थु चाङ्‍मा ख्‍योरो खला फेप्‍कितो, तमा चोछ्‍येवु कोन्‍छ्‍योककी ओङ ति ख्‍योरो खला ख्‍येल्‍गितो। तुक क्‍यानी क्‍येप आङा ति चाङ्‍मा वोतुप यिन, मीतिवी खोला कोन्‍छ्‍योककी सेवु सिनी सितो।

लूका 1:76

ओ आङो, ख्‍युरुङ तेरी सिनाङ चोछ्‍येवु कोन्‍छ्‍योककी लुङ्‍तेम्‍बा सिवितो, च्‍यिलासिसिन ख्‍युरुङ चोवोकी गोमाला गल्‍नी खोकी लाम टडिक कितो,

लूका 3:16

तिवी नोवा हाक्‍कोनी यूहन्‍नाकी तिवा तेरीला सिक्‍यासुङ, “ङ ख्‍यिराङला छ्‍यु थ्‍वोनी बप्‍तिस्‍मा तेरिन, यिने ङ सिनाङ मङ ओङ छ्‍येवु वोतुप मी यी फेपिन वे। ङ याङ खोकी शप्‍चेकी र्‍हाम्‍डोक डोलुप साङ पोमु मे। खोकी ख्‍यिराङला कोन्‍छ्‍योककी थु चाङ्‍मा ताङ मे नेसुर बप्‍तिस्‍मा नङ्‍गिवी।

लूका 6:35

यिने ख्‍यिरे डतिवाला ङ्‍यिङ्‍ज्‍ये की, तिवाला ल्‍यामु की, येलुङ लोक्‍नी ङ्‍येतुप रेवा माक्‍यानी छ्‍यावा बिन। तुक क्‍यासिन ख्‍यिराङला छ्‍यक्‍तक ग्‍येर्पु थोप्‍कितो, तमा ख्‍यिराङ चोछ्‍येवु कोन्‍छ्‍योककी पुज्‍युङ च्‍युङ्‍गितो। च्‍यिलासिसिन कोन्‍छ्‍योककी टेन मासम्‍बुपतिवा ताङ दुक्‍टातिवाला साङ च्‍यम्‍बा क्‍या नङ्‍गिवी।

यूहन्‍ना 12:34

ती ताम्‍ङे थोसिमा मी माङ्‍छ्‍योककी येशूला “दाक्‍पी यहूदी ठिमला याङ ख्रीष्‍ट ति नरी सेन्‍बु लुकिवी सिनी टि वे, यिने ख्‍योरो चुक क्‍यानी मी पुज्युङ जम्‍बुलिङ ने येर तेकिवी सिनी सिक्‍यावु यिन? दी मी पुज्‍युङ ति सु यिन?” सिनी टिसुङ।

यूहन्‍ना 6:69

चोवो याङ कोन्‍छ्‍योककी चाङ्‍मा वोतुप मी यिन सिनी ङ्‍यिरा तेपा क्‍यानी हाक्‍को वे।” सिनी सिक्‍यासुङ।

लोमा छ्‍येतिवी लाका 16:17

तमा ती पुम्‍पेजा तीकी च्‍यार ग्‍यकिन सिरा “दी मीतिवा चोछ्‍येवु कोन्‍छ्‍योकला शब्‍ज्‍यी बुलुप मी यिन। दिवी याङ दिक्‍पा ने थर ज्‍यितुप लामकी कोर्ला ख्‍याप्‍टाक किवी।” सियी पावल ताङ ङ्‍यिरा तिङ्‍ला तिङ्‍यानी लेसुङ।

लोमा छ्‍येतिवी लाका 2:30

खो कोन्‍छ्‍योककी लुङ्‍तेम्‍बा यी यिन्‍दुप तप्‍की खोरे गिपा नेमा राङ मिरा च्‍यिक ग्‍येला कितुप मी क्‍येनी खोरे ठीला देकिवी सिरुप दाऊदला छ्‍या नोक। दी ति कोन्‍छ्‍योककी दाऊद ताङ मुला थाक्‍छ्‍येवु यिन।

लोमा छ्‍येतिवी लाका 2:36

ती तप्‍की ख्‍यिरा ग्‍यङ्‍शिङला कलुप ती येशूला कोन्‍छ्‍योककी चोवो ताङ ख्रीष्‍ट जो नाङ्‍सुङ सिरुप ताम्‍ङे ति तेरी इस्राएलकी मीतिवी ल्‍यामो क्‍यानी हाक्‍को गोकिवी।”

लोमा छ्‍येतिवी लाका 7:48

क्‍यासिनाङ चोछ्‍येवु कोन्‍छ्‍योक ति मी जोवु खाङ्‍बी नाङ्‍ला मुज्‍युयी। तीकी थोक्‍ला कोन्‍छ्‍योककी लुङ्‍तेम्‍बाकी दुक सिक्‍या वे,

रोमी 1:4

तमा खो ति कोन्‍छ्‍योककी थु चाङ्‍माकी ताम्‍ङे कितुप पेला टुङ्‍गुप मीतिवी नाङ ने ङोसु लानी ङार छ्‍येवु कोन्‍छ्‍योककी सेवु सिनी पङ्‍बु छ्‍या तेन्‍दुप दाक्‍पी चोवो येशू ख्रीष्‍ट यिन।

ज्‍यल्‍का 3:7

“फिलाडेल्‍फियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘चाङ्‍मा ताङ टेङ्‍बु वोतुप तीकी सुङ्‍गुप यिन। तीकी लोला दाऊदकी ग्‍येसाकी गो बेतुप लिमी वे। सी साङ तीकी पेतुप गो ति च्‍ये मुथुपी, याङ्‍ना सी साङ तीकी च्‍येतुप गो ति बे मुथुपी।