लूका 1:15 - कोन्छ्‌योककी सुङ

¹⁵ च्‍यिलासिसिन ती ति कोन्‍छ्‍योककी थोङ्‍दाङला मी छ्‍ये डितो। तमा तीकी गुन्‍डुम छ्‍याङ ताङ यम्‍बा जेप च्‍यालक नाम्‍साङ मुथुङ्‍तो। ती ति खोरो आमी खोकला वोतुप नेज्‍युनी कोन्‍छ्‍योककी थु चाङ्‍माकी क्‍येङ डितो।

लूका 1:15 Iomraidhean Croise

लूका 1:14

ती आङा क्‍येसिमा ख्‍युरुङला गा ताङ किर्मु गितो, तमा मी बङी ती क्‍येवु थोक्‍ला गा कितो,

लूका 7:28

“ङ ख्‍यिराङला सिरिन, आम्‍पुमकी खोक नेमा क्‍येवु मीतिवी पर्ला यूहन्‍ना सिनाङ छ्‍ये ति सुङ मे। यिने कोन्‍छ्‍योककी ग्‍येल्‍खापला याङ तेरी सिनाङ छ्‍युङा वोतुप मी यिन्‍सिनाङ यूहन्‍ना सिनाङ मङ छ्‍ये यिन।”

लूका 7:33

च्‍यिलासिसिन बप्‍तिस्‍मा तेरुप यूहन्‍ना वानी शुब्‍ज्‍याङ साङ मासो, गुन्‍डुम छ्‍याङ साङ माथु, तमा ती ल्‍हानी ख्‍यिरा तीला डे ग्‍यप्‍नोक सिनी सिक्‍यासुङ।

यूहन्‍ना 5:35

यूहन्‍ना ति बर्नी ठछ्‍येली जोप दिप्‍ली दोके यिन, तमा ख्‍यिरा चेयी पर सेक तीकी ठछ्‍येलीला गा क्‍यासुङ।

लोमा छ्‍येतिवी लाका 2:4

तमा ते जोम्‍बुपतिवा तेरी कोन्‍छ्‍योककी थु चाङ्‍माकी क्‍येङ्‍नी थु चाङ्‍माकी ओङला ग्‍येताम कुतुक कुतुकला तिवी ताम्‍ङे कितुप छाल्‍सुङ।

गलाती 1:15

यिने ङ क्‍येप सिनाङ गोमाला के कोन्‍छ्‍योककी ङला पेनी खोकी कटिनला कताङ नङ्‍नी

एफिसी 5:18

छ्‌याङ आराक थुनी जिनी रङगी जुला ना मातोङ, यिने खोकी थु चाङ्‍माकी क्‍येङ्‍नी देता।