लूका 1:26 - कोन्छ्‌योककी सुङ

²⁶ तेमी ल टुककी तिङ्‍ला कोन्‍छ्‍योककी देवाच्‍येनकी लेन क्‍योलुप थु गब्रिएलला गालील लुङ्‍बाकी नासरत ग्‍येसाला वोतुप जेन्‍दी माक्‍यावु मरियम सिरुप पुम्‍पेजा यीकी चाला ताङ्‍सुङ।

लूका 1:26 Iomraidhean Croise

मत्ती 2:23

तेसुर तिवा नासरत सिरुप ग्‍येसाला गल्‍नी ते देसुङ। तुक क्‍यानी कोन्‍छ्‍योककी लुङ्‍तेम्‍बा नेसुर “खोला नासरतकी मी सिवी।” सिनी सुङ्‍गुप सुङ ति छेसुङ।

लूका 1:19

देवाच्‍येनकी लेन क्‍योलुप थु तीकी तीला सिक्‍यासुङ, “ङ गब्रिएल यिन। ङ कोन्‍छ्‍योककी दोङ्‍ला लानी देकिवी। खोकी राङ ङला ख्‍योरो मुला ताम्‍ङे कितुपला ताङ दी गाकी लेन क्‍योलुपला तङ्‍गुप यिन।

लूका 2:39

योसेफ ताङ मरियम ति चोवो कोन्‍छ्‍योककी ठिमला टिवु दोके तेरी क्‍या सिन्‍सिमा खोप्‍रे युल गालीलकी नासरतला लोक्‍सुङ।

लूका 2:4

तमा योसेफ साङ गालील लुङ्‍बाकी नासरत नेसुर यहूदियाकी बेथलेहेम सिरुप ग्‍येल्‍वु दाऊद क्‍येवु ग्‍येसाला गाल, च्‍यिलासिसिन ती ति दाऊदकी गिपा नेमा क्‍येवु मी यिनोक।

यूहन्‍ना 7:41

तमा ललाइकी “दी याङ ख्रीष्‍ट यिनोक।” सिनी सिक्‍यासुङ। यिने ललाइकी “काङ ख्रीष्‍ट ति गालील नेसुर वुङ्‍गिवी रो?